عنوان الموضوع : كيف اتعامل معاها؟؟ تم الاجابة
مقدم من طرف منتديات نساء الجزائر

كيف اتعامل معاها؟؟



اولا السلاام عليكم ورحمة الله وبركاته
خواتي العزيزات انا استقدمت لي خدامه من اثيوبيا ووصلت لها عندي الحين اسبوع المووهمهي الحمدلله نظيفه وسريعه وتحب الاطفال
بس مشكلتها انها تخلص شغلها بسرعه وبيتي طبعااا شقه واذا خلصت الشغل جلست على التلفزيون تتفرج على الافلام
وعيالي مو متعودين عليها على طول معاي وين مااجلس يجوا يلعبوا عندي
كيف اتعامل معاها يعني اقول لاتشوفين تلفزيون والا عادي بنظركمم ؟؟ابي أرائكم الله يجزاكم خيييير

>>>>> ردود الأعضـــــــــــــــــــاء على الموضوع <<<<<
==================================


دامهــا نظيفه وتحب عيالك لاتقولين لها شي ..لان يمكن تحقد عليك او على عيالك ..


__________________________________________________ __________

وعليكم السلام ورحمة الله وبركاته
ياعزيزتي الف الحمد لله والشكر انها سريعه ونظيفه وتنجز اعمالها بسرعه
طيب ايش المطلوب منها؟؟
ان الاطفال يتعودون عليها ويلعبوا وياها ويتركوا امهم؟؟
لاعزيزتي لا
الخادمات ليسوا لتربية الاطفال وقضاء الاوقات معهم
اذن مادور الام في البيت؟؟
ماهي مسؤوليات الام؟؟
الاشغال البيتيه كلها من مسؤولية الخادمه
والان الاطفال ايضا؟؟
الخادمات لايقربون من ثلاثة مهمات في البيت
الطبخ
الاطفال
الزوج والاولاد الذكور البالغين
وجهة نظري وقناعاتي
اتمنى ان تتقبليها برحابة صدر

تحياتي لك غاليتي


__________________________________________________ __________

ماشاء الله كويس

لكن قولي لها مافي تلفزيون انت بس شغل

وقولي كل الشغلات كذا

وفهميها ان مايصلح باسلوب

ومووووووفقة


__________________________________________________ __________

أنا مع الأخت بكيزة

الا إذا كنتي مشغولة مثلا فاطلبي منها ان تجلس مع عيالك حتى تخلصي شغلك


__________________________________________________ __________

المشاركة الأصلية كتبت بواسطة نورسال
ماشاء الله كويس

لكن قولي لها مافي تلفزيون انت بس شغل

وقولي كل الشغلات كذا

وفهميها ان مايصلح باسلوب

ومووووووفقة


ليش ماتجلس ع التلفزيون مدام قامت بواجبها مو بنى آدمه زينا....لاتستحقروا الانسانه ليها حقوق عليكي من الان وانتبهي لاتظلميها ذي ماقالتلك نورسال......
نصيحه مني اقبليها بصدر رحب...
,هم نظيفات جدا وحبوبات ع فكره...لاني شفتهم كثير عندنا
والله يوفقك وياها