عنوان الموضوع : أمّي !!! -تم الاجابة
مقدم من طرف منتديات نساء الجزائر

أمّي !!!



السلام عليكم يا بنات


الموضوع اتوقع وضح ؟
والحين خلونا ندش بالمشكله وهي من ناحيتين !

امي ف هالسنوات الأخيره تغيييييييررت حييييييييلل حيل... صايره مدري شلون! مو مثل قبل كانت هاديه/ تفهمنا بسرعه/ بشوشه/ تساعدنا عادي بكل شيء -تساعدنا بالبدايه والباقي علينا - ... الحييييييين! صايره تحسسنا إنها المرأه الذكيه والفرفوشه وإلي تعرف ترد وتاخذ حقها وتتفلسف بزيااااده وتنرفززز بشكل!! وعصبيه حيييييل وتجرح!!
بقولكم سالفه قبل كم شهر صارت يوم رقدت خالتي بالمستشفى ويوم رحنا ووصلنا قالت امي اننا لفينا المستشفى كله وبالعافيه وصلنا :| جات خالتي قالت: كنتي قلتي لزوجك يتصل على زوجي ويسأله؟ جات امي: والله قلتله وقال كيفكم انتوا دوروا واسألوا وانا بروح محل واجي.. جات امي قالت: وقلتله يعني اتصل مثلا على زوجها واقوله وين أختي؟ (انتم ممكن تشوفونه عادي لكن لأ ..لان امي تحب هالشخص الي هو زوج خالتي لكن القضاء والقدر ) وخالتي يوم سمعت سالفته ضحكت وصرفت الموضوع عني والدراسه ووو.... واحسها منجرحه من جراءت امي لما تتكلم عن زوجها (ومو اول مرة وامي دايم تسوي انه كلام عابر وخالتي تحز بخاطرها وتسوي انه عادي والأخص يوم تضحك امي على سالفه فيها هالشخص!!!) ... وبعد عند خوالي احسهم ملو من امي صايره استغفرالله مدري شلون.. احسهم مستثقلينها شوي وهي مصدقه عمرها ×( ، وماتهتم لمصلحتنا ولابمشاعرنا يوم نقول لاتقولي احد اني كذا مثلا او سويت كذا تقول عادي ماتحسسسس انا مابي احد يدري ليه تعاندني وتفشلني!!!! ويوم مثلا أسألها وش صار امس مع جدتي وكيفها تقوم تلف وتدور وتقول مو ضرووري تعرفون!! هذي مو عادتها مدري وش فيها والمشكله الاكبر يوم تروح مكان وما أسألها تقول غريبه ما سألتي ويوم اسألها تقول لقافه!! احيانا اسايرها واسلك لها لكنها ماتخبرني بكل شي كلمتين ومن هالكمتين تحسسني بشي مدري شلون مب قادره اوصلكم الاحساس لكن مو مثل قبل عادي ترد ونسولف

الشي الثاني ابوي الي صار مثل الي يستغلها!
بصفه عامه صايره على كل كلمه يقولها أبوي تقول سمعًا وطاعه وكأن مالها رأي ولما تتناقش معه ماتحاول وتقول لأمايعجبني لاااا تتم ساكته وهذا يقهر صراحه وأبوي اذا قلها مثلا عصبي على البنات تقوم تقلب الدنيا فوق تحت!!! وصرااخخ وبصراحه هذا يزعجنا وااااايد ولانقدر ولابيدنا شي يعني المفرووض تجي برويّه وتقول ايش رايكم تنظفوا -مثل زمان- مو تقلب علينا !!
واذا ابوي مو عاجبنه التمشيه هنا تواافق على طول واحنا نحاول يابوي نبي هنا ونتمرجح وكذا وهو يقول لأ وامكم بعد مو موافقه :@
حتى بعد لما نبي نغير مثلا شي بالبيت وامي قالت رأيها يجي يقول لأ مو حلوو!! والله بالعكسسس مره حلو وناعم وكل البيت على ذوق ابوي الرجالي الرسمي والله شي يقهررررر وش ذا ليه كذا
وعلشان تكونوا ف الصورة ترى نحاول احنا ونقوله نبي كذا ونترجاه يقول امكم موافقه بكيفكم انتم!! رفععععععع ضغطي وشبهم االفتره الاخيره كذااااا تععععععععبتتتت منهم متضايقه حييييييييل من الوضع ×(((

وابي اساعد امي وافهّمها الوضع الي صاير بطريقه حلوة ...رسايل مثلا
عن (كيف تتعامل مع زوجها وانها تقول رأيها وايش يعجبها ومو كل مره تسمع كلامه -يعني مره لما كانت تبي تغير جوالها وببالها شي قام قلها لأ وجاب لها نوع ثاني وفوق هذا اسود!! وامي اخذته لكن مو من قلبها واعرفها انا لكنها شكرته ... وزينا زيكم لوطلبتم شي وجاب ثاني اكيد بتحز فيكم شوي) (وعن شخصيتها وانها ماتتسرع وتكون رزينه ولاتسوي قدامنا الذكيه الفالحه وهي بموقف لايحسد عليه) ابي مثلا افتح جوالي على هالكمتين تقراهم او حتى واتس اهم شي تستوعببب ... امي وأبغى مصلحتها

>>>>> ردود الأعضـــــــــــــــــــاء على الموضوع <<<<<
==================================


الله ييسر أموركم يارب


__________________________________________________ __________

الله يفرجهاعليكم انشالله


__________________________________________________ __________

صدقيني أمك أعلم منك بطريقة تعامها مع أبوكي ممكن تنصحيها بشكل لطيف


__________________________________________________ __________

حبيبتي لو ي محلك ما بتدخل , خليها في حالها , اهم شيء انج تبرينها وبس , والباقي مو شغلج ,, ادعي لها بلهدايه وصلح الحال ,
والله يصلح حالج وحالها ان شاءالله يارب العالمين


__________________________________________________ __________