عنوان الموضوع : مطلقة وابي ارتاح .. فضفضة ..
مقدم من طرف منتديات نساء الجزائر

مطلقة وابي ارتاح .. فضفضة ..



بسم الله الرحمن الرحيم
السلام عليكم ورحمة الله وبركاته ..
تكفوون يالاداارة نزلوو موضوعي طلبتكم
مالي الا الله ثم انتم ..
يمكن ماتكون مشكلة قد ماتكون فضفضة وابي ادور الرااحة ويارب الاقيها عندكم ..
الحمدلله ع كل شئ واعرف ان الله سبحانه مايقدر شئ ولايصرف شئ الا وفيه خير لنا ..
موضوعي ( امي وابوي ) .. مدري شلون اسامحهم ..
انا (مطلقة قبل الزواج ) .. امي تعايرني ومن زماان وهي كل مايصير سوء تفاهم بيني وبين وحده من خواتي الاقيها تتكلم في ظهري وتجيب سيرة طلاقي اللي مالي ذنب فيه .. وتقول عني معقدة ومريضة .. وابوي اللي ماعمري توقعت منه يجرحني صار يتكلم مثلها لا وبعد يقول ماانتي بنتي وبوديك الصحة ومن هالكلام اللي يكسر الظهر ... والله العظيم مااظلمهم .. امي معروف عنها الظلم والافتراء والقيل والقال .. وبالاخير تجحد وتنكر كلامها .. واناا عصبية وماعاد صرت اتحمل كلامهم صرت ارد عليهم والله العظيم مو بكيفي غصب عني بس وش اسوي احس ماعاد فيني صبرر صرت ادعي عليهم واندم وابكي واخاف ربي يعاقبني احس ماعاد اقدر اتحمل تعبببت
وربي تعبت كلامهم تعبني وذبحني الهم ، ادري كلامي ملخبط ومو مرتب بس مدري مو عارفة وش اقول وابي ارتاااح وعجزت .. وربي اكتب لكم وانا ابكي ومو قادرة اسكت ومالقيت احد افضفض له

تكفوون ريحووني وساعدوني وش اسسوي كرهت حياتي ونفسي

>>>>> ردود الأعضـــــــــــــــــــاء على الموضوع <<<<<
==================================


.. وعليكم السلام ورحمه الله وبركاته ..

شوفي حبيبتي انا بنفس وضعك لكن تدرين وش الي لقيت الي ريحني
اني مااهتم لاي كلام مااكذب اقولك يوجع لكن عودت نفسي
انتي بهالفتره حساسه وتتحسسين من كل كلمه فاخذوها عليك
فعلشان كذا ياحبيبتي عودي نفسك وقويه
ترا مو هي نهايه الحياه!
والحمدلله ربي كتبها لك قبل الزواج وانقذك يمكن من عيشه سوداء

الحين ابيك تهدين نفسك ووقفي بكاء
هذي امك وهذا ابوك يالغلا والانسان يبتلى سؤاء بنفسه او والديه او احد
انتي في هذه الدنيا ماراح احد يرتاح
فالراحه راحه النفس يالغلا

فكري شوي ابيك تفكرين شوي وقولي من اليوم ورايح ماراح اسمع اي كلمه
او اتجسس على احد راح ادور راحه بالي
انا واثقه من نفسي ومايصيب المومن الا كل خير

اشغلي نفسك حبيبتي ولاتددققين بصغائر الامور بحفظ القران او باي شغل او هوايه مباحه

ولما بيشوفون كيف انتي ماتهزك اي كلمه وتعاملينهم بالاحسان بيقفون عنك باذن الله
لان طبيعه البشر اذا وضح نقطه ضعفه مسكوها عليها ولما يواجهم ويتخطاه بيسكتون
لان كذا بيحترمونك انك قويه وواثقه من نفسك

فكذا مشكلتك انك متحسسه من موضوعك الخاص وليس مع والديك بالذات
لانك كاتبه بالعنوان مطلقه انتي تحتاجين ان تتقبلي الموضوع وتنطلقين بالحياه
ليش توقفين حياتك علشان هذه المشكله البسيطه جدا!
لازاد ذهب ولالو تزوجتي بيزيدك ذهب!
فلش تعبين نفسك
اما عن والديك بعد ماتتقبلن وضعك راح تشوفين كيف انك من حساسيتك بالموضوع كل مشكله خليتها لانك مطلقه
فاقابلي الاساءه احسان وعليك بالدعاء
وصدقيني كل مادخلتي وسلمتي على امك وابوك وحبيتي راسهم قلبهم مثل الزبده بيلين لك باذن لله

واهم شي انتي يالغلا كيان كله مشاعر فحافظي على نفسك من كلام الناس انك تطنشين
يالغلا اذا الميت يتكلمون فيه وهو بقبره ! فكيف حنا
واول شي واجهي نقطه ضعفك بنفسك انك تركي هذا الموضوع يحسس عليك وكل حركه من الناس او نظره تتخيلينها شفقه او يتكلمون عليك
حاولي تتقبلين الموضوع
قولي تطلقت ويارب لك الحمد انا حيه وماراح اترك وقتي يروح على التفكير باشياء ماراح تفيديني يالله خليك قويه كلمي صديقاتك اضحكي سولفي ارجعي بسمتك
اسعدي نفسك لو على بياله شاهي
وشوله ضيقه الصدر والحزن امر راح بيدك! تقدرين تسوين شي!
قولي الحمدلله راضيه وماراح اسمح لاي مشكله توقفني عن حياتي

اعملي الي قلته انتي تخطي حالتك واصلا ماتتعبرين مطلقه انتي لساتك بكر ياما بنات كثير تطلقوا وبعد زواجهم لكن شخصياتهم وقوتهم ويقينهم بالله ابهر الكل ماشاء الله وخلى الكل يحترمه من جد نماذج رائعه بالحياه فكوني بثقتك وقوتك منهم

لاتنكسرين لكلام الناس وبري والديك واحتسبي الاجر
وصدقيني شوي شوي تشوفين نفسك باذن الله تضحكين على اوقاتك الي راحت على الفاضي وتعبتي نفسك بلا داعي

الانشغال والتفرغ لطاعته الله والصحبه الصالحه وسد اذنك عن كل شي والدعاء وتفريغ مابقلبك لله واليقين بالله وحسن الظن به ومقابله الاساءه بالحسنه ولن يضيعك الله باذن الله
واشغلي وقت فراغك واعملي رياضه تقربي لله شوفي محاضرات وبرامج مفيده
اجلسي مع اهلك وسولفي وراح تشوفين ان موضوعك سهل وبيسهلها الله باذن الله
وروحي لتجمعاتكم لاتتركينها بل روحي وان احد قالك ياعمري مطلقه
ناظريها وبابتسامه قولي الحمدلله الي حفظني اكيد فيه شر وراح عني قوليها بثقه
او قولي ماجاء الي يستاهلني
بتشوفين كيف نظرات الاحترام والاعجاب لو خبوها لكن اتحدا احد بيفتح فمه لانك
احترمتي نفسك وحبيتي نفسك ووثقتي بنفسك ولامشيت جنب الجدار تبكين!
كوني طيبه باخلاقك وبابتسامتك وبتواضعك


ولاتردين على والديك بري فيهم ربي يبارك فيك اكثر
وخففي عصبيه اصلا انتي مكبره موضوعك وهو جدا عادي! تراك مامتي حيه ليش تستعجلين بموتك! لو تقبلتي الامر بتشوفين انك تتنرزفين من اي شي وقلتيها ابوك ماتوقعتي منه فاتوقع انك تصارخين بالبيت وتعلي صوتك والله اعلم فقال هالكلمه
عالجي نفسك حبيبتي وتتقبلي الوضع جدا عادي وراح تشوفين كيف بعدين موضوع الا هل بسيط باذان الله

جهزي قهوتك وشاهيك وروحي لامك وابوك واضحكي واغصبي الشيطان وباذن الله تشوفين مع التدريب انك انتصرتي واحتسبي الاجر
واعفي عن كل من اساء لك واحتسبيها ان الله يوسع صدرك ويعفو عن يوم القيامه

واخيرا
يااما ان تضعين كلام الناس فوق ظهرك فتنكسرين او تضعينه تحت رجلك فتعلوين وتنتصرين

ايش بتختارين !

الله يوفقكك ويسعدك بحياتك ياحبيبة قلبي
موضوعك جدا بسيط باذن الله بس يبي منك قوه ويقين بالله وثقه بالنفس ورد اساءه بالحسنه
وبتشوفين كيف حياتك بتكون

اعتذر اذا الكلام غير مرتب
فمان الله


__________________________________________________ __________

اذا يجرحونك بالكلاام بكل بساااطه طنشي وتحملي ......هم امك وابوك جنتك وناارك اي كلمه يقولونها حتى لو كانت تجرح سوي نفسك ماسمعتي شي خلك صااامته لاتردين عليهم وامك قلتي هذا طبعها وموجديد ومعروف عنها الافتراء والقيل والقال ....بدال ماتدعين عليهم ادعيلهم بالهداايه وخااافي على نفسك من دعواتك على والدينك هذا عقوق و ممكن دعواتك تنقلب عليك وماتتوفقين بحياتك ولتزوجتي عيالك يطلعون عاقين ويدعون عليك مثل مانتي تدعين على والدينك .....انتي بنت كبيره وناضجه مانتي طفله علشان تتزعلين عيب تردين على والدينك اذا قالولك كلمه اسكتي واذا طلبوك بشي قولي حاضر .... البنت العاقله ماترد على امها وابوها حتى لو يجرحووونك تحملي واصبرري وادعيلهم بالهدايه هذا اذا انتي تبين التوفيق والسعاده بحياااتك ....


__________________________________________________ __________



الله يفرج همك ويعوضك بالزوج الصآلح اللي يغنيك عن اهلك وعن كل شئ انحرمتي منه ..

احزنني موضوعك ماكنت اتوقع ان فيه اهل بالقسوة هذي ..

نصيحتي لك : تجنبي المشاكل والنقاش معهم واذا حسيتي نفسك معصبة من كلامهم
قفلي على نفسك غرفتك وحطي السماعات وشغلي قرآن او أناشيد اي شئ يشغلك عن كلامهم
لاتقعدين تدققين على كل كلمة بتتعبين وبيدعون عليك دام كذا اسلوبهم ومعاملتهم
خليهم يكسبون ذنبك ومآتأخذين ذنب فيهم ..
كل شخص محاسب على كلآمه وتصرفآته وصدقيني بيجي يوم ويندمون على جرحهم لك ..!!
ولاتفكرين هالتفكير انتي بعدك صغيرة وفيه غيره يتمناك صدقيني الله ماصرفه عنك
الا لانه يعلم سبحانه ان مافيه خير لك ..
وأحمدي الله إللي صرف عنك شرهـ ..
ولآتيأسين وتتسخطين على قضاء آلله هذآ شئ مقدر ومكتوب ومآحد يقدر يفر من قدرهـ ..
وصدقيني مابعد جاء اللي يستاهلك وفيه آلخير آلكثير لك ..

لاتنسين صلاة الليل والدعاء في السجود والاستغفار كل وقت ..
وقول لاحول ولا قوة الا بالله فأجرها عظيم ..
ولاتنسين اكثري من الصلاة على الرسول اللهم صل وسلم على سيدنا محمد ..


__________________________________________________ __________

الله يكون بعونك حبيبتي حولي تصبري مهما كان امك وابوكي وربنا يرزقك بابن الحلال


__________________________________________________ __________

يا قلبي إذا حابه اتواصلي معي ع الخاص