عنوان الموضوع : طفشت ساعدوني -تم الرد
مقدم من طرف منتديات نساء الجزائر

طفشت ساعدوني



تكفون ساعدوني امي تصبح علينا بهوشه وتمسي بهوشه ضغطي ارتفع تقول منتي بنتي وانامحتاره والله ماعمري صبحت ولا امسيت على كلمه طيبه تكفن ساعدوني

>>>>> ردود الأعضـــــــــــــــــــاء على الموضوع <<<<<
==================================


الله يكون بعونكـ بصرااحة بس وش تسوييين هذي أمكـ لازم تتحملينها شوي ألين مايجيكـ من ياخذكـ ويعيشكـ بسعادة أنشاء الله بس حاولي أنكـ تتقربين منها كثيير أمكن تخفف من الهواش.
وأعذريها لأن الأم دائما تتعب وأمكن دايم زوجها ألي هوه أبوكـ يزعق عليها ويخاصمها ونتو ماتدرون وترجع عليكم عشان تطفي النار اللي جواتها معليش حاولي انكـ تتلاشي هالشي لأن ممكن يكون يريحها ألأنها خلاص طلعت الحرة الي جواتها ونتي خليكي مقتنعة من هالشي وتفرحي لأنكم تريحونها شويه...
والله يكون بعونكـ وانشاء الله الاخوات يفيدونك بشي افضل مني..............
تقبلي مروري


__________________________________________________ __________

السلآم عليكم ورحمة الله وبركآته
هلآ فيج عزيزتـــي

يالغلآ إذآ كآن هذآ طبع في الوآلده ماراح تقدري تغيري من طبعهأ
واذا بس ايام اتيي وتحرج
خبريها وحاولي تتفاهمي معها
يمكن من كثر الضغوطآت تنفجر عليكن
واهي ان شاء الله تتفاهم

وانتي بعد شوفي وش سبب صراخها
يمكن انها تقوم الصبح وماتلقى حد يساعدها
طبيعي راح تحرج
ويمكن ماتقومون بواجبكن المنزلي بالكآمل
فهي طبعا كل شي فوق راسها وضغط ضغط ضغط

حليلها

الله يحفظهآ ويحفظج ان شاء الله


__________________________________________________ __________

والله قايمين بواجبنا في البيت على اكمل وجه ‏‏ماتشيل حاجه والوالد مايقول حاجه لها طيب جدا


__________________________________________________ __________

سوسو خليني اتكلم معاك بصراحه ولا تزعلين من كلامي00اي واحده تطرح موضوعها هنا عليها تتقبل جميييييييع الاراء بصدر رحب صح ولا لا00

بصراحه انتم هالاجيال الجديده متدلعين كثييييييييير 00ماتبون احد يرفع صوته عليكم ولا تبون احد يعطيكم اوامر00وان صار والام رفعت صوتها عليكم ولا الاب ضرب واحد فيكم يوووووو اش كثر تشتكون وتقولون انكم عايشين بجحيم وهم وغم 00معليش اعرف ان الابناء بعد البلوغ وخاصة البنات يصيرون حساسين اكثر من اللازم 00لكن وش يعني اذا الام صرخت على اولادها ولا الاب ضرب واحد من ابنائه تخرب الدنيا يعني 00عادي خليهم يربون اولادهم احسن مايطلعون فاسدين اذا كبرو

وبعدين ترى انتم عايشين بنعمه بس الصوت ينرفع عليكم 00ياليتك شفتي ايامنا 00 امي كانت تصبح علينا بالخيزرانه اذا تعرفينها وتمسي علينا بكم كف اذا رفضنا ننام بدري 00وعادي الحمدلله شوفينا وش صار علينا
ولا شيئ 00بالعكس صرنا ستات بيوت من احسن مايكون وقايمين بواجباتنا تجاه انفسنا وتجاه ازواجنا بما يرضي الله 00ودرسنا وتخرجنا واشتغلنا بوظائفنا وصارت حياتنا كلها نعيم ولله الحمد والمنه

ادري بتقولين بس انا مو كذا وانا حالتي غير
لكن لو ركزتي في كلامي راح تلاقين ان كلامي صح 00هذا مو حالك بس 00حال اغلب الشباب والشابات هالايام كله تشكًي من الام والاب في البيت
يا اختي اعتبريه فش خلق منها على قولتهم 00خليها تعبر عن غضبها حتى ولو كان على حسابك
اصبري 00تحملي00هذي امك 00لاتكونين حساسه زياده عن اللزوم 00تري والله مهما عملت فيك ما تكرهك ولا يمكن احد بالدنيا كلها يحبك كثرها
وخذي الموضوع بمرح 000تصدقين والله العظيم لما كانت امي تضربنا واحنا صغار 00طبعا عمرها ما ضربتنا الا على خطاء وخاصة انا كنت شقيه كثييييير في صغري خخخخخخخ
وبالرغم من ذلك كانت لما تعاقبنا بالضرب نجلس نضحك انا وخواتي وقبل مانام نروح نبوس يدها ولا كأن شيئ صار وننام واحنا مرتاحين وكنا والله نحس بيدها وهي تمررها على روسنا واحنا نيام وتبوسنا 00وادركت بعدين بعد ما كبرت ان ضميرها كان يعذبها لما تشوفنا نايمين بكل براءه وتتذكر هواشها لنا وضربها لاجسادنا في النهار00
وانا متأكده هذا حال امك لما تجي تنام تجلس تتذكر صراخها وهواشها لك بالنهار وتندم ويمكن تبكي كمان بدون ما تشوفون دموعها 00لكن كل ام تختلف عن الاخرى في اظهار مشاعرها تجاه ابنائها 00انما الشيئ اللي لايمكن يختلف عليه اثنان ان حب الام لابنائها عظيييييييييييييييم مهما كانت طريقتها في تربيتهم 00خلي هالفكره دووووووووووم في راسك 00امك تحبك مهما كانت طريقتها في التعامل معاك

الحين هدي نفسك وتعوذي من ابليس وفرفشي حالك 00ووالله ثم والله راح تتذكرين هذي الحياه اللي تعيشينها في حضن امك وتشتاقين لها كثيييييييييييير بعد الزواج وتتمنين تعود ولو للحظه مهما كان شعورك تجاهها الحين
ولما تكون امك زعلانه او معصبه طول اليوم معليش التمسي لها العذر بينك وبين حالك ولا تحطين راسك على مخدتك في الليل الا بعد ما تبوسين يدها وراسها وقولي سامحيني يا امي خليتك معصبه طول اليوم بسببي وحقك علي حتى لو كنتي ما غلطي 00معليش هذي الغاليه وتستاهل تتدلع عليك احنا نخطي وهم لهم حق الرضا مهما كبرنا يظلون هم الكبار واحنا الصغار00وتظل نظرتهم للامور تختلف عن نظرتنا لها 00الشيئ اللي نشوفه صح هم يشوفنه العكس بحكم خبرتهم في الحياه

وراح تتذكرين كلامي لما تتزوجين وتصيرين ام ان شاءالله 00وراح تعرفين معنى كل كلمه كتبتها لك هنا
وراح تعرفين وتذوقين احاسيس امك تجاهكم هذاك الوقت لما ابنك يخليك تعصبين

وتقبلي كلامي بصدر رحب 00وسلمي على امك


__________________________________________________ __________

انا مع اختي ام حاتم بكل كلمه قالتها وماشاء الله اعطتك الزبده وازيد عليها تذكري حالك لو لاقدر الله امك متوفيه وعايشه يتيمه وش كان حالك وش تتمنين ؟؟
بتقولين ياليتها عايشه وموريتني الويل بس تكون بينا ومانفقدها ترى الام غاليه حيييييييييييييل وربي غاليه
ومحد ياخذ مكانها لو كان حنون زمانه
سامحيني ان غلطت