عنوان الموضوع : تغيرت كثييييير ما أدري وش السبب -تم الاجابة
مقدم من طرف منتديات نساء الجزائر

تغيرت كثييييير ما أدري وش السبب



السﻻم عليكم ورحمة الله وبركاته
أنا مشكلتي ما أدري صراحه من وين أبدأ أنا بنت عمري 22 متزوجه و عندي بنت لسى صغيرة عمرها 6 شهور مشكلتي أحس إني متغيرة ماني مثل اول اضحك استهبل انكت مع الناس إللي كنت قبل معاهم زي كذا والله مﻻمح الضحك ما عاد اقدر اضحك من قلب حتى الناس يستغربوا مني يعني وحده تسةلف معي والسالفه تضحك وهي تضحك مرا و أنا و ﻻ أي تفاعل احس كذا بيكرهوني و يبتعدون عني أحس إني معد ودي اجتمع مع الناس لما تصير جمعه عند احد يجيني قلق اتوتر مرا افكر كثير إذا رحت وش بقول عندهم وش بسوي و هم كيف بيشوفون تصرفاتي و مرا اقول ماراح اروح ما كنت قبل كذا حتى زوجي يزعل مني لما تصير جمعه إسبوعيه عند أهله او تمر وحده من خواته عند اهلها يقولي انزل طبعا أنا ساكنه فوق اهل زوجي والباقين من زوجات إخوانه ساكنين كلهم مع بعض بعمارة وحده بس هو إللي من أخوانه ساكن مع اهله وهو اصغر اخوانه أنا ماكنت كذا أنا اول ما تزوجت و دخلت بذيك العايله ماخذين فكرة عني الجريئه الحبوبه إللي تسولف حتى الأطفال يموتون فيني دايم العبهم وتسولف معاهم حتى لو ما جيت يقول لي كل الصغار عيال اخوانه و عيال خواته وين عمة وين خاله يقصدوني أنا ما أدري وش إللي غيرني حتى مع اهلي و أختي شقيقتي كنا دايم سواليف مع بعض لمل نجتمع ننكت ومرة هي كانت تسولف معي و تستهبل تعرف الأشياء إللي نضحك عليها سوا و تقولي السالفه على إني بضحك و ﻻ اعطيتها اي تعبير حسيت إنها طفشت مني حتى كانت جايه عندي تبي تسهر وتسولف معاي قالت خﻻص زوجي ينظرني بروح بيتي شوي تعبانه أنا اعرفها لو مبسوطه عادي تقعد و نفلها صرت مرا اكره تصرفاتي ما أدري كيف تجيني والله غصب عني مو قادرة اتفاعل مع الناس و اصير مثل اول حتى عندي خواتي من ابوي يجون مسافرين عند ابوي و ﻻ اقابلهم و ياخذون بخاطرهم بس ما يقولون مع إنو قبل ما يجون الرياض إﻻ ﻻزم نتقابل و نسلم على بعض أنا بالجوال اسولف مع الناس و ضحك و إستهبال بس مو قادرة اسوي كذا ع الواقع صرت افكر بالموت كثير و احس الحياة معد لها طعم اقول بنفسي باقي الناس عايشه و تزور بعض و تسولف مع بعض و تضحك ﻷني أنا مو كذا مشكلتي غريبه حتى أنا مستغربه من نفسي ليش أنا كذا ما كنت كذا قبل زمان لمل كنت صغيرة كان فيني نسبه خجل من الناس بس بطريقه مقبوله يعني اسولف مع الناس إللي ما مون عليهم و إللي امون عليهم ضحك و إستهبال الحين احس نفسي لما اناظر نفسي بالمرايه وجهي فيه بكيه و أي احد يسولف معي تتغير مﻻمحه مثلي و أنا مو عاجبني هذا الشي ﻷنهم معد يطالعون فيني لما يسولفون واضح بنظرتي قلق و توتر صرت اكره اي مكان اروح له بشبب هذا التصرف احس إني مو مرتاحه بحياتي لهذا السبب مع إن زوجي يحبني و يموت فيني و الحمدلله صاى لنا سنتين ما بينا مشاكل و مرتاحين مع بعض و أهله عﻻقتي فيهم كويسه و يحبوني و أهلي كمان يحبوني و أنا بالنسبه لهم البنت المثاليه على كﻻمهم و ﻻ احب امدح نفسي بس ليش صار لي هذا الشي فجأة مع كل الناس ما أدري إذا كتبت الموضوع مرتب بس اهم شي يوصل شي بسيط من إللي بداخلي وش تنصوحوني ..

>>>>> ردود الأعضـــــــــــــــــــاء على الموضوع <<<<<
==================================


ممكن صارلك موقف من قبل أثر عليك، دامك قلتي انك تقعدين تفكرين وش بيقولون عنك ووش بيصير واحيانا ماتروحين ممكن جالك عين او فيك رهاب اجتماعي بنسبة قليلة


__________________________________________________ __________

رفع
الله يكون بعونج


__________________________________________________ __________

حبيبتي يمكن قلق أو شيء لا تفكري أنه عين وما أدري أيش مشكلة هالشعب كل ما صار شيء قالو سحر عين حسد يا أخي ندري أنها حق بس مو لهدرجة فكرو شوي وصلت أنه تكح البنت قالو محسودة المهم ما أبي اطلع من الموضوع مشكلتي إذا فصلت هههههه..

إسمعي أختي يمكن أكتئبتي من موضوع أو شيء بس حبيبتي الانسان صح لازم يراجع و يعيد الحسابات مع نفسة ويناقش إش سوى بس إذا زود الانسان فالقعدة لحاله يوصل للجنون ما أبي اخرج من الموضوع بس حبيبتي لازم تخالطي البشر وترجعي مثل قبل ما فيے شيء يستأهل ولا تتعبي تفكيرك وتقلقي وتوتر والحالة حاالة لا عادي خليك ؤفكري بالإيجابيات وحبيبتي لا تنسي ألاذكار ترى مفيددة كثيرة ؤانتي بسسس ابعدددي عنك الوسسواس وبسس أتمنى أفدتك تقبلي مروري


__________________________________________________ __________

نفس شعوري تماما زي كانك تحكي عني بس انا بعد اسباب كتير صرت زي هيك من كتر ما الناس اذتني اجل اذتني بس حسبي الله ونعم الوكيل


__________________________________________________ __________

لآ تهتمين حبيبتي يمگن قلق أو شيء شاغل بـآلگ
خالطي الناس و أبتسمي و لو مجاملة و تفاعلي من جديد
و حاولي تغيرين هالشـيء اللي مو عآجبگ في نفسگ
وأن شاء الله راح ترجعين مثل قبل و أحسن ..