امي تعيب ع اصلي!! الطبيب يجيب
عنوان الموضوع : امي تعيب ع اصلي!! الطبيب يجيب
مقدم من طرف منتديات نساء الجزائر
امي تعيب ع اصلي!!
السلام عليكم ،، بدون اي مقدمات بختصر و بتكلم عن الموضوع امي وابوي اصلهم غير عن بعض بس نفس الجنسيه المهم ابوي توفى الله يرحمه انتقلنا ل بيت يدي العود ، عادات وتقاليد اهل امي تختلف عن عادات و تقاليد اهل ابوي فالكلام فالبس ف وايد اشياء وانا وايد متعقده من هالشي امي تباني اتكلم مثل أهلها بس انا ما ابا في كلمات فلهجتهم صعبه ما افهمها يوم أقولهم ما فهمت خالاتي يقولون هيه اكيد ما بتفهمين بنت الاير***ني و مرا كنا طالعين امي قالت غطي ويهج انا قلت يوم كان ابوي عايش ما كان يخليني اغطي ويهي اتقولي انسي ابوج ههه هاللي ماعنده اصل بعدين تقول انتي وايد عايبنج اصلج ترا اصلكم خايس وما تباني افتخر و حتا البنات الي فشعبيتنا جيرانا ايقولون ااايه انتي تعرفين تتكلمين عربي والكل يعاملني باستحقار وأولهم امي و عاداتهم وايد معقده
>>>>> ردود الأعضـــــــــــــــــــاء على الموضوع <<<<<
==================================
مادام أمك مستحقرة أصل أبوكي ليش تزوجتة استغفر الله العظيم بدل ما تترحم عليه تروح تعايب عليه حسبي الله ونعم الوكيل من بعض النساء معليش اعذريني لو عصبت ﻷني كل يوم انصدم من بعض الامهات إصبري يا حبيبتي واطيعي امك علشأن الله سبحانه يرضى عنك . الله يكون بعونك يا حبيبتي
__________________________________________________ __________
قولي لها لا تنسين ابوي زوجك
استغفر الله بس
__________________________________________________ __________
الحمدلله و الشكر، لو مو عاجبهم اصلكم شكو يزوجون بنتهم لأبوچ؟!
ما عليچ منهم، افتخري بأبوچ و عاداتچ و تقاليدچ حتى لو كانت عكس أهل امچ بكل شيء، ابوچ الله يرحمه رباچ تربية محترمة و انتي مو مضطرة تغيرين أسلوب حياتچ علشان ترضين غيرچ. يوم ان النسب عندهم مهم و يبون يحافظون على نسبهم من الأساس ليش يزوجون بنتهم واحد بنظرهم مو مناسب؟! الكلام بالأنساب و حق اختيار الزوج و النسب المناسب المشرف بنظرهم حق من حقوقهم و ماكو كلام عليه و شرعاً لهم الحق بإختيار النسب اللي يشرفهم بس هالكلام يكون قبل الزواج مو بعد الزواج والعيال، الدنيا ماشيه عكس بمخوخهم!
و اللي تقول لچ بنت الإيراني من خالاتچ حطي اصابعچ بعيونها الإيراني كان عاجبهم يوم كان ضاف بنتهم و عيالها اشوف! و اللي تعايرچ ان اصولچ مو عربية قولي لها حديث الرسول صلى الله عليه وسلم {يَا أَيُّهَا النَّاسُ، أَلَا إِنَّ رَبَّكُمْ وَاحِدٌ، وَإِنَّ أَبَاكُمْ وَاحِدٌ، أَلَا لَا فَضْلَ لِعَرَبِيٍّ عَلَى أَعْجَمِيٍّ وَلَا لِعَجَمِيٍّ عَلَى عَرَبِيٍّ، وَلَا لِأَحْمَرَ عَلَى أَسْوَدَ وَلَا أَسْوَدَ عَلَى أَحْمَرَ إِلَّا بِالتَّقْوَى، أَبَلَّغْتُ»؟ قَالُوا: بَلَّغَ رَسُولُ اللَّهِ صَلَّى اللَّهُ عَلَيْهِ وَسَلَّمَ}
بالنهاية يا الحبيبة، لا تغيريين عود من نفسچ ولا تغيرين اللهجة ولا الأطباع ولا اللبس ولا العادات ولا التقاليد اللي عاجبه عاجبه و اللي مو عاجبه في مليار طوفه بالعالم + السقف و الأرض يختارون اقرب شيء و "اللي يشوفونه مناسب و مشرف" و يطقون روسهم فيه! والله ناس عجيبة، تتزوج البنت و تعيل و تترمل بعدين يستوعبون ان لا والله أصل المرحوم و بالتالي الأحفاد ما يشرفهم!!! بالطقاااااااااق اللي يطقهم لا تغيرون عود بأنفسكم لأن مهما تغيرتوا لا اصلكم بيتغير ولا اسم العايله بيتغير و هذا اللي حارق قلوبهم فلا انتوا اللي بتصيرون انتوا (يعني مثل اهل ابوچ و اللي يتبعون عاداتكم و تقاليدكم) ولا انتوا اللي بتصيرون مثل ما يبونكم اهل امكم بتضيعون بين الإثنين.
و اذا ضاقت فيكم الحال و ما تحملتوا روحوا حق اهل أبوكم ولا هالعيشة القشرة انتي مو مضطرة تتعايشين مع عاداتهم و تقاليدهم و عقليتهم المتخلفة اذا اهما مو راضين يتعايشون مع عاداتكم و تقاليدكم و حقيقة ان انتوا غير و اهما غير، يعني إحترِم تُحتَرَم، اللي ما يحترمچ ولا يحترم ابوچ انتي مو ملزومه فيه ولا ملزومة تحترمينه (بإستثناء امچ يعني)!
الله يوفقچ و يهدي اهلچ
__________________________________________________ __________
سبحان الله تقةل غطي وجهك و لوجه الله
و في نفس الوقت تعارض الله و رسولة و تفرق بين الناس
ذكريها حبيبتي بقول الرسول لا فرق بين عربي و اعجمعي الا بالتقوى
و يمكن الانسان اللي قاعدين يستحقرونه و مو عاجبهم مكانته عند الله
ارفع منهم اهم شي حبيبتي انتي خلي ثقتك بربك و بنفسك قوية و لا
يهزونك و اظن ابسط حقوقك تفتخري باصلك محد له حق يحرمك منه
__________________________________________________ __________
امك واهلها يبي لهم كف يصحيهم قهروني مره آنتي وش ذنبك آن آبوك إيراني هذا موذنبك ذنب امك واهل آمك زوجوا بنتهم واحد موعربي والحين يعايرونك غريب امرهم كأنك آنتي قلتي أنا ابي ابوي يطلع كذا ردي على امك باآدب قولي ابوي افتخر فيه وتراه يوم من الايام زوجك وابو بنتك والميت مايجوز عليه الا رحمه مفروض تذكرته باالخير اما اذا كان بينهم مشاكل فاانتي مالك ذنب فييها قولي مشاكلكم مالي دخل فيها وقولي لاهل امك هذا ابوي وتاج رأسي ومااسمح لاحد يتكلم فيه حتى لو كان ايراني سكيتهم
رد مع اقتباس
