عنوان الموضوع : عروس متورطه -لصحتك
مقدم من طرف منتديات نساء الجزائر

عروس متورطه



السلام عليكم ورحمة الله

كيف الحال

الله يوفقكون امانه تنزلو مشاكلي
ما بعرف من وين ابدا هي كم مشكله داخلين في بعض بس انا خطبت و انكتب كتابي لكن فيني تردد وعدم قناعه ما بعرف شو سببها الرئيسي خطبني صديق الي و هو صديقي الوحيد وعرفتو بس من تلت سنوات بس ما كنت شوفو اكتر من صديق ولما خطبني استغربت كتير لانو حتى ما جاب الي سيره وما بعرف وقتها ليه وافقت وصلت استخاره كتيره وشفت حالي موافقه
انا انسانه كتير هاديه انيقه ورسميه مع الكل ونظاميه وعمليه وصريحه وما بحب اختلط بالناس كتير ومابعرف جامل ومابحب كلام البنات المعسول زي حبيتي حياتي عمري وهادي القصص حتى من صاحباتي
وما عمري حكيت او صادقت شباب الا هو خاصه انو ابوي توفى وانا صغيره وما كان فيه رجل بالعيله يهتم النا حتى عمنا
وحتى بالجامعه لما كانو الشباب يتغزلو فيها ويعبرو عن مشاعرهم كنت اقرف منهم

وانا استغربت من شدت تمسك خطيبي فيا لاني ماتوقعت في يوم يفكر فيني كزوجه خاصه انو هوكان يعجبو البنات الي فيهم مايعه والي بحبو الرقص ولبسهم كتير معرى وفرفوشات وهيك

مو متلي حتى امو حكلتلي انا توقعت ابني يتزوج بنت نفس عارضات الازياء هدول الي كلهم ميك اب و تصنع
مو متلك بنت هاديه وناعمه وفيك رقي وبتوقع هاد الي حببو فيك


المشكله وين هلا انو هو بفترة كتب الكتاب بحكي اوقات تعليقات سخيفه ع جسمي او هيك مابحبها بحس عيب يحكي حتى لو مكتوب كتابنا

ودايما بقلي انت ما بتتجاوبي معي كانك لسا في منطقة الصداقه حتى ما بتهتمي لشي ومابتحي تطلعي معي وماحتى المسك ما بعجبك او احضنك وانا تعبت وانا بحاول فيك وانا مابدي تكوني هيك بعد الزواج بدي تتفتحي اكتر

انا بشوف انو الحب بكون بالافعال اكتر من الاقوال لانو كتير بنات بحكو كلام معسول ومع هيك مابتكون تحب بجد وتعاملها سيء بس انا مو هيك ومابعرف اتعامل بهالاسلوب معو
وغير هيك مافي كون جريئه
انا بنت من وعمري عشر سنين وانا كل حياتي بين نسوان كيف بدي هيك صير جريئه بالمره معو هو مو راضي يتقبل هاي الفكره وهو شايف انو خلص انكتب لكتاب كل شي عادي نعملو

وكمان عندي كم استفسار تاني انا قرات كتير بالانترنت عن ليلة الدخله من ومواقع شريعه بس مافهمت كل شي وفيه كتير لخطبه والله بجد فيه اشياء مو فاهمه كيف وكل ناس بتحكي شكل
وبفضل أسألكون انتو
هل بس اكتفي بازالة شعر المناطق الحساسه والذراع و الساق والا لازم شيل شعر جسمي كلو حتى الصغير الخفيف ؟؟
ليلة الدخله انا مو حابه تصير من اول يوم بفضل بعد شهر حتى مو اسبوع كيف فهمو هالشي ؟
شو لازم البس ؟ وشو لازم اعمل وهل لازم اتوضى واصلي قبل الجماع ؟ او كيف بصراحه وهل بنتهي اول جماع بعد فض غشاء البكاره او لازم يكمل انا كتير مستحيه اسأل ماما انتو اهون بكتير

بعدين لازم اسمح كل الميك اب وفك التسريحه او لا ولازم اتحمم او لا وشو الاشياء الي لازم اخد احتياطاتي منها وما اعملها
وشو الاشياء الي لازم اعملها واوفرها والاشياء الي لا
هلا انا جهزت تقريبا نصف الجهاز بس بجد في اشياء بدي افهمها اكتر و اعيها اكتر

وبصراحه انا هادي الاشياء مخوفاني وبحس اني ورطت نفسي بالزواج ومرات بفكر اترك خطيبي او ااجل مابشوف نفسي زوجه انا بحب الدراسه والشغل مابحب هادي الاشياء



>>>>> ردود الأعضـــــــــــــــــــاء على الموضوع <<<<<
==================================


حبيبتي الزواج فعلا ورطة بالنسبة للي نفسيتها مش مستعدة ومش متقبله حياة المسؤولية والشراكة في كل شئ لماذا لم تاخذي وقتا كافيا للتفكير قبل الموافقة ..
انصحك تأجلي الزواج حتى تصبحي مرتاحة اكتر ومقتنعة اكثر


__________________________________________________ __________

حبيبتي صليتي استخارة أرت حتي ولالا كمان لازم تفهمي مشاعرك هل بتحبيه هل خجلانة منو هل مو طايقتيه لازم تشوفي حالك انتي شو بدك ومدام انو منيح لا تتركيه اول علا اخر هتتزوجي بعدين في فترة الخطبة لا يحق له كل شي لا تعطيه وجه كمان ليله الدخله صلي انتي وهو وأدعي ربنا ييسرلك كل خير كمان بعدين تتفاهمو عالجماع هاد شي من نفسو بقرر شهر كتير يستناكي بالنسبه لشعرك خلي عريسك يساعدك بفكه بيتسلا ههههههه كمان بتاخدو علا بعض شوي شوي خليها للتساهيل ولا تخافي وربي يتمملك علا كل خير ويوفقكن وألف مبروووك حبيبتي


__________________________________________________ __________

ربنا يسهل امررك


__________________________________________________ __________

حبيبتي لامور ابسط من هيك بكتير من ناحية لمس واحتضان وهالقصص

في حال صليتي لاستخارة خلص مافي شي بخوف

بالنسبه لليله لدخلة في ناس بتصلي قبلها ركعتين وفي ناس لا انا بصراحه نسينا نصلي قبل لدخلة

وماضروري ينزل دم فورا وفي اشخاص مابينزل عندن ابدا

وانا برأيي تحاولي تتجاوبي معه شوي شوي لان هيك رح تكون اسهل عليكي بعد لزواج من خوف وخجل وهالقصص

وقت تقربو لبعض اكتر ما رح يصير عندك مشكلة بالدخلة
انا برأيي انو ما حلو تطولي كل هالفترة للدخلة هي احلى شي اول يوم او تاني يوم

واي سؤال ع لخاص انا جاهزة


__________________________________________________ __________

أختي يتصل بك زوجك أو يلقاك مهموما متعبا يتلهف على البسمة منك والكلمة منك والحنان منك وأن تهوني عليه أعباء الحياة وما أثقلها عليه بدونك أنت فلا تجعليه ينظر إلى أجمل منك فتجملي له وتعرضي له بحسن الحيل والتلطف حتى لا يحب النظر إلا إليك وأحبيه حبا عظيما فلا يستغني عنك ولا عن حبك له وأسعديه بنشاطك وظرفك وبهجتك حتى لا يحب فراقك ووفري له الراحة وسبلها حتى لا يحتاج من الخلق سواك وأسمعيه أطايب ما يشتهي من الحديث عنه وما يحب الرجال سماعه من النساء فلا يدرك غايته ويحس برجولته وأهميته إلا أمامك أنت فيستغني عن كل النساء بك.
إحرصي على زوجك الذي لم يطلب إمرأة في الدنيا غيرك وسعى إليك وعمل من أجلك وعاش لك ويود أن يعيش بك بدون غيرك وانشغلي به دائما وانتقي أطايب الكلام له وتهيؤك له وحسن مظهرك أمامه وإشراق وجهك وعريض تبسمك.
استقبلي زوجك بصدر منشرح وعزيمة قوية ونفس فتية ندية وثابة فيها إقبال الحياة وإشراقها وتفاؤلها وبركتها وسعة الصدر وإستثمري الوقت والعمر والإستمتاع به