عنوان الموضوع : صديقتي معقوله تكون اكبر عدوه لي الطبيب يجيب
مقدم من طرف منتديات نساء الجزائر

صديقتي معقوله تكون اكبر عدوه لي



مرحبا
صديقتي من الصغر
من سنين .. ماكان بينا الا كل خير مابيني وبينها اي مشكله
كنت اعتبرها منا وفينا اذا جات عندنا البيت حتى كنت افضفض لها
كنا انا وخواتي كثير نتناجر ونتخاصم بس انا وخواتي بس حنا غير مع الناس
نحترم الناس بدرجة عالية والكثير يقولون لأمي ااخلاق بناتك مره حلوه
يحرجونا بلطفهم وكلامهم الحلو ..
وانتم عارفين مافي خوات في الدنيا مايتناجرون
قبل الزواج بسنه ونص كذا قبل مايتقدم لي اي شخص
جلست حسيتها تصير ضدي في كل شي اتكلم فيه وفيها حركات ثانيه تقهر وتقول
كلام ماتثمنه يعني ماتسب لكن بس كذا تقوله علشان تغثني .. واذا واجهتها تقول لا انا مو قصدي انا عفوية وماقدر اغير طبعي .. وش هالطبع اللي طلع فجأه
وانا عندها مااعرف اسوي شي زي الي مستصغرتني مع اني اكبر منها
طبعا انا تزوجت الزوج اللي ماقدرت استمر معه ابدا ابتليت ابتلاء وانظلمت معاه
لما تزوجت جات فرحانه وترقص في حفلتي وكذا حتى انا ماتوقعتها بتجي
وجلست اقول في بالي ممكن كنت فاهمتها غلط ماتوقعتها بتفرح لي على اللي شفته منها
بس لما تطلقت عشت حاله نفسيه و قلبي امتلى
مااقدر استقبل اي مشكله او شي يحرق القلب
ومضى على طلاقي اربع شهور
اتصدقون كنت اجي اسلم عليها كانت ترد بنفس خايسه وفي ثلاث من صديقاتي
معاها اسلم ماكاانهم يسمعون وانا سلمت مرتين ولما ردو كمان بدون نفس
انا قلت مستحيل هذول صديقاتي وش السالفه !
لاتشوفون لين اجي اتكلم معاها ودي اشيلها من الارض واخليها فوق راسي
وهي تعاملني بكل احتقار.. وانا اقول في خاطري ليه تسوي كذا حشى موب صاحيه
تعاملني كااني وحده اصغر منها بخمس سنين
اذا في شي يعجبني تنتقده وتقول وع وش ذا من غير مااطلب رايها
الى ان صار مافي شي يعجبني يعجبها ابدا
تحاسبني وتدخل نفسها فيني في كل خلاف يصير بيني وبين اهلي
بشكل غير مباشر تحاسبني على تصرفاتي على هيئة اني احسها ناوية تربيني .. كذا يعني
وزي ماقلت لكم تقول كلام ماتثمنه واذا واجهتها كله تقول انا عفويه وانا اسلوبي مااقدر اغيره ومدري وشو الله يغثها ... غثيثه بشكل غير محتمل
طيب انا ماتغيرت على ولا وحده من صديقاتي الا اذا فهمت السبب
جلست مع وحده فيهم وسولفت معي عادي واستغربت ذاك اليوم تجاهلتني
واليوم ذا تكلمني عادي
وجلست اسولف معاها
الا تقول لي .. اتصدقين بقول لك شي بس احلفك ماتعلمين احد اني قايلتلك
قلت لها احلف بالله .. قسم بالله مااعلم
قالت والله حرام يصير فيك كذا .. مو قادره اسكت انا بعلمك بكل شي علشان احذرك
وانتي غافله
قلت لها قولي وشوو؟
تقول توك منفصله عن زوجك وانا حاسه فيك لما تعذبتي وكفايه اللي جاك
قالت لي لما جيتي تسلمين هذاك اليوم
صديقتك متكلمه فيك عندنا ...وقالت لي انها قالت .. كلام .. كله كذب في كذب
والحمد لله انه كلام مو كبير مره .. بس كانت تحاول تغير علي فيه صديقاتي وتفرق بينا
وقالت انك كنتي تقولين علينا .. بس انا ماصدقتها خاصه اني ماشفت منك شي
ومتأكده انك ماقلتي وانتي في هالظروف والمظلوم مايظلم .. خاصه واني كشفتها قالت
انك قلتي هالكلام في هالاربعة اشهر اللي نفسيتك تعبانه فيها ... ولأن حنا شفنا منها مشاكل
بس ماشفنا منك الا كل خير .. وانا مااقدر اتغير عليك الا اذا سمعتك بنفسي
وانا حلفت لها اني ماتكلمت بهالكلام ولا دريت عنه ... قالت وكل مره تجي تتكلم فيك عندنا
وانا اللي خلاني اشك كيف كل مره تقول كلام جديد
قالت بس انا جيت احذرك .. بس احذري وانتي حلفتي ماتعلمين
وهي حلفت لي ... ان هذا الكلام مليون بالميه
وانا اتأكدت منه من خلال مواقف مرت ..


طبعاً يابنات من ضمن الكلام اللي سمعته علي اللي هي قالته
كانت تحاول تثبت لهم اني راعية مشاكل وحقيره وحقوده ومحد يقدر يعيش معي
قالت لهم ماتشوفون كيف كانت تتناجر مع خواتها
والحين تطلقت من زوجها وكل يوم مشكله .. كيف ماتصدقوني انها قالت عليكم هذا الكلام
وقالت كلام كثير .. وكبير تبي تكرههم فيني غصب
وكله بالكذب علشان تقنعهم



وكانت لي مواقف كثيره كلها مواقف مساعده وعون معاها ..ياليتها نكرت وبس

ابيها تنكر بس لا تتجارم في حقي .. يعني اسوي خير ينقلب علي شررر اعوذ بالله

وبالتالي اتفقت مع صديقتي اللي علمتني بكل شي ... قلت لها الحين قلبي ارتاح

الحين انا صديقاتي صديقتي اللي علمتني صلحت الوضع بيني وبين صديقاتي الباقي
وجو اعتذرو لي قالو ترى احنا اتكلمنا فيك وانتي مظلومه وكفايه اللي جاك ومن هالكلام
واحنا عارفينك ومانبي نخسرك ... وسامحينا وكذا .. قلت لهم الله يسامحكم

من غير مايجيبون لي سيرتها او سيرة الكلام اللي قالته لأن اللي علمتني بس قالت لهم اني اعتذرت لها واقنعتهم .. ولحد الان محد يدري انها علمتني

طيب حتى لو الحركه غلط انها تعلمني ممكن تسبب فتنه بيني وبينها حتى لو ان الكلام صدق
بس والله قلبي ارتاح كنت راح انجن ..

طيب انا ماعطيتها وجه ولا كلمتها وتغير اسلوبي معاها
تكرت الطيبه
صرت جافه ورسمية وسطحيه
بعدين جت تتكلم لي بطيب وكذا
وبالتالي صارت خبيثه تتكلم لي بطيب ومن وراي تتكلم بهذا الكلام
انا وصدفه رحت وسمعتها بدون ماتدري تتلكم علي واتااكدت سمعت اسمي قلت اكيد تتكلم علي وفعلا .. وصديقاتي يسمعون وهم ساكتين .. وهم هم مايدرون
عجبوني قالو لها ليه ماتواجهينها .. بنقولك شي زي ماانتي صديقتنا
هي بعد صديقتنا ومانبي نخسر احد فيكم
ماقدرت مااسمع ماقدرت استغفر الله يارب اذا عندك مشكله معاها واجهيها افضل
بعدين مو كفايه الي جاها بسبب الزواج هذا وهي ماعذرتني ابداً ودعيت عليها
بحرقة قلب جعلها تحصل اللي حصلته .. وزي اللي تقول انا السبب انا ام المشاكل
زي ماقلت لكم
انا سمعت بس ماتوقعت بنصدم كذا
جلست لي ثلاثة ايام مريضه من الصدمه
كنت افكر الناس كلهم واحد
اتصدقون .... افشت كل سر قلته لها بعد ماحلفتها .. وكل شي كان يصير بالبيت تقوله
سواء نجره او خبر حلو او خبر شين .. لو اعطس بالبيت انتشر الخبر
خاصه وانها صديقتي من سنين يطلع منها ذا كله في سنتين
وقلت لها سمعتك لما مريت وانصدمت فيك ماتوقعتك كذا
استغلت كل نقاط ضعفي .. علشان تقهرني بااسلوبها بين الناس
تقارن عقلها كثير بعقلي .. تنتقد وتذم كثير وكل شي يعجبني مايعجبها تقلد
تتكلم في ظهري وتكذب وهي تبي تخسرني ... وتبي تخسرني الناس
تتفلسف علي كثير وتغثني وتقول كلام ماتثمنه قدام الناس ..
كل شي خير اسويه لها ياليتها تنكررر وبس .. الا ينقلب علي شر ..
هي افضل مني بالدراسه .. وكل ما زاد معدلها تتكبر كثير وعندها اني ماافهم شي
عقب ذا كله سامحتها مرتين وثلاثه ... اشوف اذا ماعطيتها وجه تصير تمام بس ابداً ماارتاح لها واذا عطيتها وجه وكلمتها بالطيب تدوسني ..
طيب انا مااعرف البس ثوب غير ثوبي .. كذا طبيعتي لازم الكل اعامله بالطيب
لو بعاملها بقسوه احس اني مجرمة وظالمه ..
انا ماعندي رمادي ...
عندي ابيض او اسود
رمادي يعني مااعطيها وجه
وابيض يعني اما ارجع على طبيعتي واعاملها بالطيب
والاسود اني اخاصمها واقلعها من راسي
طيب اشوفها قاعده تتمادى معي ...
اخر شي امس نهيت الموضوع معها بعد ماطفشت وقاعده اتعذب معاها
وقلت لها دامك عفوية لهالدرجة واللي في قلبك على لسانك ومو قصدك
خلاص انا اعوف صداقتك وكتبت لها كلام طويل اني وانا اكتب وهي تكتب وانا اكتب
وهي تكتب لحد ماصار السب والغلط مني ومنها اتفاجأت وانصدمت منها
كل الكلام اللي قالته لهم قالته لي يعني شجاعه ..
تقول اقري المحادثه لحد ماتنجنين .. ماظل لك احد ولا بيظل لك احد وانتي تخاصمين
الكل و انا مااخاصمت احد .. انا وخواتي هي مالها دخل عاد تحاسبني عليهم
وجلست تتدخل في غير شؤونها وكل شي فضفضت لها عنه وفتحت قلبي لها فيه
جلست تعايرني فيه ... استغلت نقاط ضعفي كلها ..
ماشفتو وش كثر كانت حقيره ...
ودايما الكلام اللي مو لها تاخذه نغزات لنفسها وتسوي مشاكل ...
ابي حكمكم وارائكم هل انا غلط او صح

>>>>> ردود الأعضـــــــــــــــــــاء على الموضوع <<<<<
==================================


ابعد عن الشــر وغني له
والبــاب الي يجيك منه الريــح سده واستريح
وش لك فيــها
وابعدي عن هالاشكال والحمدلله الله كشفها لك وربعك انصـفوك
وخليك قريبه من الله
وماعليك من اي احد
والله يرزقك بالزوج الصــالح
الي يعرف قيمتك يارب





سبحان الله وبحمده سبحان الله العظيم
استغفر الله ربي واتوب اليه


__________________________________________________ __________

المشاركة الأصلية كتبت بواسطة عصفورة الفردوس
ابعد عن الشــر وغني له
والبــاب الي يجيك منه الريــح سده واستريح
وش لك فيــها
وابعدي عن هالاشكال والحمدلله الله كشفها لك وربعك انصـفوك
وخليك قريبه من الله
وماعليك من اي احد
والله يرزقك بالزوج الصــالح
الي يعرف قيمتك يارب





سبحان الله وبحمده سبحان الله العظيم
استغفر الله ربي واتوب اليه

وماتتحيري اكيد الصديقة ليوم بتصير عدوة غدا لدا يقال المثل خلي سرك عندك لانو لكل صديقة صديقة لدا في هالوقت صديقتك عدوتك الا من رحم ربي


__________________________________________________ __________

عدوك الحقيقي هو الشخص القريب الذي يعرف عنك كل شيئ ابعدي هذه الانسانة عنك وارتاحي


__________________________________________________ __________

اتركيها وش لك بالهم وقولي حسبي الله ونعم الوكيل


__________________________________________________ __________

من حكالك حكى فيك ونقل الكلام بين الناس نمامة