عنوان الموضوع : السلام عليكم الطبيب يجيب
مقدم من طرف منتديات نساء الجزائر

السلام عليكم



السلام عليكم
متزوجة منذ 9 سنوات
لدي طفلان ..
منذ بداية زواجي وزوجي يعاملني بجفاف عاطفي
غير كذا ردوده المفاجئة والجارحة معي وامام اهله وحتى امام اقاربه بعض الاحيان .. وذلك بسبب تربيته فاغلب اخوانه وخواته نفس الطبع
يعصب على اتفه الاسباب ولايبغى ازعاج من عياله
بسبب تجريحه لي الدايم بالكلام اصبحت لا اتحدث معه الا بالنادر جدا
جل مايريده مني الفراش فقط حتى اصبحت اكره الفراش
كنت دايما اشكو الفراغ والملل والروتين فعلمني دخول المنتديات حتى اتسلى فيها ومااطلب منه طلعات وسفريات فدخلت وتعلمت منها على الشات ثم برامج الجوالات ثم مكالمات شباب واتوب وارجع .. اشعر بالذنب ولكن كل ماتبت اعود لتلك العادة السيئة
دايما ماعنده فلوس واذا اراد السفر مع اصحابه لخارج الدولة تظهر الفلوس
ومالي دخل انا فيه ..
حصلت على وظيفة قبل سنتين براتب جيد ..
ونحن ملزومات انا وخواتي بدفع مبلغ ليس بزهيد لامي وابي في حال حصولنا على الوظيفة
اخذ مني زوجي قرض لشراء سيارة له ووعدني يسفرني ويمشيني بحكم ان السيارة جديدة وراح تريحه ويدفع لي جزء من هذا القرض الذي يستمر 5 سنوات .. دفع معي 6 اشهر وتخلف عن وعده ولم اسافر اي مكان
بالاظافة اني مستاجرة بمنطقة ثانية بحكم العمل وادفع انا اجرة السائق والشغالة والبيت ومع القرض .. واهلي ماارسل لهم ولاريال بسببه
حتى لو احتجت مستشفى بسبب تعب او مرض اتسلف من اخواني وخواتي ولحد الان ماعطيتهم حقهم واذا كلمت زوجي يساعدني يقول مو لازم تسددين لهم . يزورني بين فترة وفترة واذا وداني السوق او المستشفى يجلس يحاسبني على كل ريال يدفعه لي مع انه مايجي نص القرض اللي بسيارته
كل ماتناسيت مشاكلي معه وبدات ابعث في روحي الامل واقول بكرة تزين
وابتعد عن الشباب اشعر بالراحة ولكن هو لايترك هذا الشعور يستمر
ينغص علي دايما ويحطمني
الان انا حامل ونفسيتي جدا متعبة
زوجي كان ينتظر هذا الخبر بحرارة وانا ايضا لاني تاخرت هذه المرة بالحمل
كنت فرحانة جدا وحينما جاء اخر مرة لزيارتي فوجئت به يقول بيطلع قرض لبيتنا الملك اللي بديرتي عشان ولادتي ويبغاني ادفع معه
رفضت لانه علي ديون وابغى التفت لحالي واشتري زي الحريم وارسل لاهلي فلوس
قال لي والله اذا تبغين تصلحين البيت عشان ولادتك ادفعي والا ماني مصلح شي .. قلت له لاتصلح .. خرب علي فرحة الحمل..

شعوري .. كيف احب رجل لااشعر برجولته ولامبادئه
فوق انه مااحترمني ماقدر اللي سويته له
علما اني قد بعت اغلى شي بذهبي وعطيته يشتري في البيت ويعدل
ومع ذلك ماقدرني ولاحشمني قدام اهله من زمان
اللحين حتى علاقتي باهله سطحية جدا بسبب ضحكهم وتريقتهم علي بسبب معاملته لي .. احيانا يتعدل معي ولمجرد بس اني ارفض طلب له يقلب علي
وحتى لو تعدل اصلا انا ماحبيته ولاحبيت تصرفاته
ارهقني الشتات بين زوجي وخوفي على ابنائي ومشاعري وضميري

>>>>> ردود الأعضـــــــــــــــــــاء على الموضوع <<<<<
==================================


والله ما اعرف ايش اقول

ان شاء الله متزوجات يفيدوج

موفقة والله يهديه


__________________________________________________ __________

اختي حاولي تطالعي في ايجابيات زوجك
وتتذكري الامور الحوه بينكم وتنمي الحب
ويارب يصلح الحال بينكم


__________________________________________________ __________

ياحبيبتي غلطاانه تعطينه من راتبك....شوفيه هو الحين يستغلك وكل مره يطلب منك مرة للقرض السياره والحين قالك علشان ولادتك ياحبيبتي الرجال ماتضمنينه ماتدرين وش يسوي بالفلوس وحتى لو صلح وسوى لازم من جيبه هو مو ياخذ منك!!! ماله حق....واذا طلبك مرة ثانيه ارفضي او قولي ماعندي ....لاتعطينه صدقيني بعدين راح يتعود ويصير يطلبك دايم وبعدها يعتمد عليك بالصرف ويجلس في البيت ...وثاني شيء مهما تكون معاملة زوجك لك مو تروحين تكلمين شباب ...تقولين جاف عاطفيا موعذر لك حبيبتي ...انتي قبل لتفكرين بزوجك..فكري بربك لو تخافين ربك ماتسوين هالشي وتخونين زوجك ..موحل ابدا اتركي هالتصرف اليوووم وقبل ليكتشفك زوجك وتتعقد امورك اكثر ... انصحك تهتمين بنفسك وبعيالك وانتبهي لاتعطين زوجك ولارياال من راتبك يكفي انه مايحترررمك وتروحين تعطينه ليه؟!!! قولي ماعندي قولي انت ماتصرف علي ومقصر علي خليه يعررف خلك قويه لاتصيرين ضعيفه وياكلك وطنشيه لاتعطينه وجه خليه هو اللي يركض وراك وانصحك تكونين هاديه بتصرفاتك لاتعصبين ولاتنفعلين خصوصا انك حاامل وخذي الامور بهدوء ....والله يوفقك


__________________________________________________ __________

الله يهديج هو الحين قام يعتمد عليج في كل شي

لاتستمرين على هذا الحال
لاتخلينه يعتمد عليج

خليه هو يدفع انتي عندج قرض

لاتزيدين على روحج القروض

انتي خذتي له قرض للسياره
هو المفروض الحين دوره يعدل البيت

لاتدفعين ولا شي للبيت


__________________________________________________ __________

المشاركة الأصلية كتبت بواسطة من الشرقيه
ياحبيبتي غلطاانه تعطينه من راتبك....شوفيه هو الحين يستغلك وكل مره يطلب منك مرة للقرض السياره والحين قالك علشان ولادتك ياحبيبتي الرجال ماتضمنينه ماتدرين وش يسوي بالفلوس وحتى لو صلح وسوى لازم من جيبه هو مو ياخذ منك!!! ماله حق....واذا طلبك مرة ثانيه ارفضي او قولي ماعندي ....لاتعطينه صدقيني بعدين راح يتعود ويصير يطلبك دايم وبعدها يعتمد عليك بالصرف ويجلس في البيت ...وثاني شيء مهما تكون معاملة زوجك لك مو تروحين تكلمين شباب ...تقولين جاف عاطفيا موعذر لك حبيبتي ...انتي قبل لتفكرين بزوجك..فكري بربك لو تخافين ربك ماتسوين هالشي وتخونين زوجك ..موحل ابدا اتركي هالتصرف اليوووم وقبل ليكتشفك زوجك وتتعقد امورك اكثر ... انصحك تهتمين بنفسك وبعيالك وانتبهي لاتعطين زوجك ولارياال من راتبك يكفي انه مايحترررمك وتروحين تعطينه ليه؟!!! قولي ماعندي قولي انت ماتصرف علي ومقصر علي خليه يعررف خلك قويه لاتصيرين ضعيفه وياكلك وطنشيه لاتعطينه وجه خليه هو اللي يركض وراك وانصحك تكونين هاديه بتصرفاتك لاتعصبين ولاتنفعلين خصوصا انك حاامل وخذي الامور بهدوء ....والله يوفقك

دائما تبهرني ردودك