عنوان الموضوع : فقر الدم .. وأمي وأبوي
مقدم من طرف منتديات نساء الجزائر

فقر الدم .. وأمي وأبوي



السلام عليكم ورحمة الله وبركاته

انا بنت عمري 15

مشكلتي هي يوم ان كان عمري 10 سنين او 11 سنه
جاني مرض فقر الدم
يوم وصلت 12 سنه بلغت:$
وكانت تجيني الدوره ب انتظام اول شهرين بس بعطها تلخبطت وصارت تجيني مرتين بالشهر
ودتني امي المستشفى وسوو لي فحص دم وتبين انو عندي فقر دم حاد

تقول الدكتوره الدم الي فاقدته كآنه دم وحده جايبه 3 عيال
المهم عطتني حبوب تنظم الدوره وحبوب حديد لانه كان معي نقص حديد
المهم تميت عليهم لمن خلصو الدوره انتظمت وفقر الدم صرت مااحس ب اعراضه الي منها الخمول
لمن دخلت اول متوسط رجع و بديت افقد الشهيه وكانت امي مو حاسه لانها مو دايم معي وان ناقشتها ب شيء تسفهني او يصير الي ضدي هو الصح وانا الغلط
وكانت يومياً تطلب لنا من البقاله وانا اكل شوي شوي لمن ادمنت على الحلويات والمشروبات الغازيه وصرت ماحب الاكل المفيد لا الرز ولا اللحم ولا اللبن ولا الحليب ولا الماي ولا الفواكه

وكان ب هالوقت عندنا خدامه اندنوسيه كانت تتفق مع شغالة جدتي(بنفس البيت احنا)ويشترون من البقاله وعندنا احنا عادي يطلبون
كانت تطلب اندومي وتطلب لي انا واخوي لمن ادمنته بشراهه مو صاحيه
والله رمضان الي راح اطلب 4 علب اندومي واسويهم ورا بعض من كثر شراهتي فيه ولا اول ماكنا نطقله خبر

وفقر الدم كل ماله يزيد لاني مااكل شي مفيد
جا يوم خلاص بغيت اموت بكيت بكيت وطلعت كل الي بخاطري وقلت لابوي ودني المستشفى حس فيني فيني فقر دم ترا

يقوم يهاوش ويقول انتي بزر تصيحين
والله لو انه اخوي كان وداه على طول وخلاه يغيب
مادري ليه هالعنصريه

مرت الايام ودخلت ثالث متوسط ومره رحنا انا وامي السوق وانا لاني فيني خمول ماحب السوق لاني ماقوى على الدواره فيه ومره رحت مع تمي عشان اشتري لي كم شيء وتعبت تعب مو طبيعي تنفسي بدى يقل وانا اقول لامي تكفين ابي اجلس تقول شوي اقولها طيب ابي ماي بموت تقول شوي بس ندخل هالمحل ونمشي وتدخل مليون محل وتخليني اشيل الاكياس
والمصيبه ان السوق مو داخلي خارجي (سوق اقمشه وكذا)وانا اكره هالسوق بس رحت مضطره
والله ي بنات ولا تحس ولا شيء
مرات اتنفس بقوه كان احد خانقني ولاهمها
يوم خلصنا ننتظر السواق يجي قلت لها قولي لابوي يوديني المستشفى تعبت مع فقر الدم حسو فيني وش ذا
قالت قوليله انتي واصلاً مارح يوديك اول شي انتي اكلي بعدين قولي وديني المستشفى ويوم جيت اقول لابوي كانت موجوده وقلت لابوي قامت قالت :ايه بعد ماتاكل وجايه تتشكى لنا تعبانه تعبانه
قام ابوي طاوعها ايه صح كلام امك انتي ماتاكلين
ان شفتك تاكلين بوديك

طيب انا وش ذنبي مو بيدي الشي هذا

المشكله مو راضيين يستوعبون ان فيني فقر دم حاد ومع دم الدوره افقد دم واذا ماكلت هاوشوني وسحبو النت او جهازي وان بكيت جا ابوي صرخ علي وقالي انتي بزر وجلس يطقطق علي عند اخواني
وهم والله لو يمرض احد من اخواني لو بس زكام راحو المستشفى

وبسبب الخمول صرت دايم اجلس ع السرير وعلى جهازي لمن ابوي بدى يشك اني اسوي شي غلط من ثلت جلزسي معهم وانا ماقدر الا انسدح وان رحت الصاله انسدحت
وش مسويه لهم انا !! مادري يمكن عشاني البنت الوحيده !! بس مو كذا

ادري مهما كان هذولا امي وابوي ولازم اصبر بس انا بموت والسبب هالمرض الحين اتنفس بضيق ومحد حاس قلبي ماينبض عدل واحس فيه مرات بطيء مرات سريع ولا احد حس

تكفون شسوي معهم مافاد معهم الكلام ولا فاد معهم الصياح بموووت

>>>>> ردود الأعضـــــــــــــــــــاء على الموضوع <<<<<
==================================


طيب حبيبتي
احكي مع خالتك عمك مدرستك اي حدا
وحاولي تجبري حالك ع اكل فواكه واكل شي مفيد
ليكي اختي بالنسبه للاندومي
ادخلي موضوعي
تنبيه هام للتخلص من تكيس لمبايض
انا لما كنت بنت كنت اكل ﻻندومي بشراهة وللاسف بسبب ﻻندومي ولله اعلم
تخربطت هرموناتي ولهلق ما حملت
وع فكرة ممكن من ﻻندومي ما بتجيكي لدورة ﻻنها بتعمل خربطة هرمونات وبهالحاله مابتكون دورة منتظمة او بتكون خفيفه


__________________________________________________ __________

حبيبتي الصراحه امك وابوك معاهم حق. وعلاجك بلاكل اكلي زين. فقر الدم علاجه بلاكل الصحي والمفيد للجسم. انامثلك عندي نقص حااد بالحديد وكنت اعاني مثلك بالخمول والدوره ماكانت منتظمه عندي والدكتور كتب لي حبوب لنقص الحديد ونصحني بلاكل قالي كلي بيض ولحم وكبده فيهاا حديد. حبيبتي انصحك تاكلين سلطه وفواكه وكبده وسبانخ وطماطم وجرجير وحليب ولبن هلاكلات المفيده اللي تقوي الجسم وتمده بالطاقه وماتحسين بالخموول ابداااا. انا اكل زين والحمد الله ما اشكي من شيء وصحتي احسن بكثيرررر وماحتاج اروح مستشفى الحمد الله. اسمعي كلام اهلكك والله يخاافوون عليك وعلى صحتك ويبون مصلحتك بعدين راح تعرفين ان كلامهم بمحله.


__________________________________________________ __________

انا اختي مثلك عندي فقر دم ..وفي الثانوي جاني فقر دم حاد
ولاقدرة امشي كنت احبي من كثر التعب
بس انا عكس كنت اكره المستشفى واول ما شافوني ودوني مستشفى
واعطتني ابر حديد عشان دمي يرتفع بسرعه
فبقولك طريقة للكل وسويها عشان تتحسني
..
من محل اللخضروات اشتري بنجر وكليه مع سلطة او سادة او كشراب جدا مفيد
و كلي كبدة شبه مستوية
و جريب فروت اشربيه
و طماطم
>>هذول انا كنت اكلهم بذي الفترة وانا اابكي لاني ماكنت متقبلة وماحبيت الكبدة بس غصب عني
..
واشربي برتقال طبيعي اعصريه بيدك واشربيه بنفس الوقت
..
واسبوع وشوفي كيف تتحسني باذن الله


__________________________________________________ __________

حبيبتي لاتتوقعين ان المستشفى راح يعالجونج للابد

مافي افضل من الفواكه والغذاء الزين

لاتحطين في بالج انج ماراح تاكلين عدل وتحتاجين طبيب

والاخوات ماقصروا كتبوا لج عدة نصايح

وانا انصحج تكثرين سوايل
علشان الدم
وبالذات عصير البرتقال

واكلي الشغلات الي فيها حديد

والله يشافيج


__________________________________________________ __________

ماراح ينفعك المستشفى الا ان يشاء الله ، اسمعي وصي امك تجيب لك بنجر ترا مرة رخيص
وقطعي وحدة مع نص تفاحه ولا برتقالة وملعقة سكر ونص كأس ماء ولا كاس في اسبوع
واحد بإذن الله بيرتفع الدم معك مرررررة مفيد
أما الحبوب والخرابيط ماتنفع بس بشكل مؤقت واكلي اشياء مفيده واطلعي في الشمس
عشر دقايق الصبح ولا العصر عشان فيتامين د وتتقوين وهالله هالله بالاكل الصاحي
وامك وابوك معهم حق ولو تعبتي حمى وزكام ودوك المركز نفس اخوانك
تعوذي من ابليس ولا يلعب عليك
وابوك مو قصده يجرحك بس الكبار كذا حتى لو عندك عيال بيرتفع ضغطك وتتكلمين عادي لمصلحتهم
الله يشفيك يارب