عنوان الموضوع : زوجي طفل كثير النوم -تم الاجابة
مقدم من طرف منتديات نساء الجزائر

زوجي طفل كثير النوم



أنا عمري 22 سنة و زوجي أكبر مني بـ أربع سنوات و صار لي متزوجه حوالي 6 أشهر
و بالرغم من أنه اكبر مني أحس أن انا اكبر منه بكثيييير و السبب هو دلال أهله
و الله ما أبالغ اذا قلت لكم طفووووولي جدا و انا ابي رجال ما ابي اعيش مع طفل
تخيلوا كله يا نايم يا يلعب في هالقرف ( البلايستيشن ) و الدوام بحكم انه يشتغل
في محل أبوه وربي منعم عليهم فـ يوم يداوم و عشرة لا و بس غاوي مقالب و مزح و مثل الأطفال و أكثر و حتى يجلس ينرفزني و يسوي حركات اطفاااااال تقهر!
و بعد ما يعصبني و ينرفزني يجلس يحضن فيني و يبوسني ويقول لا تزعلي امزح امزح
و طول اليوم نايم فعلا نومه مو طبيعي و ينام بكل مكان وين ما اروح القاه نايم .. على الأرض .. و مرات على الطاولة .. عادي ممكن ألقاه بالحمام نايم !! ><"
الي يشوف شكله و طووووله و عرضة ما يصدق أفعاله و الله انخدعت بالشكل أيام الخطوبة
غير الأكل الي ياكل و يرمي و يوسخ و انا شغلتي أنظف وراه والله كأنهم جايبيني له مربية مو زوجة والله الحياة صعبة معاه الوقت الوحيد الي احسه فيه انه رجل وقت العلاقة الجنسية ولا بعد أول ما يخلص من بعد كل الرومانسية و الكلام الحلو يناااااام علطول و صوت الشخير لآخر الدنيا و الله خلاص احسس كل شي منه صار ينرفزني بالبداية الزواج
و شهر العسل عادي قلت يعني يتدلع علي وين المشكله بس يعني خلاص طفشت والله العظيم و أكثر من ألف مره ناقشته في الموضوع و أقوله متى بتعقل و تصير رجال مثل باقي الخلق أقوله يروح يداوم مو كله جالس بالبيت لا شغله ولا عمله و بس اتكلم في الموضوع يقعد يستهبل و يبوس راسي و يقول ان شاء الله يا عمتي و مدري وش يسوي و يضحك او يسوي نفسه زعلان او يسحبني للغرفة...
والله فكرت أطلب الطلاق لكن أنا مو كذا ولا تربيت أهلي لي كذا يعني هذا نصيبي و ما ابي اصير مطلقة .. ساعدوني وش اسوي معاه لعل و عسى يعقل؟؟

>>>>> ردود الأعضـــــــــــــــــــاء على الموضوع <<<<<
==================================


شكله من النوع الطيب وعلى نياته

اصبري عليه ويكفيك منه أنه يراضيكي ويبوس راسك

اتذكري منه الشيء الجميل وانشاء الله يحس بالمسؤليه أكثرمع الأيام


__________________________________________________ __________

اصبري على قردك لا يجيك اللي اقرد منه


__________________________________________________ __________

^

هههههههههه والله حكمه جميله

بصراحه احسك جديه نفسي ومحب الهبال الا بوقته

انتي تعودي على ذا الشي واستانسي معه
هو في كبر وليس صغر يعني في امل يثقل
مرده بيمل من حركاته ويستعدل
هو يستهبل ويضحك احسن من اللي يضرب ويهين ويستفز
هو بيدك الحين هنيئآ لك
يارب زوجي يصير بيدي مثلك ماشاء الله
خليه كذا واستانسي
ليه العصبيه والنرفزه
الجديه والثقل والرسميه خليها لاماكن التعليم او اجتماع او مكان مو وقت خبال
ربي يووفقك


__________________________________________________ __________

اذا كان كالطفل فهو كالعجينة في يدك حاولي ان تغيريه بالتدريج وبالنسبه للنوم ابحثي عن الاسباب قد يكون مريض بمرض النوم او ان نوع الاطعمه التي يتناولها تسبب النعاس اونقص فيتامين c يسبب الخمول جربي ان تعطيه المشروبات الطبيعيه التي تنشط الجسم مثل عصير الليمون والبرتقال والجريب فروت والقهوه ايضا لاتنسي اقراي معه اذكار الصباح والمساء واكثري من الاستغفار واقراي معه ايضا اذكار الطاقه والنشاط وهي ان تسبحي الله وتحمديه ثلاث وثلاثون مره وان تكبري الله اربع وثلاثون مره عند النوم وفقك الله واصلح لك زوجك


__________________________________________________ __________

احمدي الله والله حسيت انه هذا شئ جيد زوج يضحك ويلعب ويمزح ويراضيك طول الوقت ماذا تريدين اكثر من ذلك
وانا اريد ان اخبرك ان زوجي فيه بعض هذه الصفات انه ينام مثلا في اي مكان واحيانا اتكلم بجدية وهو يضحك واحس انه لا يبالي بكلامي بس عموما احسن بكثيييييييييييييير من اللي يعصب ويضرب من كلمتين
تخيلي لو تزوجت ذلك الذي يقول بانه رجل ويضرب ويصرخ ويخون ولا يبالي بمشاعر زوجته كيف ستكون ردة فعلك