عنوان الموضوع : كيف اخلي زوجي يتعرف علييييه ؟!
مقدم من طرف منتديات نساء الجزائر

كيف اخلي زوجي يتعرف علييييه ؟!



السلام

بنات ابغي مساعدتكم
انا متزوجة ومتعذبة بحياتي ، ماراح تفاصيل معاناتي لاني مابخلص
المهم الموضوع ومافيه
وضعي المادي سيء سيء سيء !
بشكل مايوصف
!
لدرجة احيانا اموت من الجوع وما الاقي اكل .. والحمدلله علي كل حال ..
قبل سنة تكلمت مع شخص مصري عايش بالامارات وكان بيساعدني بشغل ووظيفة وكذا .. لكنني رفضت ..
وطبعاً محادثتي معاه مرتين بس وفي حدود الشغل ، ولما ماقبلت العرض انتهي كل شي

والحيييين بعدما ازداد وضعي تدهور لا فلوس ولا اكل ولا ملبس حتي عبايتي مشقوقة من تحت وماعندي غير نعال واحد وهم مقطوع !
اليوم كلمت ذاك الشخص وقلت له انت قبل سنة عرضت علي شغل كذا كذا كذا .. ولما ذكرني علي طول قال لي وانا بالخدمة باللي تامري عليه ..
قلت له انا حابة الشغل بس المشكلة زوجي .. قال لي لازم بيتكلم معاه مايصير نشتغل بالسر يعني ! وشغلنا يستلزم انه يلتقي بزوجي عشان الاجراءات وماشابه
بس المشكلة شلون اخبر زوجي ؟؟؟ لاني تعرفت عليه بطريقة غلط
هو اتصل علي غلطان ولما قفل الخط حطيت رقمه بالنمبر بوك وطلع لي اسم شركة قمت كلمته ادور شغل !
ادري طريقتي غلط بس نيتي كانت صاااافية وزينة وماسويت اي غلطة .. ف مادري شقول لزوجي ؟؟؟

ساعدوني وضعنا متدهور فوق ماتتصوروا.. وهذي الشغلة احسها فرصة حياتي اللي بتطلعنا من الهم والفقر ..

>>>>> ردود الأعضـــــــــــــــــــاء على الموضوع <<<<<
==================================


ريلج لو حاولتي تقنعيه لين يوم الدين ما راح يقتنع ... هذا اولا
وثانيا اعتقد ما فيه رجال يرضى انه زوجته ترمس رجال غريب عنها حتى لو بالغلط او بحدود الادب
و ثالثا كيف مصري عايش بالامارات و يطلع رقمه عندكم بالسعودية !!! ما فهمتها !!!
و لانه بالامارات اعتقد ما عندنا شي اسمه نمبر بوك
و نصيحة مني لا ترمسي ريلج في هالموضوع لانه ما راح يفهمها الا انه بينج وبين الشخص الثاني شي
و ربي يفرجها عليكم من واسع فضله ويرزقكم
موفقة

استغفر الله العظيم الذي لا إله إلا هو الحي القيوم و أتوب إليه


__________________________________________________ __________

مدري ليه احسه نصاب ..
لكن اذا تبغي خليه هو يجي لزوجك ويعرض عليه الشغل بدون مايذكر انه يعرفك ..
ويااختي لاتكلمي حدا ماتعرفيه ابدا مره ثانيه ..


__________________________________________________ __________

تموتي من الجوع احسن مايفضحك الزلمة الغريب يمكن نيتو مو صافية ويسببلك مشاكل


__________________________________________________ __________

اذا انتي نيتك صافيه مين قال انه هو نيته صافيه والفقر مو عيب وخلي زوجك يبحث عن شغل او انتي تعلمي شي يعني مثل الخياطه او كذا شي او الحياكه هي هم باب رزق واهم شي حلال والله يفرجه حبيبتي خليك متفائلة والله قطعتي قلبي


__________________________________________________ __________

اقنعيه بفكره الشغل الاول وبعدين دوري علي الشغل معاه وهو يدورلك وربنا يسرلك الخيﻻ