عنوان الموضوع : كنت بوجوده احس بالامان والحين حياتي صارت رعب -تم الاجابة
مقدم من طرف منتديات نساء الجزائر

كنت بوجوده احس بالامان والحين حياتي صارت رعب



بعد وفاة امي وابي
اخوي يتحكم فيني وعايشه تحت عذاب ع يده هو وزوجته كل يوم مانام الليل بدون بكى وتمنى اني مت مع امي وابي عيشة انواع الذل وبسبة مين بسبب اخوي من لحمي ودمي بسبب تحريش حرمته علي والله العلي العظيم ماتحلفوني كاذبه انهم يعاملوني اسوء معامله بعص المرات توصل المواصيل فيه انه يضربني هي تروح الدوام هي مدرسه وانا خدامه لأاطفالها مارتاح قبل لاتجي للازم اسوي غداء افطر اطفالها اغسلهم باليل اسوي العشاء ارتب البيت كل هذا ومتحمله وهي تنافخ علي بكل بساطه لييييش كذا صدمتي بأخوي جدا كبيره المفروض يكون سند لي مايعذبني ويحرمني من ابسط حقوقي يحرمني من الدراسه تخرجت من الثانوي لي سنتين ومارضى اني اكمل دراستي مارضى ادخل الجأمعه ونسبتي كانت جدا عاليه الحمدلله هدم طموحي غير كذا بنتهم عمرها 15 سنه تنافخ علي ولاكأني اكبر منها انا ماني متعوده اظرب احد ماقدر امد يدي علييها انا فاقده ابووووي كنت بوجوده احس بالامان الحين كيف بحس بالامان وحياتي صارت رعب كل يوم يضربني اخوي يذلني ع الاكل الي يعطيني اياه انا كنت مستعده اخرج من عنده وادرس جأمعه واصرف على نفسي لكن هو مارضى عاجبه الحال فاقده كل شي راح مع امي وابي كانت حياتي جنه اتمنى من اي وحده عندها امها وابوها تبر فيهم والله ماراح يفهم معنى كلامي الا الي فاقد اتمنى من كل وحده تعرف قيمه امها وابوها تعرف القيمه الي عايشتها وتحافظ والله يحفظ امهاتكم وابهاتكم وجميع المسلمين

انا ي بنات مالي غير اخوي هذا اخوي من ابوي حتى رافض يزوجني كثير ناس خطبوني هو يرفض طبعا حرمته تبي لها خدامه لكن ماتبي تكلف عليه تبيني انا بدون فلوس ولاشي والافضل من هذا تخرج اربعه وعشرين ساعه واطفال اخوي عندي رغم ان بنتها الكبيره عمرها 15 كان ممكن تخلي اخوانها لكن مدلعتها ومعلمينها تتطاول علي انا الان عمري 21 سنه وكان عمري 10 سنوات يضربني قدام اطفاله ومرات يتمشو وياخذوني معهم يذلون ذل ع الطلعه ويطلعوها من عيني واتمنى اني ماطلعت معهة يطيح احد من الاطفال يتعور ع كول حرتهم فيني ضرب وكأني خدامه عنده هو وزوجته ليه مانتبهتي عليه من اول اقول خليك وراهم يعني مو معقوله هم مرتاحين وانا ورى عيالهم وبنتهم بعد مرتاحه وتطقطق ع الجوال
اقل شي اتحاسب عليه انا فعلا تعبت وقسم الي متحملته وألهموم الي بصدري مايتحملها جبل ادعو لي تكفون
قريب تصير عندي حاله نفسيه واتجنن انا من حقي اعيش زيي زي كل بنت تعيش بين اهلها مبسوطه يفرحون لفرحها ويزعلون لحزنها مو الي عندي معيشيني كأني خادمه انا مابي اتحسب عليه لانه اخوي وادري كل شي من ورى راس زوجته كل يوم عذاب وذل واهانه وضرب وفوق هذا انا على نياتي واتمنى لهم الخير مابي شي يضرهم هم يبون لي المضره لكن انا مابي لهم المضره هذي تربية ابوي لي كذا علمني اكون يدي بيد اخوي لكن للاسف نسى وصية ابوي نسى تربيته نسى كل شي

اسفه على الاطاله وشكرا لكم تعبتكم معي
وارجوكم ساعدوني مالي غيركم بعد الله سبحانه وتعالى


واطلب من الاداره الغأليه ان ينزلو مشكلتي بأقرب وقت ممكن لان خلااص طفح الكيل بتجنن


واسأل الله العظيم ان يسعدكم سعاده لايخالطها هم ولاحزن ويغفر لي ولكم ....

>>>>> ردود الأعضـــــــــــــــــــاء على الموضوع <<<<<
==================================


تقطع قلبي عليج حبيبتي ... فعلا ما فيه امان اكبر من وجود الوالدين في حياة عيالهم
نصيحتي اول خطوة اكتبي كل هالكلام اللي كتبتيه في المشكلة برسالة وعطيها اخوج خليه يقراها بعيد عن زوجته يمكن يحن قلبه عليج ويغير معاملته لج
وثاني شي ما ذكرتي اذا عندج عمام وعمات خوال وخالات ؟! اذا ما تغيرت معاملتهم لج رمسي حد من اهلج واذا تقدرين تروحي تعيشي عند يدج او يدتج روحي واتركيهم
واخر نصيحة اذا متضطرة تعيشين وياهم حاولي تكسبي عيالهم لطرفج لانج لو كسبتيهم بترتاحين في تعاملج مع عيالهم وما راح يسببون لج مشاكل
أسأل الله ان يعوضج بأحسن عوض ويرزقج من يرد لج الامان اللي كنتي حاسة فيه يااااااااااااا رب
موفقة

استغفر الله العظيم الذي لا إله إلا هو الحي القيوم و أتوب إليه


__________________________________________________ __________

والله تقطع قلبي عليكِ 😔😔
الله يعينك يا رب و يرزقك الزوج الصالح و ترتاحي من هذي الحاله اللي عايشتنها


__________________________________________________ __________

يالغالية مالك غير الدعاء
والاستغفار
قطعتي قلبي الله يفرج عليج قريبا


__________________________________________________ __________

لا تشتكين لأحد غير رب العباد

أرفعي يدك وأدعي

راح ترتاحين بشكل عجيب بس من كلمة يا الله وأدعي بعدها


__________________________________________________ __________

طيب وين خالاتك علميهم بالموضوع مممكن تنحل المشكله اواعمامك لازم تعلمينهم باللي صار خليه يتأدب قولي صرت شغاله لادراسه وحتى الزواج امنعوني وزوجته ربي بيحاسبها ع كل صغيره وكبيره بدل ماترحمك مخليتك شغاله عندها وقولي بين فتره وفتره يافلانه لو انك في مكاني بترضين تعيشين ذالعيشه لادراسه وبعد مخليني اكرف اظن ماراح تعرف اجاوب تكفيييين قوليه لها ممكن تحس قولي لاتنسين ترى الدنيا دواره والله يمهل ولايهمل لاتقولين انها بتعلم اخوي اكيد بيضربني عااااااادي تجرئي اخذي حقك ولاعليك من احد اكيد شافوك ساكته وع كذا ذلووووك ياختي غللط انك ساكته وعليك بالاستغفار والدعاء تالي الليل والله يفرج همك