عنوان الموضوع : خربت زوجي بايدي -تم الاجابة
مقدم من طرف منتديات نساء الجزائر

خربت زوجي بايدي



السلام عليكم ..

بنات ابي من كل وحده تقرا موضوعي تعطيني حلول وشلون اتعامل مع هالموقف..


انا انسانه طيبه جدا وعلى نيتي .. وما احب احد يزعل مني .. واخاف من المشاكل ولا احبها ..


مرات تصير مشاكل بيني وبين زوجي ... ما اثبت ع رايي واكمل موقفي واثق بنفسي واكمل الزعله .. لا

يجيني خوف منه وما احبه يزعل علي واخاف انه يوديني بيت اهلي .. واقعد ابجي عنده بس عشان يرضى علي ولو انه هو الغلطان

الحين خلاص تعود علي ما يجي يراضيني الا نادرا وبسرعه ويمل ..

تعود ان انا اجي

عمره ما بدا هو وتاسف الا مرات بس ..


زعول حيييييل ويقهر .. واذا زعل خلاص ما يكلمني

ابي حل اكون واثقه من نفسي وما اخليه يتمادى اكثر ..

مشكلة الخراب هذا كله عدم ثقتي بنفسي .. هي سبب كل شي
مع اني جميله وما ينقصني الا شهاده ارفع راسي فيها وثقة اثبت نفسي فيها



دعواتكم يالطيبات

>>>>> ردود الأعضـــــــــــــــــــاء على الموضوع <<<<<
==================================


شوفي حبيبتي انتي عودتيه انج تراضينه لهسبب هو خلاص تعود

انتي اذا ماكنتي الغلطانه لاتروحين وتعتذرين له بسرعه

لازم يحس هو بعد بغلطه علشان مايعيد الغلط نفسه معاج

يعني زعلي من كم يوم لين يحس بغلطته وبعدين لعتذر لج كلميه طبيعي وسامحيه


__________________________________________________ __________

لا تتنازلين عن كرامتك مهما صار لأنه الكرامة فوق كل

ولا تراضينه كل مرة لنه راح يتعلم كل مرة انتي تراضينه


__________________________________________________ __________

حبيبتي الثقه في نفسج اهي الحل ,,, و من هني ورايح ثبتي علي رايج اذا كنتي علي حق !


__________________________________________________ __________

ربي يسر امرك ويسخر لك زوجك


__________________________________________________ __________

اذا هو الغلطان لا تراضينه خليه يحس بالغلط
وصعبه ترا احد يخطئ عليك تروح وتراضيه
كلنا م نحب المشاكل بس اذا هو غلطان لا تتأسفين بالعكس مفروض تكون عندك ثقه
بنفسك انك م غلطتي مو تروحين تنزلون نفسك وتتاسفين
ترا كثر الأسف يزيد الطين بله لانوه راح يعاند اكثر
تعودي على التطنيش بحياتك ولا م راح ترتاحين