عنوان الموضوع : ساعدوني الله يخليكم مجابة
مقدم من طرف منتديات نساء الجزائر

ساعدوني الله يخليكم



انا متزوجة من شهرين زوجي كان يحب وحدة وكان يبي يتزوجها بس ما حصل نصيب وقالي انه مسحها من حياته بس ان حاسه انه لسه يفكر فيها مع انه ما يقصر معي بس احيانا يكون شارد وفي نظرة عيونه حزن انا بصراحه مو مرتاحه احس انه يخبي علي انا متاكدة انه لسه يفكر فيها ماني عارفة كيف اتصرف ساعدوني

>>>>> ردود الأعضـــــــــــــــــــاء على الموضوع <<<<<
==================================


السلام عليكم ورحمه الله وبركاته
اختي مادام انه قالك انه مسحها من حياته فصدقيه
انتي توك متزوجه
اذاكانك تقولين انك تحسين انه يفكر فيها
انتي بيدك المفتاح انك تنسينه
المراه الذكيه هي التي تعرف كيف تتعامل مع زوجها
حاولي ان تكوني له الزوجه المطيعه
الام التي يحتاج لحنانها
الصديقه التي يشكي لها همومه بصدر رحب
الحياه الزوجيه في بدايتها تواجه الكثير من العقبات
فحاولي بذكائك التغلب على تلك العقبات
الرجل يحب المرأه التي تفهمه وتقدر شعوره
اتمنى انك استفدتي من كلامي واوصيك بالصبر
تقبلي مروري وانا تحت امرك اذا بغيتي شي
اختك افراااااااح


__________________________________________________ __________

كلام الاخت افراااح سليم
انتى لسه متزوج جديد
ولسه ما اخذتوا على بعض وما عرفتوا بعض
وطالما انه اختارك انتى
فعليكى ان تجعليه يندم انه فكر فى واحدة قبلك

وهو ده الحال معظم الازواج كان عندهم تجارب سابقة
لكن الست الشاطرة ماتخلى هذه التجارب تؤثر بالسلب على حياتها
بالعكس
تخليها تهتم بنفسها وجوزها
لما تلاقيه شارد اجلسى معه وابتسمى له ولا تاتى بسيرتها امامه بالعكس حاولى تخرجيه من الجو الحزين
افتحى معاه مواضيع تانية اعطيه عصير حلوى ----------- الخ اى شئ يخليه ما يفكر
وتاكدى انه بعد كده هيندم انه عرف غيرك

اتمنى لكى حياة سعيدة


__________________________________________________ __________

شاكرة لكم جميعا واذا احتجت اي شي اكيد بارجعلكم دمتم بحب


__________________________________________________ __________

الله يسعدك
صبرا حبيبتى
ان الله مع الصابرين


__________________________________________________ __________

تحملي يا أختي وصبري
وقبل ماتفكرين في أي شي حطي في بالج ان هالشخص
اهو حبيبج وروحج وخوفج عليه لازم ايكون أول ماتفكرين فيه قبل كل شي حتى نفسج...
أنا بعطيج نصيحه وجربيها ... بأسلوب وحسن تصرف وحكمه وأذا ماتملكينهم لاتحاولين أجربينها...

انسي أن الشخص الي جدامج اهو زوج لج وتخيلي أن الجدامج ضناج ((( يعني ولدج ومن حشاشه يوفج )))
مابقول خليه بحسبت صديق لك
لااااااااا .. لان الضنا اتخافين عليه أكثر وبأي طريقه تبين أساعدينه بعيد عن أي مشاكل ...
قعدي وياه وكلميه خلي كل شي واضح وصريح بينكم خليه يقول الي في قلبه والي حاس فيه صح بتتألمين يمكن من كلامه اذا قال الي في قلبه وخاصه اذا كان محور الكلام عن حبيبته بس سايريه وفهميه ووصليله المعلومه انج قد ماتقدرين ،،، وبتسوين المستحيل عشان ينساها عشان تبنون بيتكم على أساس سليم ساعديه وحطي يدج بيده عشان ينساها فهميه أن اهيا الحين صارت بس أوهام مجرد خيال وانت الحقيقه ...

وعقبها خلاص أتفقي وياه أن هذي السالفه مابتنفتح مره الثانيه يعني أسمها بنسساه ومابنذكره في بيتنا...
ويكون اتفاق جااااااااااااااااااااد...


وعيشي حياتج معاه ونسيه حبيبته تجاهلي سرحانه والتفكير فيها،،، وأذا شفتيه سرحان حاولي اتحسسينه أن أهو اكيد سرحان فيج ويفكر فيج...
أهم شي وعشان اتعالجين الموضوع ،،، انتي لازم تنسينها وتمحينها من خيالج ... عشان اتقدرين اتعيشين بسعاده وتعرفين اشلون تتصرفين في المواقف الصعبه ... لان طول ماهيا في بالج بتخلقين المشاكل بينكم بدون أحساس صدقيني ... عيشي حياتج عاديه لان مافي ريال مامرت في حياته بنات ووأكثر من حبيبات ....

والشك ومرض الغيره لا تزرعينهم في قلبج ....


أختي ...


وبقولج ترى اول مراحل الزواج لازم الشخصين يمرون في ضروف ومشاكل وايد يمكن حتى لمده سنه أو سنتين
لين تفهمون بعض ويعرف كل واحد منكم اشون يتصرف مع الثاني.. هونيها يا أختي وانشالله بتهون ...


وأهم شي وفوق ذي كللللللللللللله... صلاتج ،، أدعيله في صلاتج ان الله يبعده عن السوء ويحفظه لج ويهديه يااااااااااااااااااااااااااارب..