عنوان الموضوع : زوجي تغير حيل ): -تم الاجابة
مقدم من طرف منتديات نساء الجزائر

زوجي تغير حيل ):



ممراااااااحبب
كيفكم صبايا ان شاءالله تكونو بخير انا متزوجه من شهرين وعممري 21 وزوجي عمرهه 27 كل هذا مايهمني الي يهمني ام زوجي توفت رابع اسبوع من زواجنا ومن بعدها زوجي تغير كانت تعيش معنا هو مايعرف غيرها من انولد ابوه توفى وهي حامل امه خالتي يعني يصير ابن خالتي يوم وفاتها انهار بشكل ماتتخيلونه يبكي مثل الطفل
هي ماكانت تعبانه ولاشي توفت هي نايمه لنا صحى الصبح بيروح دوامه راح بيصحيها ومارضيت تصحى معه وانهار ويهزها بقوه ويصحيها ويقول كلام تأثر حيل حاولت ابعده عنها موراضي اتصلت بأخوه وجاء وواستدعينا له دكتور قال معاه انهيار عصبي واديناه ابره منومه ووتم الدفن وهو للازال على حالته لاياكل ولايشرب وحابس نفسه بغرفة امه خلص العزاء وهو على حالته وموراضي يطلع بس يطلع للمسجد ويرجع يقفل على نفسه الغرفه صارله تقريبا شهر على حالته ولما كلمته قال مالك دخل فيني اعتبريني مت يوم الدفن والي قدامك سراب طيفي تعبت معه ورافض وجودي يقول مابغأك ابغى اجلس لوحدي ي بنات حتى دوام مايداوم احاول اطلعه من الحاله الي هو فيها بس موراضي عصب علي يقول اغراض امي مالك دخل فيها لاتقربين لغرفتها دافن نفسه بالغرفه وعايش على ذكرياتها تعبت ورافض وجودي يقول كيف تفرضين نفسك على ناس مايبونك مابا اتركه لوحده عارفه من الصدمه موعارف شنو يقول وصاير عصبي حيل مايتحمل اي كلمه مني
ساعدوووني مالي غيركم تعبت ايش اسوي له راح ينفصل من دوامه وهو ولاهامه موعاجبتني حالته
طلبتكم تنزلون موضوعي ولاتحذفوووووووووونه محتاره موعارفه ايش اسوي معاه خايفه يصير له شي بسبب الضغط النفسي ولكم دعوه بظهر الغيب ومشكوووورين

>>>>> ردود الأعضـــــــــــــــــــاء على الموضوع <<<<<
==================================


جاته صدمه قويه ان امه كانت كل شي له بالدنيا

وفجئه ماتت وكان اول شخص يشوفها ميته


قولي له
حديث الرسول صلى الله عليه وسلم :{إذا مات ابن آدم إنقطع عمله إلا من ثلاثة: صدقة جارية أو علم ينتفع به أو ولد صالح يدعوا له}

خل يدعوا لها علشان يسعدها بقبرها
وانتي ماراح تنسينها بالدعاء
وراح تسون اعمال خير باسمها كمساعدة الفقراء

وشغلي له قران
وقولي له انا حاسه بشعورك
ونامي معاه في المكان الي ينام فيه
وقولي له يحكي لج الي في قلبه وحاولي تحطينه راسه على صدرج وتمسحين على راسه

علشان يرتاح
واقري له قران بصوت عالي


__________________________________________________ __________

الله يلهمه الصبر والسلوان

ولا يعترض على امر الله

حاولي فعلا تواسينه

وقولي له ان شاءلله بكره لجاتكم اطفال تحكون لهم عنها

وتسمون بنتكم باسمها

لو يكلمه بعد امام المسجد يمكن افضل

وانتي لازم تساعدينه على تجاوز هالحزن الي يمر فيه


__________________________________________________ __________

كلام الأخوات صحيح والله يرزقكم الصبر والسلوان


__________________________________________________ __________

انصحك تتركين له البيت لفتره يهداء وترجعين هو الان مصدوم موعارف ايش يسوي واذا تركتيه ممكن يحس شوي مايصير كذا ممكن يصير له شي لاقدر الله


__________________________________________________ __________

لا لا تتركيه خاصه في هذه الفتره محتاجك اكثر من اي احد ثاني وسوي الي قالوه البنات