عنوان الموضوع : بنت زوجي وتعاملها معي " -لصحتك
مقدم من طرف منتديات نساء الجزائر

بنت زوجي وتعاملها معي "



السلام عليكم والرحمه

انا متزوجه من سنتين من ارمل وعنده بنت عمرها 15 سنه المشكله ماني عارفه اتعامل مع بنته كارهتني بالمره رغم اني احاول اتقرب منها بس الظأهر مافيه فايده دائم تختلق لي المشاكل ومرات تكذب علي عند ابوها اني اعامله معامله سيئه والله اني احبها اكثر من نفسي ودائم احن عليها واحاول اخليها توثق فيني وتحبني وغير كذأ ملاحظه هذي الايام تغيرها تحط بالواتس توبيكات حزينه وصور وبس مقفله ع نفسها الغرفه لاتاكل ولاتشرب اخاف تضيع هالبنت بمواقع موزينه لان كانت تحط صور حب وعشق والحين صارت تحط صور عن الغدر وكذا صرت اخاف عليه تمشي بطريق موزين صحيح اني مرة ابوها لكن والله معتبرتها بنت لي رغم اني ماعندي اطفال المهم صارحت زوجي بالشي هذا وحط اللوم علي انو ماعرف اتعامل معها لانو ماعندي اطفال وماحسيت بأحساس الامومه تخيلو ماتحترمني وترفع صوتها علي واشك لو تركت لها المجال بتمد ايدها علي ماني عارفه كيف اتعامل معها اسلوبها وقح مع الكل بس معي بزياااااده

طلب اخير واتمنى ماتردوني طلبتكم ي الاداره نزلو الموضوع لاني محتاجه للنصيحه او حل

وجزاكم الله كل خيييييير ع العضويه هذي ي كثر ماساعدت ناس

>>>>> ردود الأعضـــــــــــــــــــاء على الموضوع <<<<<
==================================


ألله يعينكِ
حآولي مرة وإثنين وثلآثة تتقربي منهآ ، كوني لهآ الأم إللي فقدتهآ ~
إصبري على معآملتهآ السيئة ، ففقد الأم ليش بآلشيء السهل !
إسمعي لهآ ، فضفضي لهآ ~
إحكي لهآ قصص ، نكت ، شآركيهآ إهتمآمآتهآ ~
الله يعينكِ


__________________________________________________ __________

ادعي لامها قدامها حسسيها انج منتي دخيله على ابوها

حسسيها انج تزوجتي عشانها بعد عشان تربينها وتعيشون مع بعض

لاتكوني لها زوجة الاب لان نضرت الناس لزوجة لاب معروفه

حتى لوكانت زينه. صيري لها صديقة شوفيها شو تحب من العاب العبي معاها

اشتري لها هداية حسسيها انها ذكيه وحلوه هي في سن المراهقه

وتبا اهتمام وحنان واذا هي تسوي اشياء تزعجك اعذريها


__________________________________________________ __________

هي شكلها فاقده أمها وتحس إنك لما اخذتي ابوها فقدت الأمان تخاف انك تستقوين عليها فجاتك هي تستقوي قبلك ولا تلومينها مراهقه ومن القصص الي تسمعها
الي عليك إنك ماتشتكيين لأبوها عنها ولا تقولين له شي
طنشيها لا تكلمينها لكن وقت الدوام صحيها بهدوء وقولي لها تعالي أفطري
لا جات من المدرسه حطي لها من الغدا
اذا رحتي السوق قوليلها تجين معي ؟ بروح عند فلانه شرايك تروحين معي ؟
بيني لها حنانك وإنك مو قاسيه وحاسه فيها
وممكن اذا رحتي السوق تجيبين لها هديه مثلاً ساعه وتقولين لها حسيتها لايقة لها وجبتها لك او ممكن تحطينها لها بالغرفه وهي نايمه وإكتبي بورقه انك تحبينها وتتمنين تفهمك وتعتبرك أخت او صديقه .. لا تقولين لها أم ابداً
ممكن بالبدايه تعاملك بقسوه وترد عليك بقوه
لإنها مو مصدقه تعاملك
لكن إستمري وان شاءالله لك أجر فيها وقبل كل شي حطي نفسك مكانها وحاولي تحسين بشعورها


__________________________________________________ __________

صغيره وفتره طيش حاولي تحتوينها وتشترين لها هدايا
لا تلومينها ابد فاقده امها ولاهي مستوعبه
بس تاكدي ب النهايه بتحبك
وحده من جماعتنا امها توفت وهي ب الثانوي وابوها تزوج نفس حالتكم كانت تكره مرت ابوها وفي ناس تحرظها ان لا تاخذ مكان امك ومن هالكلام مرت ابوها صبرت وكانت البنت تاذي مرت الابو ومرت الابو تعاملها كانها بنتها وكان هالبنت عندها اخو الاخو حب مرت الابو وهي لا لين جت نهايه الجامعه وفكرت ان مرت الابو ماضرتها ابد ومافي سبب يخليها تكرها وتصالحو وصارت تناديها امي تخيلي قبل احسب ان امها صدق طلعت مرت ابوها انتي اصبري وخليها تطلع اللي بخاطرها لكن مصيرها تقعد مع نفسها وتشوفك ماغلطتي عليها وتحبك سوي اكل لها غسلي ملابسها ناديها على القهوى بتعصب بس خليك صبوره الله يعينك ويهديها


__________________________________________________ __________

حاولي تتقربين منها اكثر
اشتري لها بعض الشغلات
روحي المدرسه وسألي عنها وروحي لها هناك
طلعي معاها المجمعات
والله يهديها