عنوان الموضوع : حريم اخوي -لصحتك
مقدم من طرف منتديات نساء الجزائر

حريم اخوي



انا عمري 18 سنه و اصغر بنت بعائلتنا وعندي اربعه اخوان وثلاثه منهم متزوجين و الاصغر ما متزوج للحين

مشاكلنا بالبيت ماتجي من غير حريم اخوي و مصايبهم
و العقل المدبر لهم مرت اخوي الكبير و هي اللي تعرف كل صغيره وكبيره باللي يصير
يعني ماتتوقعون جرايمهم اللي يسوونها شكبرها

اولا مسأله الطباخ بالاسبوع نتقاسم الدور وكل وحده تطبخ لها يوم وانا من ضمنهم عدا يوم الجمعه لانهم يروحون عند اهاليهم . يقعدون يعاندون ومايطبخون وقت اللي مايعجبهم و تضطر امي تشتري غدا من برا و يتحججون على اللي تطلبه هي فياخذون منها التلفون ويتصلون لوجبات سريعه و على حساب امي مو على حساب ازواجهم

بالعزايم يروحون مع بعض ويقعدون يخزون الحريم و يعلقون عليهم ويحرجونهم مثلا بنت خالتي متينه مره شافوها قامو يضحكون ويتهامسون وهي انحرجت و راحت بعيد ووقت الاكل صارت جنبهم قالو لها مو ناويه تضعفين وبأسلوب مزح لكنها احرجت وخصوصا كان في ضيوف مانعرفهم و دخلت غرفتها لحد ماطلعنا كلنا وما تجي مكان وقت هم يجوا معانا
وهذا غير الاعراس يروحون ويطلعون مليون عيب بالعرس وينشرونه من وحده لوحده وبأسم بيتنا و المشاكل تطيح فوق راس امي المسكينه وماتقدر تقول لهم شي

قسما اكرههم واكرهه بخلهم و حسدهم لنا لما ينزل راتبنا يحبونا انا وامي ويتلصقون فينا وبعدها يقولون لازواجهم محتاجين فلوس و امي ماتقصر على بالها لفلوس لاخواني وماتدري انها كلها للاسواق وهذا غير حافز اللي ينزل لهم وبعد مايصرفون منه ومشتركين مع بعض بجمعيه و تطلع لهم كل وحده 8000 ريال

مادري طبع مرت اخوي الكبيره تغير ليش
قبل ما يتزوجون اخواني كانت تطلع معانا و خصوصا انا ونتسوق و اروح شقتها و نسولف مع بعض و الحين هي صارت لهم الزعيمه وتخطط لكل شي

كلمت اخواني عن مشاكلهم بالبيت و كل الشغل علينا
عصبوا علي ومحد دافع عني غير اخوي الصغير اللي يدرس ومو فاضي لي
شسوي وياهم شنو الحل
ابدأ وياهم اسلوب المصارعه واقلهم كل وحده بدراعتها لشقتها وماينزلون ابد

>>>>> ردود الأعضـــــــــــــــــــاء على الموضوع <<<<<
==================================


حبيبتي قولي لامك توقفهم عند حدهم لايتكلمون عالناس الغيبة والسخرية من الناس اثم كبير وخلي بنت خالتك تقول لاخوك عن سوالفهم اخوانك لمن يسمعون من الغريب اكيد يتأثرون.. وقولي لامك لاتصرف عليهم على شنو خلي ازواجهم يصرفون .. بهالعمر الواجب هم يصرفون على امك مو هي عاد تصرف خلي تكون جامده معاهم شوي ولاتوريهم الضعف لايستغلوها.. قولي لامك هاي كلام صديقتي احذري لا ياكلون كل فلوسك ويرموكم برا


__________________________________________________ __________

المشاركة الأصلية كتبت بواسطة ديدوكيو
حبيبتي قولي لامك توقفهم عند حدهم لايتكلمون عالناس الغيبة والسخرية من الناس اثم كبير وخلي بنت خالتك تقول لاخوك عن سوالفهم اخوانك لمن يسمعون من الغريب اكيد يتأثرون.. وقولي لامك لاتصرف عليهم على شنو خلي ازواجهم يصرفون .. بهالعمر الواجب هم يصرفون على امك مو هي عاد تصرف خلي تكون جامده معاهم شوي ولاتوريهم الضعف لايستغلوها.. قولي لامك هاي كلام صديقتي احذري لا ياكلون كل فلوسك ويرموكم برا

انا مع الاخت بكل كلمه
الله يهديهم ويهدي اخوانك ويعطي العافيه والعمر المديد لامك


__________________________________________________ __________

والله مايستحون على وجييهم لاتعطونهم وجه كثير عشان مايزيدون عليكم
هذول ماينفع معهم الطيبه بصراحه
واخوانك هذا جزاء الام يدافعون عن حريمهم ونسو امهم المسكينه
وقفوهم عند حدهم حتى لو اتصلو على المطعم ع حساب امك ان جاء الطلب وهقوهم
قولو ماعندنا وكل وحده تدفع


__________________________________________________ __________

المشاركة الأصلية كتبت بواسطة نور عيوني ولدي
والله مايستحون على وجييهم لاتعطونهم وجه كثير عشان مايزيدون عليكم
هذول ماينفع معهم الطيبه بصراحه
واخوانك هذا جزاء الام يدافعون عن حريمهم ونسو امهم المسكينه
وقفوهم عند حدهم حتى لو اتصلو على المطعم ع حساب امك ان جاء الطلب وهقوهم
قولو ماعندنا وكل وحده تدفع



__________________________________________________ __________

الله يعافينا
عادة النساء تشتكي من استبداد ام الزوج لكن حريم أخوانك يستغلون طيبة أمك لازم تكون شوية صارمة معاهم
قولي لامك تقول لاخوانك كل واحد يخلي زوجته تستقل بمطبخها و تنقصون عليكم
اللي ما تطبخ تطلب أكلها وحدها.
الله يهديهم