عنوان الموضوع : يوميات امرأه ... مجابة
مقدم من طرف منتديات نساء الجزائر

يوميات امرأه ...



طبعا اهلا فيكم حبايبي ...
اذن الفجر ..اصبحنا واصبح الملك لله ..الاب راح المسجد والحرمه صلت الفجر
وراحت تنادي يابنت انتي وهي قوموا يالله كل وحده تروح حمام (وانتم بكرامه)
لالا انا مالي دخل انا احب ذا الحمام بنتظرها لين تطلع ..طيب روحي للحمام الثاني ..مابي ..زين المسكينه راحت تسوي الفطور يالله تعالواافطوروا عشان امشط شعوركم ..طبعا البنت رقم 1 لازم تقلبها دراما مع الصبح >>انواع النكد ..المهم طالعين للمدرسه الساعه 7وربع >>عادي مدرسة ابوهم .
راحت مسكينه تقرا اذكار الصباح ..رجع زوجها قعدوا بالصاله يسولفون ويتناقشون وجو هادئ ..فجأه ..الله يعين قام ولدها الصغير صفارة انذار لازم البيت كله يعرف انه قام من النوم يبي حليب راحت الضعيفه تسوي حليب وتاحول انه يرجع ينام >>لكن مافي امل المهم الزوج يأس قال راح اخذ غفوه صحيني 9ونص ..وشوي صحى الكبير رقم 1 بالعصابه >>هي مسميتهم عصابه ..جايتكم العلوم ...
المهم قعدت مسيكينه ترتب بالبيت وتنظف ...طبعا العاده المفظله اذا شبع من شرب الحليب لازم كنب الصاله يشرب شوي معاه وتجي المسكينه >>ياغافلين لكم الله ..ليش كذا طبعا ولا على باله بيروح يشوف له وظيفه ثانيه المهم ..جت الساعه تسعه راحت تكوي الغتره (مثل الشماغ ) عشان ابو الشباب وتجهز الشراب وتمسح الجزمه ..وراحت تصحي الغالي ..بس مافي امل للرومانسيه ؟؟لان العصابه محيطه بها مثل ظلها من تصحى للتنام >>تقولون اشتروني بفلوسهم ..
المهم قام ابو الشبا ب لبس وتجهز ودهن عود وعطر وحركات ومنظر يفتخ النفس (ماشاء الله لاقوة الابالله ) لكن العصابه بالمرصاد ..
الضعيفه راحت تطبخ ودخل معاه رقم 2 بالعصابه الصغير طبعا لان الكبير راح يلعب على الاب توب ..وتطبخ وهو مافي قدر مافي مقاضي الا طلعها من الدواليب ..ياولد >>على فكره هي اي كلام لانها باله طويل ومستحيل تضرب او حتى تخاصم بشكل جدي الا بالشديد القوي
...طبعا لاتقولون لها طلعي من المطبخ ؟؟ماينفع لانه راح يقلب البيت خارج المطبخ ويخليه كأنه يبحث عن جزيرة الكنز ...
الساعه 11 قالت خليني اريح شوي قبل لايجون البنات وابوهم ..توها غفت
ااااي..ايش في ..رقم 2 بالعصابه اعطاه عضه بفخذها وهي غافيه عشان تعرف ثاني مره تغفى وهو صاحي >>تاديب ..مو قايله شارييني بفلوسهم ..
جاء وقت الغداء حطوا السفره والبنات يحكون مغامرتهم بالمدرسه ومافي امل يشيلون حتى ملعقه زين يرتبون اغراظهم الشخصيه ..رقم 1 بالعصابه يقعد يتفلسف مافي رز ابيض ..لا مافي كل رز احمر لا انا ابي ابيض خلاص كل الحين وبكره ان شاء الله ابسوي رز ابيض ..انا ابغى مكرونه بيضاء طيب راحت حطت مويه بالقدر بالمطبخ عشان اذا فرات سوت مكرونه بيضاء>>وفي هذه الاثناء رقم 2 بالعصابه يقوم بعمل اللازم من قلب سفرة الغداء الى معركه ..بيحوس السلطه وصحنه الا بالقوه يبي يحط لنفسه من السلطه الحاره واذا منعته الضعيفه على طول يضرب راسه بالارض طبعا وهي تمسكه جاء وقت الفاكهه..يوه المسكينه تذكرت انها ماكوت ملابس البنات لمدرسة الدرا ( التحفيظ ) العصر وتروح تكوي >>والبنات مافي امل احد يرفع السفره >>اطلبي ربك ..
المهم راحت رفعت السفره لين هم يلبسون وقامت تمشط شعورهم وتسمع للثانيه لان الاولى تقعد بالايات اسبوع >>الاولى لو عليها ماراحت >>بس وين تروح من ابوها
وبعدين راحت تسوي شاي اخضر ونعناع وجابته طبعا رقم 2 بالعصابه ..المشهد اليومي تصب له بفنجال ..طبعا حار ..يقعد ليش حار
وكل يوم تكرر الماساة وبعدين ياخذ قارورته ويروح ينام >>طبعا ينام ماهو شارينا بفلوسه ينام على كيفه ويصحى على كيفه ....
راحت تغسل المواعين وابو الشباب راح ياخذ غفوه بعد العصر شوي وفي هذي الاثناء طبعا راح يقولها رقم 1 بالعصابه احشي لي جبنه وحلاوه >>على فكره هذا مسلسه اليومي ماعنده سالفه غيرها ..
.........انتظروا الحلقه القادمه من يوميات حرمه ماعندها شغاله ...

>>>>> ردود الأعضـــــــــــــــــــاء على الموضوع <<<<<
==================================


بصراحه تصلحين مخرجه بدل عامر الحمود للمسلسلات
هههههههههههههههههه
حبيبتي لو فقدنا هذا المسلسل اليومي الحياه من غير العصابه مالها طعم شوفيني اتمنى لو واحد يملى علي حياتي لكن الرزاق بالسماء
راح انتظر الحلقه الثانيه بفارغ الصبر
بس قوليلي المسلسل ان شاء الله انه ثلاثين حلقه
تقبلي مروري
اختك شوشو


__________________________________________________ __________

بدايه موفقه يا حلوه
بانتظار باقي الحلقات


__________________________________________________ __________

هههههههههههه ماشاءالله عليك صرتي مخرجه دوري لك معك شغل ههههههههه
يصلح اكون ممثله بدل هالحرمه لاني لوبدالهاعرفت اربيهم بنات آخرزمن ليش مايساعدون امهم
هههههه بليزغيري شوي بالقصه لان ببنفعل كذامع الام


__________________________________________________ __________

طبعا اظهر لكم مهاراتي بالتعبير ..ايام الدراسه كنت اخذ الدرجه الكامله بالتعبير
انتظروا الحلقه الثانيه ...


__________________________________________________ __________

المشاركة الأصلية كتبت بواسطة الرياح الساكنة
بصراحه تصلحين مخرجه بدل عامر الحمود للمسلسلات
هههههههههههههههههه
حبيبتي لو فقدنا هذا المسلسل اليومي الحياه من غير العصابه مالها طعم شوفيني اتمنى لو واحد يملى علي حياتي لكن الرزاق بالسماء
راح انتظر الحلقه الثانيه بفارغ الصبر
بس قوليلي المسلسل ان شاء الله انه ثلاثين حلقه
تقبلي مروري
اختك شوشو

تسلمين على مرورك ياغاليه ..انتظري الحلقات القادمه >>مشكوره على دعمك ياربي يجبر بخاطرك ..