عنوان الموضوع : متضايقه من شرح عروض الجامعه -تم الاجابة
مقدم من طرف منتديات نساء الجزائر

متضايقه من شرح عروض الجامعه



السلام عليكم كيفكم ياحلوات ان شا الله بخير
بنات انا باختصار ماعندي ثقه بنفسي ومتأزمه مره هالترم يمكن عندي 6او 7عروض وكل عرض على حسب الدكتوره بعضهم يقولو عادي بمشيك وفيه وحده حاطه نص الدرجات على الثقه ..ماهمني انقص بس فشيله تنقصني لان ماعندي ثقه احس اني بنهار وبتضايق لو تقولي نقصتك على ثقتك بنفسك.... كل شي جربته عشان اطور نفسي قريت كتاب فن الالقاء للسويدان احس تحسنت شوي ومرات اتخيل البنات حشرات بس لسه اتوتر ودايم اشجع نفسي قبل العرض واتكشخ وازين شكلي بس اذا جيت اشرح بس اناظر ببنت وحده والعرض مفروض يكون بعشر دقايق يصير من التوتر دقيقه وحده اتكلم بسرعه لدرجة محد يفهم ويكون فيه بنت قدام بالقاعه تضحك علي والباقين مصدومين ...بنات احس اني مرتاعه من الحين اتضايق كثير لو احد يتكلم عن شخصيتي والا يقول ماعندك ثقه مره استاذه قالت لي انتي ليش كذا ماعندك ثقه بنفسك ومتردده وشاكه بنفسك انتي الوحيده من بين صديقاتك كذا انا بعدها رجعت البيت جلست ابكي يوم كامل تأزمت نفسيتي حتى اذكر اهلي كانو طالعين برا وانا.لحالي امشي بالبيت وابكي ههههههه ......بس تدرون بالابتدائي والمتوسط كنت اطلع عالمسرح عادي وكل يوم بعد بعدين بالثانوي مدري وش جاني صرت اتنافض وانا اتكلم وللحين بالجامعه نفس الحاله..... انتو عندكم طرق تخليكم تتغلبو على هالتوتر..... وبس الله يسعدكم ساعدوني نفسيتي تعبت خايفه اتفشلل والله

>>>>> ردود الأعضـــــــــــــــــــاء على الموضوع <<<<<
==================================


حاولي تتدربي على العرض عند مراية وسجلي صوتك
وكثري من الدعاء ربي اشرح لي صدري ويسر لي أمري واحلل عقدة من لساني يفقهوا قولي
وكثري من قراءة سورة الانشراح , واذكري اذكارك ,,
وحاولي ما تطالعي في البنات وانتي تقدمين ,, ولا تكثري القاءك ادعمي موضوعك بالمقاطع الفديو والصور علشان تخدمك ,,,
بالتوفيق


__________________________________________________ __________

انا صارت لي نفس حالتك وإكتشفت اني كنت مكبره الموضوع بزياده
الإستعداد :
قبل بفتره تدربي على الي بتقولينه وتخيلي ان قدامك بنات وخليك متوقعه أي سؤال ممكن يجيك وطالعي نفس الدكتوره لما تشرح .. شلون تنتقل بنظرها على كل البنات
الشكل ماله دخل بالثقه بالنفس ياما دكتوره مهمله شكلها بس صوتها وثقتها بنفسها خلت لها إحترام ومحد يتجرأ يضحك
تدربي على الي بتقولينه بصوت مسموع ونفسك ثابت يعني لا تحاولين تخلصين بسرعه عشان تفتكين لإن شكلك بيصير غبي .. عادي تخيلي انهم كلهم صديقاتك وإنتي بتفيدينهم بموضوع تتكلمين معهم بصوت واثق وتحركين يدك بشكل عفوي مع كلامك
كل هالأشياء بتكون محسوبه لك

طيب بعد ماإستعديتي وكل شي
جاء يوم العرض وجاء دورك وحسيتي بالخوف قدام البنات ركزي على الي قاعده تقولينه
طالعي بالبنات بس كأنك تطالعين بالورقه الي حفظتي منها
يعني ماراح تلاحظين اشكال البنات بس انتي فعلياً قاعده تطالعين فيهم
وبإذن الله تتيسر اهم شي الصوت الواثق


__________________________________________________ __________

هههههههه

ذكرتيني بأيام الجامعة

نفس الحالة كأنك توصفين حالتي

انا اعطيك النصايح المفيده

1- تدربي على إلقاء العرض في البيت اكثر من عشر مرات وبصوت عالي وتخيلي انه فيه جمهور
2- اجمعي اخواتك واخوانك الصغار والوالده وسوي العرض قدامهم اكثر من مره
3- وقت العرض في الكلاس لاتطالعين في البنات على انهم موجودين تخيلي انه الكلاس فاضي ولاتركزي على وحده طالعي في الكل

موفقه يارب


__________________________________________________ __________

لو سمحتوا يابنات اعطوني عرض مناسب أقدمه بالجامعه


__________________________________________________ __________

ان شاء الله البنات افادوكى بالردود ما قصرو الله يوفقك يارب