عنوان الموضوع : مشكلتي مع اهل زوجي -لصحتك
مقدم من طرف منتديات نساء الجزائر

مشكلتي مع اهل زوجي



السلام عليكم ورحمة الله وبركاته

محتاجه مساعدتكم وشوركم في مشكلتي

انا متزوجه ومشكلتي الاولى مع زوجة اخو زوجي متوقعه اني اغار منها وانا وربي مافي قلبي لها الا كل خير
السالفه مره كانو بيجون يحضرون زواج بالشرقيه لانهم ساكنين بالديره الجنوب بوقتها كنت خلاص بنام محضره نفسي متوقعه راح يجون الاربعاء لانهم مااتصلو ولا شي
وقريب لزوجي اتصل عليه وقال اهلك بالطريق جايينكم يمكن الساعه 11 بالليل

زوجي زعل وتضايق ليه مااتصلو عليه وانا قلت وش يجيبهم اليوم معطينا خبر بيجون اليوم الثاني وصار هواش بيني وبين زوجي وراح اتصل على امه وقال انها ماتبي اخوي وزوجته يجون وانا ماقلته ولاشي كنت اقصد اني داخله بنام ليش ماعطونا خبر ننتظرهم ونجهز لهم
زعلت عمتي ام زوجي وتهاوشت مع زوجي وكنت ناويه اروح لااهلي بس جلست احتراما لهم

جونا بالبيت وماقصرت معهم بشي على اني المفروض ازعل لان ولدهم كذب وصدقوه ومن بعد هالسالفه وزوجة اخوه متغيره معي
لدرجه انهم دائما يجونا ومااقصر معهم بس ابدا لما اروح الديره ماتعزمني في بيتها ابداااااا
بس تعزم اهله واخواته المتزوجات وانا ماتفكر فيني
بس يجوني اهل زوجي تكون معهم ودائما اوجبها في ولادتها وغيره بس ماعمرها فكرت فيني
كل شي متوقعه اغار منها
والسالفه الثانيه ابو زوجي يتمسخر علي ويقولي انتي الوحيده من حريم عيالي الي ماخسرنا عليك شي لعبنا عليكم بمهر شوي وذهب شوي

ولا كان عرس مثل الناس جد قهرني وغصيت بالكلمه وماعرفت ارد وانابالاساس مو هامني وماني متكبره مثل الباقيات ومسويه زفه واشياء تافهه على اني مثل حريم عياله بنفس المهر والذهب بس كان العرس عليهم وسوو اي شي وعرسنا كان بالديره حتى زواج بناته كان اردى من زواجي وماتكلم الا علي اوالمشكله ماكان زوجي فيه وهو قاعد يتكلم ولاكان بيرد عليه على اني مااظن يعني ليه هالظلم من اهل الزوج وربي الي خلقني انحرم من شوفت هلي لما يجوني عشان اقوم بواجبهم وهذا حقي
تكفوون وجهوني كيف اتعامل معهم لاني جدددد تعبببببببتتتتتتتتت

>>>>> ردود الأعضـــــــــــــــــــاء على الموضوع <<<<<
==================================


ما عليك من كلام الشايب الشيبان دايم كذا وأكيد الباقين يسمعون ما هو أسوأ
وممكن يقصد شيء آخر دون سوء نية
مثلا إنكم ما تتشرطون وتخربطون مثل بقية العالم والدليل بناته متزوجين بنفس طريقتك
وهذي ليست مشكلة أصلا

الجزء الآخر

الي قال إنهم بيجون اليوم الثاني هذا كان يقصد عدم إزعاجكم وإنشغالكم بهم وهم مسافرين خصوصا لو كان سفرهم سيارة لأنه دائما يصير أعصاب وخوف من الطريق فما حب يشغلكم

أنت غلطي لأنك ما قلتي لزوجك حياهم

وزوجك غلط لأنه خبر أهله بعدم إستعدادك

وبصراحة من حق زوجة أخو زوجك تشك بأنك تغارين ومن حق أمه تزعل

صحيح الخطأ ليس خطأك فقط بل خطأك وخطأ زوجك

والأيام كفيلة بإصلاح الأحوال بينكم

فقط أحسني النية وقابلي السيئة بالحسسنة

وزوجك سامحيه وما فات مات


__________________________________________________ __________

اذا قالج هالكلام أبو زوجج
قولي له
اهم شي اني سعيده مع زوجي الحمدلله


__________________________________________________ __________

بالنسبه لشايب وقفيه عند حده


اتوقع لو ابو زوجي يقولي كذا
اقول له والله حظ ولدك اكبر مته انه طاح بناس طيبين
مايدورون وراء الفلوس...همهم الرجال والنسب الطيب
وقولي وانا الحمد لله اشوف ولدك يستاهل اننا نراعيه
بالمهر والذهب...واذا زوجك طيب معك علميه اقهريه
قهرني هالشيبه


اذا مانفع علمي ابوك


__________________________________________________ __________

وحاولي تكسبين زوجك وافهميه زين
والمفروض لمادقوا عليكم وقالوا انهم بالطريق
اسكتي ما دامك شفتي انه زعل خليه يتصرف
من راسه..وانتبهي يعيدها معك باي تصرف اخر
حطي له حد هذا الثاني مايعيدها ويتكلم
فيك عندهم....الله يعينك
بالنسبه لسلفتك بقولك اللي يقدرك قدريه واللي مايقدرك
لاتقدريه....يعني اذا جاتك لاتكوني مره مهتمه....عادي
خليها تحس فيك...ان تغيرت كان بها
يقولوا(( مركب الضراير سارت ومركب السلايف غارت)))


__________________________________________________ __________

السلام عليكم حبيبتي
وهلا ومرحبا مليووون فيك ي الغلا كله
تفضلي هذي نصائح انصح بها نفسي اولا ثم حبيباتي وانتي منهن

اولا /ارضي الله يرضى الله عليك
ثانيا /اكسبي زوجك عن طريق أهله حتى لو شايفه منهم القهر لا تحكي لزوجك نصييييحه من قلب بالعكس يا امدحيهم قدامه وإلا اسكتي أحسن لك بس لاتسبيهم قدامه أبدا أبدا أبدا بالعكس
ثالثا/خليك دائم مبتسمه عندهم صدقيني
الأبتسامة للحبيب تشعره بالراحة معك
وللعدو تشعره بالندم
وللي م تعرفيهم تكسبين صداقتهم
ويكفي انها صدقه عظيمه خليك ع طووول مبتسمه وشوفي كيف حتى انتي راح تحسي براحه سبحان الله
رابعا / تصرفك كان غلط لما قلتي لزوجك ليش ما قالوا لنا من بدري وشكلك قلتيها بعصبيه كان المفروض مره اخرى لو عملوا نفس التصرف تخلي ولدهم يتصرف وإنتي ابتسمي وم عليك ف احد اذا في وقت كافي جهزي لهم القهوة والحلى والأبتسامه والروح الطيبه واحتسبي الأجر عند الله وإذا شفتي م في وقت وزوجك تعبان روحي نامي معاه ويرسلهم رساله ترحيبية ويستأذنهم لنوووم ولمن تصحي الصباح الله الله ف الفطور الزين
خامسا / بالنسبه لزوجة اخو زوجك (سلفتك ) عامليها برسميه بمعنى سلمي عليها وابتسمي لها وووووبس
لا تسأليها ولا تسولفي لها ولا ترتبطي فيها
بس اهم شي لا يكون بقلبك شي عليها بالعكس ادعيلها وقولي الله يغفرلها عشان مايوسوس لك الشيطان وتكرهيها لان بأختصار الدنيا فانيه ولا محال سنرحل يوما ما ولن نترك ورانا سواء أعمالنا
سادسا وأخيرا/ ابو زوجك (عمك) بالعكس هو ما قالك هالكلام الا لان شاف قلبك طيب وحبوبه شوفي أبوي احيانا يتكلم ع وحده من حريم اخواني لأنها طيبه وأخلاق معنا وعارف قلبها م تزعل وهو بالعكس يحبها اكثر من حريم اخواني الباقيات لانها م ترد عليه وتساعده وتعطيه علاجه ودائم مكرمها بس انه يقولها كلام أنا بنته ازعل بس زوجة اخوي ماشاءالله عليها م تزعل عليه تقول في مقام ابوي وله الأحترام وف الأخير هو ابو زوجك بمقام أبوك لأيلعب فيك الشيطان وتروحين تقولين لولده وتشكين من ابوه يعني وش تبينه يسوي ابوه حتى لو قاله يا أبوي زوجتي تتضايق ما راح يغير شي دام انه كبير ف السن اعذريه واحتسبي الأجر
وممكن لو أعادها مره اخرى ماعليك الا (تبتسمين وتقولين ياعمي الله يخليك لنا هذا من طيب اصلنا وأنتم راعين الطيب وتستاهلون كل خير )وابتسمي وقومي ولا تحسسينهم بأي شي بالعكس خليك عفويه معهم وصدقيني لو اخذتي بكل نصيحه كتبتها لك راح تكسبين ثلاثه بإذن الله( ربك ..زوجك.. أهله )

أدعو لي من قلب وفي صلاتكم

(يارب ان كان الحمل خيرا لي فلا تحرمني الحمل والذرية عاجلا غير آجلا )أمين يارب