عنوان الموضوع : مشكلة صديقتي المطلقة وصتني اكتبها لكم
مقدم من طرف منتديات نساء الجزائر

مشكلة صديقتي المطلقة وصتني اكتبها لكم



السلام عليكم

من غير مقدمات .. صديقتي المطلقة
تشتكي من الم وحرارة الطلاق

تعذبت مع طليقها واهله
وبجد حتى انا راقب تصرفاتهم معها من ليالي الخطوبة والملكة والزفاف وغيرها
وكانت عايشة بهم كبير وماكانت تحب زوجها ومن يجي طاري الطلاق ترتاح!
رغم انها ماكانت تحبه لكنها مخلصه له كل الاخلاص
حاولت تتأقلم معه .... بس انتم عارفين النصيب ... اذا مو نصيبها
مهما تسوي لو تذبح عمرها وتضحي ماراح تستمر معه

كانت تدللــه وتدلعه وكل شي ومحترمة كل اهله ومخليتهم يادهينه لا تنكبين مدري وشو

وماعمرها اخطت بحق احد فيهم

يعني بجد ظلموها ظلم وحرموها من ابسط حقوقها

وعاشت في جحيم!

طيب لما طفشت من هالعيشه القاسيه
طلبت الطلاق ومصممه بعد ماشافت راحتها ورغبتها القويه في الطلاق
واتأكدت انه مو نصيبها ولا تدانيه .. ولا يستحق الوفا والاخلاص ..
وعديم المسؤوليه والاحساس واهله مو وجه احد يحترمهم

قاالت بطلق انا كنت ابي الطلاق من زمان بس كنت خايفه من الناس وكلامهم وقسوتهم
بس متأكده ان كلام الناس ارحم من هالعيشه ... مليون الف مره

استمرت ثلاث الى اربعة اشهر تبغى وثيقة طلاقها

وكانت تبكي دايما كانت تخاف انه مايطلقها ويخليها كذا

وقالت والله لو اتطلق لااسوي حفله واطير من الفرح والسعاده وغيره

وتطلقت بعد اربعة شهور من المعاناة والمشاكل من انتظار حريتها

وبعد اشهر الجحيم اللي عاشتها معاهم


والحمد لله ماجاها ظنا منه علشان لايربطها فيه شي للأبد







لما تطلقت فرحت اول يوم فرح لايوصف
وماصدقت عمرهاااااا

مر على هالموضوع يوم ويومين وثلاثة وشهر وشهرين واربعه والحين سنه ونص تقريبا


سمعت كلام الناس وشافت بنات سعيدات مع ازواجهم
وشافت كل وحده تموت في زوجها .. وكلام الناس قااسي عليها مره مره

ويقولون ناس بيتقدمون لها ويا كثرهم لكن فجأه ينتهي كل شي ! بلمح البصر

من غير مايعرفون اسمها بالكامل ولا باقي بياناتها

مجرد يشوفونها بحفلات اعراس او غيرها ... تعجبهم بعدين يكلمون امها ويقولون بنزوركم في اليوم الفلاني ... وتجلس تبني آمال واحلام وغيرها وبعدين مايجون ولا شي

بس كلاااااااام


هذا لحاله عذاب الله يعينها


وانا اشهد انها تعذبت من كل ناحيه

بس سمعتها تبكي وتقول لييييييييييييييييييييه الله يسوي فيني كذا ؟

استغفر الله

وكأنها معترضه على كتبة رب العالمين وتكررها

ونفسيتها مره تعبانه مره وتحس الآم بجسمها وحلقها يخرج منه دم فجأه
وشعرها مليان شيب ويتساقط يعني الله لايوريكم
ودايما تعبانه وتشتكي وتحس نفسها ماتقدر تتنفس ومن جد تحس نفسها مخنوقه
ومايتيسر لها شي ابدا
تقول صحتي انعدمت من الهم اللي انا فيه


هي شافت نفسها كذا ,, يأست كل اليأس
وقالت خلاص وانا بنت ماجاني ولد طيب
وانا الحين مطلقة ماراح يجيني احد ولا احد يبيني

وضعف ايمانها بربها ..

وانا ودي اقولها كفررتي ؟؟؟؟؟؟؟؟؟؟؟؟؟؟؟؟
بس اشوفها مره تعبانه واحيانا تتكلم مع نفسها
وشكلها كبرانه .. عمرها تقريبا 21 سنه
دايما تبكي في غرفتها

وش نصيحتكم هي مرة منهاره

دايما تقول ربي يكرهني ..... ليه اللي سوو لي مشاكل ماجاهم شي
وانا معذبه والناس تعذبني وينظرون لي نظره كأني مجرمه ومااستحق اعيش

وانا مو عارفه كيف اتصرف واخفف عنها
لاانها تقطع القلب
وانتقد بشدة تصرفاتها بس هي ماتبغى احباط


هي الحين تحاول تفتح مع نفسها صفحه جديده وراح تطلع على الموضوع وتشوف ردودكم
ولكم حرية الرأي

>>>>> ردود الأعضـــــــــــــــــــاء على الموضوع <<<<<
==================================


لو تقرء مشكلتي
تقول لنفسها انا في نعمه
اللهم لا اعتراض
قولي لهل كل شء قسمه ونصيب
عسى الله يفرج همها وهمي


__________________________________________________ __________

المشاركة الأصلية كتبت بواسطة حرق قلبي
لو تقرء مشكلتي
تقول لنفسها انا في نعمه
اللهم لا اعتراض
قولي لهل كل شء قسمه ونصيب
عسى الله يفرج همها وهمي

صحيح كل شيء قسمة و نصيب لكن لازم تسببو ليعينكم الله الاحسن لرفيقتك انها ترقي اكيد فيها حسد و ربي يشفيها و يهديها و يفرج كربتكم و كل بنات المسلمين و يرزقكم من اوسع ابوابه


__________________________________________________ __________

قُلْ يَا عِبَادِيَ الَّذِينَ أَسْرَفُوا عَلَى أَنفُسِهِمْ لَا تَقْنَطُوا مِن رَّحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ "

يا حبيبتي حطي فبالج إنج مب اول مطلقه مظلومه ولا اخر وحده ...
مثلا انا نفسج مطلقه من اول يوم ملك عليه والهموم من كل صوب تهل عليه قسم بالله عشت بهم ما يعلمه غير رب العالمين .. انقذفت بغرضي من قبل خبيثات وخبيثين كادو لي كيد وسبوني لين صدق فيني وطلقني .. صحت بكيت ولين اليوم ابكي لكن ما ياست من رحمه الله .. الله ما ابتلاج الا لانه يبي لج الأفضل والاحسن بالاخره فهي دار الخلود والبقاء. .. شوفي نبينا الحبيب عليه الصلاة والسلام .. اكتبي بالنت احزان محمد عليه السلام وتعلمي منه ... انا طلقت وعمري 20 والحين انا 22 بس يارب لك الحمد .. ياختي خلق الانسان في كبد في مشقه .. لازم تصبري وتتقربي الى الله .. لانه ملك وغني وهو بيده رزقج وعمرج واجلج وهو ما نساج ولا بينسيج وهو ارحم من نفسج ... ياختي اقرى قصص بالاستغفار وجربيه في حياتج .. صدقيني حالج ما بيتغير الا لما تغيري نفسج ( ان الله لا يغير ما بقوم حتى يغيروا ما بأنفسهم )


__________________________________________________ __________

اسأل الله ان يفرج همج وينفس كربج يارب تفرحها وتبشرها وترزقها من حيث لا تحتسب


__________________________________________________ __________

طول عمري ضد الزواج المبكر وهذا أكبر مثال لكن زي ما نقول بتونس اللوم بعد القضاء بدعة، لكن هي لسة صغيرة والعمر قدمها وأكيد بيجي يوم وتتجاوز ممكن يتقدملهة حد مطلق أو أرمل ما حد يدري خليها تشتغل شي بحياتها تملي فيه الفراغ أو تسجل بجامعة تدرس هيك بتنسى شوي الموضوع وبعدين والله العيشة في بيت الأهل كلها دلال

وعسى أن تكرهوا شيء وهو خير لكم