عنوان الموضوع : تعبت من شك زوجي
مقدم من طرف منتديات نساء الجزائر

تعبت من شك زوجي



انا متزوجه لي سنه ونص
ماخذه ولد عمي
وعارف تربيتي واخلاقي ..

بس ساعات يسالني اساله غريبه زي
ايش صار بماضيك ؟
وش الشي الي تهورتي فيه ؟
ومين اول شخص حبيتيه ؟
وانتي ما تحبيني ؟
دايم عنده شك بالماضي بحياتي
مع اني متربيه ويعرف تربيتي وكيف اهلي معي .
اساله من هذا النوع المهم انا اجاوب عليه بكل صدق .


طلب ان افك رمز جوالي وفكيته لاجل يفتش براحته
مره ببدايه الزواج سالني مين اكرم ؟
قلت مين اكرم ذا قالي انتي مسجله اسمه بورقه المهم طلع الاسم اكرام مو اكرم .


جات فتره كل ما يجي من العمل يسالني مين جاك اليوم !
وانا والله ما يجيني احد ولا اخرج لحد غير اهلي عشان اريح راسي من مشاكله.


لاني لاحظت
لما اخرج عند صديقاتي يسوي لي تحقيق مين البنت ومين اهلها ومين ابوها وتفاصيل زي كذا يعني لازم يعرف نبذه قبل يوديني لها
او احد بيجي يزورني يسوي لي نفس الموال مين وبنت مين الخ.
مره جاتني بنت
وقال صديقتك هذي بويه ! وربي يشهد انها بنت مو متشبهه بالرجال
وبنفس اليوم يقول تتحكم فيك انا سمعتها تقول لا افتحي الباب لزوجك !
والبنت ما قالت كلام من هذا النوع ابدا اصلا مالها خص بالاشياء.
صرت اكره اروح لحد او احد يجيني بالعربي اعتزلت الناس



ساعات يقولي .
انتي تستغبيني ! وانا مسوي نفسي غبي وما افهم !
ومرات يقول انا عارف وش في حياتك !
يجيب تلمحيات غربيه
والمشكله مافي شي بحياتي اخاف منه هو ولد عمي والمفروض عارف وشايف كيف عيشتي

اخر مرا جاء يقولي المفتاح مكانه تغير انتي فتحتي الباب
انا احلف اني ما فتحت الباب
وهو يحلف ان مكانه تغيير وانه ما يبغى يحلفني لانه متاكد انه تغيير مكانه



احس تعبت معاه حياتي كلها شكوك من غير اثبات او ماسك علي شي
ساعات اخاف ان يوصله كلام عني اتوقع يصدق لان ثقته فيني معدومه

اخاف استمر معاه وحياتي تكون كلها جحيم
واخاف اجيب اطفال يعيشون نفس الدوامه .


طول حياتنا خصام على وساوس وتخيلات من راسه
تعبت اشكي لاهلي عنه صرت اكتم بصدري

والحين صرت ادعي ربي ياخذني ويريحني من الجحيم الي اعيشه

تمنيت اتزوج شخص يقدرني ويكون لي ظهر وسند ويريحني من هموم الدنيا ويثق فيني


ساعات من الصدمه ما اعرف ايش ارد
كلامه بقلبي زي السكين

والله يشهد انه اول شخص حبيته بالدنيا بعد ابوي ودايم اقوله ويشككني في هالشي
ساعات اكره اني تزوجته احس انه يمكن غلطه عمري

لما نتجمع انا وقريباتي دمعتي بقلبي اشوف حياتهم واشوف حياتي واتحسر على نفسي
كنت عايشه في بيت ابوي مدلله وعمرهم ما شكو فيني وكنت قريبه لاخواني يحبوني واحبهم
بس من عرفته كل شي اندمر

حالته الماديه صعبه يعني شهر اشتري عطر الشهر الثاني اشتري لبس وهكذا
جوالي ما اشحنه الا بالنادر
تحملت كل شي وصبرت اقول ربي بيفرجها

لكن اني اتحمل انه يشك فيني احس مو قادره

>>>>> ردود الأعضـــــــــــــــــــاء على الموضوع <<<<<
==================================


السلام عليكم ورحمة الله تعالى وبركاته

بنيتي العزيزة

هاذا الجحيم بعينه اللي انتي عايشة فيه

حاولي تتكلمين معاه بهدوء وتشوفين لوين بيوصل بنفسيته التعبانة هاي

والحمد لله انه ما فيه عيال للحين

واذا شفتي الحالة ماشية وتتطور ساعتها دخلي كبار العيلة مثل ابوك وابوه

ف""امساك بمعروف او تسريح باحسان""

ربنا يهدي النفوس ويكتبلك اللي فيه الخير



__________________________________________________ __________

اختي زوجج يا انه كان له علاقات سابقة خلته يفقد الثقة بالحريم وهالشي وايد نشوفه يا انه شاف شي او سمع شي عنج وفهمه بالغلط وزرع في قلبه الشك يا انه ببساطة مريض بالشك، في كلا الحالات المصارحة هي الحل الوحيد قعدي معاه وفهمي السبب اللي يخليه يتعامل معاج بهالطريقة.


__________________________________________________ __________

المشاركة الأصلية كتبت بواسطة gollnaz
اختي زوجج يا انه كان له علاقات سابقة خلته يفقد الثقة بالحريم وهالشي وايد نشوفه يا انه شاف شي او سمع شي عنج وفهمه بالغلط وزرع في قلبه الشك يا انه ببساطة مريض بالشك، في كلا الحالات المصارحة هي الحل الوحيد قعدي معاه وفهمي السبب اللي يخليه يتعامل معاج بهالطريقة.



__________________________________________________ __________

يمكن هو سامع قصص عن حريم يخونون ازواجهم

وشكله لهذا السبب صار عنده مرض الشك

الله يعينج


__________________________________________________ __________

لازم تكلمينه وتعلمينه ان شكه لك يزعجك
سكوتك جعله يتمادى