عنوان الموضوع : سيرة الطلاق وزوجي -تم الاجابة
مقدم من طرف منتديات نساء الجزائر

سيرة الطلاق وزوجي



مرحبا بنات شلونكم كتبت هالموضوع عندكم لان مشاءلله هالمنتدى معروف بشعبية وانا كتبت هلموضوع لان فعلا محتاجه رايكم مشكلتي انا توني متزوجه من سبع شهور يعني توني عروس ولمفروض اكون في اسعد ايام حياتي ولكن للاسف ماتهنيت يابنات من اول يوم عرسي تخيلو من صالة العرس صارت مشاكل بين اهلي واهله على سالفة الطقاقه وخربوا علي فرحة عرسي وليلة العمر الي كل بنت تحلم فيها وانا وربي ماهمني ولاضايقت وخلقت حمدالله يمكن خيره لكن للاسف كل يوم حياتي قاع تزيد ضيق وحزن زوجي سيرة الطلاق ابد ماتفارق لسانه تخيلو جدام اي مشكله تصير بينا لو بشيطه يقولي اذا ماتبيني نطلق ونرتاح تخيلو اول مرا جابلي فيها سيرة الطلاق كانت في رابع اسبوع من زواجنا صدمني صدمة عمري والمفروض يكون رجال وفاهم وهو الي يمسك نفسه لكن للاسف انا جيته وقتله شسالفه شدخل الطلاق الحين انا احبك وابيك وانت تبيني لي طلاق قالي انا رجال مااتحمل مشاكل يانعيش مرتاحين يا بلاه يعني شقولكم يبي حياه مافيهل مشاكل ابدا ولو تصير زعله بشيطه بيني وبينه عادي ممكن يطلق بثالث شهر اختلفنا ع سالفه يعني شقولكم سالفع تافه حيل انصدمت فيه جاني وقالي اتتي طالق وبعدها باسبوعين ردني وقال خلاص راح احاول امسك نفسي لكن للاسف رد لنغس السالفه يمكن طول السبع الاشهر جابلي سيرة الطلاق فوق 20 مرا انا للحين ماعندي عيال وزوجي عمره 26 وانا 20 وحتى برمضان شهر الخير هم مو تايب ويرد كل شوي ويهددني بالطلاق والمشكلع اني مومقصره معاه بشي ومريحة من جميع النواحي لكن شسوي لاسف هذا حظي تكفوون بنات لاتقرون من غير رد لو دعوه وربي محتاجه حيل لاي رد منكم وربي يوفقكم ويبارك لكم الشهر.

>>>>> ردود الأعضـــــــــــــــــــاء على الموضوع <<<<<
==================================


الله يهديه شكله الزواج والطلاق عنده كلعبة
اتفادي تصير مشاكل بينكم


__________________________________________________ __________

لازم تكوني جاده معاه. صديقتي مرت نفس حالتك
كان المفروض مارجعتي له بسهوله
المفروض اهلك يكونو جادين كمان بدون مايكبروا المشكلة
ابوك هو اللي يحلها
حي تك اللحين في خطررر
كلمي شيخ يكلمه ويقوله ان الرجوله مو بالطلاق


__________________________________________________ __________

ولازم تعرفي ان في الحياه الزوجيه اشياء الواحد المفروض مايتنازل عنها

ياليت تراسليني على الخاص

وحاولي تتجنبي تسولفي معاه كثيير
ن الدكتوه ناعمه الهاشمي تقول مافيه حل افضل من انك تقللين كلام مع الزوج
كذا احسن


__________________________________________________ __________

الله يهديه


__________________________________________________ __________

اختي زوجك لسى صغير على الزواج وأول مره في حياته يشعر بان في يده مثل السيف يسلطه على عنقك بسبب او بدون سبب هل رأيتي الطفل حينما تعطينه عصى فإنه يشعر بالقوه والعزه والمكانه ويضرب بها كل من حوله بسبب او بدون سبب فهاكذا زوجك يشعر نفس شعور الطفل حينما يجد العصى
أنصحك اختي أن لا تجابهيه الان ولا تضعي له حد الا بعد ان تاتي له بالمولود الاول ثم بعدها تحري الوقت المناسب وعند اول مشكله اذهبي الى اهلك ولا ترجعي حتى تشعري انه قد بلغ الدرس مبلغه