عنوان الموضوع : مسجونة ببيت ابوي
مقدم من طرف منتديات نساء الجزائر

مسجونة ببيت ابوي



السلام عليكم ورحمة الله وبركاته

ابي افتح لكم قلبي اللي عمره ما انفتح لاحد

قصتي طويلة يليت اللي تقراها تدعيلي او تعطيني حل ولو اني ادري ما عاد فيه حلول للي انا فيه

بقولكم قصة حياتي من صغرها ... احنا بنتين على اربع صبيان اختي هي الاكبر اثنين من اخواني الله يهديهم متسلطين عنجهيين احس انهم عذبوني ... من عمري تقريبا 9 سنوات ما عرفت شي غير الممنوع والعيب ... وطبعا الطق ( الضرب )منهم ، عندنا حديقة تبع بيتنا ومسوره تخيلو يويلي اذا طلعت العب فيها الترفس والتمشع من الشعر ينطرني غير النعل اللي تنحذف علي وانا بالحديقة ... اللبس وما ادراك ما اللبس يويلي اذا لبست قصير او جم قصير ممنوووووووع تخيلو خواتي الكبار اللي من ابوي يعني من مرت ابوي لما يروحو يشترون لي هدوم يبتلشون يقولون ما ندري نشتريلج من قسم الاطفال ولا النساء !
عيال اخواني من ابوي تقريبا من عمري تخيلوا اذا زارونا شي طبيعي نطلع بالحديقة نلعب انا لاااااااا ... اطالعهم من عند الباب فقط هذي حدودي المسموحة لي
نجي للمراهقة واللي اهي اللي دمرت حياتي .... لبسوني نقاب وعباية راس وانا عمري16 سنة يمكن في بعض الناس هذا الطبيعي بس احنا عايلتنا لااااااا اصلا حتى الحريم الكبار من بناتنا اقصد بنات عمامي وخوالي ما يلبسون على اي اساس انا البس بتقولون اخوانج مدينين اقولكم لا عاديين اصلا واحد منهم حتى اصلا ما يصلي الله يهديه
وطبعا جمعات بنات عمي وخوالي انا الوحيدة اللي غايبة عنها لان عييييييييب اطلع من البيت ؟؟؟

قلت اصبر يمكن يكبرون اكثر ويعقلون

جاني الفرج من توضفت وصار عمري 25 وصار مسموح اروح للعروس وجمعات بناتنا بس شالفايدة احس انكسرت شخصيتي حيل احس صرت مهزوزة من داخلي ارد منهم مضايقة لاني انا بوادي والناس بوادي

انخطبت كذا مرة من عقب ما اروح العروس بس اللي يخطبوني بس يعرفون عمري ينحاشووووووون لان انا شكلي اصغر من عمري


الحين صار عمري 29 سنة
كرهت نفسي كرهت حياتي كرهت اللي حواليني كلهم تقولون اني مريضة نفسيا اقولكم ايييييي والله احس اني تعبانة ومحتاجة لطبيب نفسي اللي معاي بالدوام وبناتنا اللي اصغر مني وكبري عيالهم صاروا بالمدارس وانا ماكو حتى خطاااب والله مو حسد والله موحسد الله يتمم عليهم وعلى الكل اصلا هذي سنة الحياة

بناتنا تزوجوا من عيالنا يعني محد طلع برة العايلة لان يشوفونهم ويقولون لاهلهم اخطبوا لنا فلانة مثلا وانا مخشوشة بين بيتنا ونقاني اللي احسه السبب في عنوستي ؟؟؟

اللي فيه انا الحين ماني قادرة اتحمله تخيلوا لحد الحين ممنوع اطلع إلا بمرافقة واحد من اخواني ممنوووع اطلع بروحي لا حتى مع امي ولا اختي ادري ما راح تصدقون لان شي مو معقول بس والله هذا اللي صاير واللي مخيليني ماني قادرة اتحمل اكثر

بتقولون وين امي وابوي ... ابوي رجال كبير عطاهم الخيط والمخيط للاسف ما تدخل وامي .. آآآآآآآآآآآآآآه من امي مسكينة ماعندا شخصية كلللللش ما تقدر عليهم ابد ابد

للملاحظة اختي الله نجاها منهم لانها اكبر من هم ما قدروا عليها وتزوجت بسرعة خذاها ولد خالتي


هذي قصتي واتمنى انكم تدعووولي من قلبكم لاني احس اني طفشت واستغفر الله مرات الشيطان الرجيم يوسوسلي والله ساعات اقول يليت الانتحار حلال .. بس اتعوذ من ابليس واقول انا ماعشت الدنيا ان شاء الله الله يعوضني بالاخرة يارب
تقولون غيرج مصايبة اكثر اقول طبعا بس انا مقتنعة ان الله ما يبلي انسان إلا على قد قدرته واللي انا فيه احسه من اخواني هم اللي اجرموا فيني مو ابتلاء لان الله عطوف كريم على عبادة واخواني هم المجرمين..

سامحوني عالاطالة بس فعلا انا تعبانة .

>>>>> ردود الأعضـــــــــــــــــــاء على الموضوع <<<<<
==================================


بصراحه الله يكون بعونك هذا اللي اقدر اقوله



تحياتي


__________________________________________________ __________

استغفري ربك وصلي قيام الليل ودعي ربك يفرج همك
يرزقك الزوج الصالح


__________________________________________________ __________

الله يفرح همك ويحقق احلامك عاجلا غير اجل ولاتقنطين من رحمة الله واحسني الظن فيه وتفائلي وكل يوم يعدي عليكي قولي بكرة اكيد احلى


__________________________________________________ __________

ااااااه وش اقوووووووووووووول عن بعض الاهالي وش اخلي خليهااااااا ع ربك والله يعووووضك خيييييير يااارب


__________________________________________________ __________

ربي يرزقك الزوج الصالح اللي يعوضك عاجلا غير اجلا ويرزقني وجميع بنات المسلمين
آمييييييييييييييييييييييييييييييييييييييييييين