عنوان الموضوع : مشــكلة حياتي ! -تم الاجابة
مقدم من طرف منتديات نساء الجزائر

مشــكلة حياتي !



السلام عليكم ..

أنا متزوجة وساكنه مع اهل زوجي من سنة ، ام زوجي كانت رافضتني لكن زوجي أصر على الزواج مني وهي رافضه لاني كنت مطلقة .. طبعا كل اهل زوجي يعرفون ان ام زوجي ماتبيني ..

تزوجنا تعاملها في البداية كان فيه نوع من السيطرة ومازال لكن اخف من قبل .. اعطيكم امثلة انا عندي شقة فوق في بيتهم وفيها كل شي مطبخ وغرفه وصاله وووالخ ..

في البداية عملت لي مشكلة بسبب انه انا ارجع البيت بدون ما اسلم عليها ... طبعا انا اسلم عليها دائما ً وابوسها لكن هي كانت تبيني ابحث عنها في البيت واسلم عليها واوقات تكون هي في الحمام وتبيني انتظرها واسلم عليها وبعدين اروح شقتي !!

طبعا هذا الشي صعب عليي جدا ً بسبب انها تتأخر في الحمام او يكون الوقت بعد مـتأخر اثاني رجوعي للمنزل ..

والشرط الثاني اذا حبيت اطلع من البيت لازم ابحث عنها ايضا ً واقول لها مع السلامة وهذا صعب علييي بس كنت اسوي الي تطلبه مني وطبعا كانت تحرض ابو زوجي الي هو زوجها عشان يوصل لي اوامرها ...

وطبعا انا كنت خارجة من مشكله طلاق ومظلومة من زوجي السابق واهله فكنت ابي حياتي تمشي واسوي الي تبي واستحي منها وادخل معاها المطبخ بعض الاحيان اساعدها ..

ونسيت اقول لكم ان زوجي عنده اخوان شباب وطبعا وقت الاكل كلنا نجلس مع بعض شباب وبنات وانا بعبايتي ! وهذا الشي ماتعودت عليه ومااعرف اكل واستحي من اخوانه الشباب بس كنت اصبر نفسي ....


طبعا اخته تقلدني بكل شي حتى لما فصلنا غرفة النوم راحت لنفس المكان وسوت لها غرفة جديدة بنفس الوقت وسريرها يشبه سريرنا مع اختلاف اللون ...


سامحوني متلخبطة في كلامي موااااااقف كثيرة مرت عليييي


المشكلة الان :


انا ابي استقل في حياتي نوعا ما .. انا عندي مطبخي وشقتي كاملة الحمد لله ليش كل يوم انزل اكل وهي لمحت انها راح تطبخ وانه انا ماله داعي اطبخ وتقول لزوجي لا تخربون مطبخكم جديد ويتوسخ من الزيت وريحة الطبخ ..

وزوجي يتأثر بكلام اهله .. واذا جيت اطبخ شي لازم يبكيني ويسوي لي قضية .. والشي الثاني غسيل الملابس ..

تغسل ملابس زوجي ... وتبيني انزل اغسل ملابسي وغسالتي موجودة وجديدة بالكارتون ...

وطبعا لها يد في هالموضوع وسمعت منها كلام يثبت هذا الشي ... تقول لزوجي اترك هالغساله خلها مكانها نغسل ثيابكم تحت ...


والمشكله الثانيه ...


ضروري كل يوم انزل ليل ونهار ... وطبعا بعبايتي والبيت مايخلى من الشباب تععععععبت يا ناس تعبت .. ولما افهم زوجي عن هالمواقف يسمع كلامي ومن ثاني يوم ينقلب ويهاوشني


حياتي تعيسة ساعدوني ...


اكتشفت مع زواج اخو زوجي انها ماتسوي مع زوجته كل هذا وياكلون في شقتهم ومااشوفها تجلس معاهم وطبعا فرحانييين فيها ويمدحونها مع انها مطنشتهم ..!


سامحوني كلامي مو مترابط بس ارجووكم شووفوو لي حل وفسرو تصرفاتهها !!!

>>>>> ردود الأعضـــــــــــــــــــاء على الموضوع <<<<<
==================================


يا اختي والله اكثر حموات كذا فعيشي حياتك وطنشيها


__________________________________________________ __________

والله حبيبتي انا كمان زيك أو اكتر مع أننا ما نسكن في نفس البيت وزوجي تزوجني رغم عنها كلهم هيك بس حاولي تفرضي رأيك بشويش اذا مو عوزه تنزلي متنزليش والغسيل اغسلي فبيتك حاولي مع زوجك حتى يشغلك الغسالة شوي شوي حبيبتي متستحيش اذا سكتي دلوقت وتعوديهم هيك ماراح تقدري تتكلمين مرة اخرى ربنا يفرج همك ويعينك ويسخرلك زوجك


__________________________________________________ __________

اهم شي ﻻتسكتي على هالوضع بيستغلوا هالشي طنشيهم زي زوجة اخو زوجك . كلمي زوجك مرة مرتين وثﻻث خليه هوا ينزل تحت وانتي كلي ببيتك وسوي اللي تبيه وفهميه انو هدي حياتكم .. وانو صعب تاكلي قدام اخوانه وادا مافاد كلمي ابوه ادا هو طيب وادا اﻻمور زدات دخلي احد من اهلك الثقه .. والله يسخر لك زووجك ويكفيك شر عداوينك ..


__________________________________________________ __________

لا حول ولا قوة الا بالله شكل حماتك اقتصادية مالقيت تفسير ثاني شكلها تبي توفر الماء والكهرباء والاكل عشان كدة تطلب منك تنزلي تسوي اي شئ عندهم وبس ..
والله اعلم


__________________________________________________ __________

حبيبة قلبي من رأيي جاريهم الآن وحاولي ماتعملين اي مشكلة لانك متزوجة زواج ثاني واذا صارت مشكلة الله لايقدر وتهدد زواجك بالخطر الله ليكولهة فراح تتطلقين مرتين وهذا شي صعب
انتي صح الك مشاعرك وتحبين تعيشين حياتك الخاصة لكن حاولي تكسبي رضا حماتك دلعيهة بالكلام وبوسيهة وقوليلهة احبك لاتحسسيهة انك مشدودة منها حتى لاتكرهك وتحاول تغير من تصرفاتها لانك تحرجيها بأدبك وحاولي تقولين لزوجك اني ماقدر انزل لتحت انا ابي اضوكك اكلاتي واغسلك ملابسك واهتم فيك ومن هالكلام لكن حاولي لاتسوين عداوة لان مو زين عشانك
واتمنالك كل الموفقية حبيبتي