عنوان الموضوع : ورم حميد في الراس واخوي راح يضيع
مقدم من طرف منتديات نساء الجزائر

ورم حميد في الراس واخوي راح يضيع



السلام عليكم ورحمة الله وبركاته . اخواتي راح ادخل في الموضوع على طول بدون مقدمات ويارب الاقي حل عندكم . انا عندي اخوي حب بنت وطلب يتعرف على اهلها عرفته البنت على امها وكانت رافضته من البداية عشان وضعه المادي لانهم من عائلة غنية ومعروفة في البلد . لكن اخوي من كثر مايحبها ومتمسك فيها حاول الين اقنع امها فيه وانه يحبها . ولما شافته كيف متمسك فيها اقتنعت ولان اصلا البنت تحبه كثير ومتعلقه فيه . كان يكلم امها ع اساس تعرفه ع ابو البنت لكن كانت تقوله انه دايما مشغول ومسافر لكن هيا فاتحته بالموضوع وقال لها انه ماعنده مانع وبكيفها تتحمل مسؤولية اختياراها ماتجي بكره تشتكي منه وانها ندمت على الزواج منه !! استمر هالكلام سنه تقريبا ويوم قرب يصير الزواج تعبت البنت فجأه واستمر تعبها لفترة وبعد ماكشفو عليها طلع عندها ورم حميد في الرأس بسبب عين صابتها وهيا صغيره . وهالورم يسبب لها صداع قوي ودوخه واستفراغ ويغمى عليها ونسبة نجاح عملية استأصاله مره ضئيله . وقال الدكتور انه فيه امكانيات في المستشفيات اللي برا افضل من هنا في السعودية لكن البنت المشكله انها ممنوعة من السفر بالطائرة عشان الورم يسبب لها هبوط في الضغط . المهم جلس اخوي معاها مايقارب خمس سنوات !!! وكان حلقة الوصل بينه وبينها الجوال ومن ثقته فيها وحبه لها ماطلب عنوان بيتهم ولا شئ لانه كان شايل هم مرضها قبل كم شهر تعبت البنت زياده وقررت امها تعمل لها شئ لو اي مايكون لو تسفرها بطيران خاص لكن البنت رفضت الا تتزوج اخوي وبعدها يسافرو عشان يكون جنبها لان وجوده جنبها اصلا كان هو اللي اعطاها الامل بعد الله . تخللت القصة هذي احداث كثيرة وغريبه حتى ماتصدقوها لو احكيها لكن اقسم بربي ان كل اللي قلته صحيح ولو احكي كل شئ ماراح اخلص . قررت امها تعمل حفلة زواج صغيره عشان تتزوج اخوي عشان يسافرو ويوم جاء الوقت اللي اخوي بيقابل ابوها انقلب فجأه عليه ورفضه رفض نهائي حتى من قبل يقابله والسبب كان يعاند زوجته لانه بينهم مشاكل ولانه اكشفت انه متزوج عليها وحده قبلها وماعرفت الا قريب !! وبدت رحلة العذاب والضحية البنت واخوي . وكل مالها والبنت تتعب اكثر وحالتها تسوء . يوم شافت امها الوضع كذا قررت ترفع دعوه على ابوها بحجة انه مو راضي يزوجها عشان تسافر تتعالج ولانه رافض اخوي بدون سبب مقنع عشان ماعنده فلوس وهو موظف عسكري بس . اخوي تضايق من الفكره لانه مايبغاها توصل لهالمرحله ومايبغى يحرم بنت من ابوها لانه احنا ايتام وماما وبابا ماتو ونعرف قيمة هالشئ وانه يكون اهلك عايشين بس محروم منهم ! وكلم البنت وامها قبل مايعملو هالشئ ويرفعو الدعوه وقال لاتسوي هالشئ بكره تندمي عليه اذا ابوك مصر خلاص روحي له وخليني اموت بعدك .. قالت لا انا اختارك انت دام هوا يشوف حالتي كذا ولاهو راضي يعالجني ولا يخليني اتزوج عشان تكون انت معاي . وفعلا رفعو الدعوة وكسبتها ام البنت وصارت الولاية لأخوها الكبير . حددو موعد الزواج ثاني العيد ( عيد الفطر السنة اللي راحت ) وفي يوم 17 رمضان كان اخوي يتصل عالجوال تبعهم مقفل ويشوف وقت الظهور في الواتس على نفس الوقت والتاريخ والمصيبة مايعرف لهم عنوان او وسيلة غير هالرقم !! ومابغى اقولكم اش صار فيه الله الشاهد انه كان راح يموت بين يدينا لانه مو متعود البنت تغيب عنه نص يوم وغير كذا هيا متعلقه فيه كثير وهو لها كل شئ وياما ضحى عشانها وصبر وهو محتاج الزواج والاستقرار . اخوي الحين الله عالم بحاله وجالس يبكي طول الوقت كل ماتذكر اللي صار وكيف بعد كل هالصبر يختفو كذا وبدون حتى يخبروه لو من بعيد . عمل كل شئ عشان يوصل لهم كانهم فص ملح وذاب . مو عارفه اش نسوي لأخوي جالس ينتظر من رمضان ويقول راح ترجع البنت راح ترجع واحنا نقوله لو بترجع ماراحت كذا وماالغو الجوال نهائي !! والمصيبة انه تركت شغله قبل موعد الزواج عشان يخلص الاجراءات تبع الاوراق ويعدل مهنته عشان يقدر يسافر !! والحين لا عمل ولا روح وعليه دين في البنك لانه طلع قرض عشان يدفع مهر البنت !! اخوي راح يموت من بين يدينا اش نعمل له ارجوكم دلوني مو راضي ينسى هالشئ وغير كذا مصدوم من اللي عملوه فيه بعد كل اللي سواه عشانهم وعشان بنتهم وكيف في النهايه يتركوه كذا ............. ارجوووووووووووووووكم طلعو موضوعي اررجوكم الله يفرج همكم

>>>>> ردود الأعضـــــــــــــــــــاء على الموضوع <<<<<
==================================


والله اختي ما لي غير دعاء

الله يعينه اخوكي صج الدنيا ما لها امان ومو لازم نثق بأي واحد

قولي لأخوج انو البنت باعك وتركتك وانت كمان بيعها مثل ما هي باعك

الله يهديه موفقة


__________________________________________________ __________

حاولي تقولي له ان البكاء و الندم ما ينفع يعتبر إلي صار درس من دروس الحياه و حاولي تخليه يسمع لإبراهيم الفقي أو يقرأ له خصوصا كتاب قوة التحكم في الذات ممكن يخرج من إلي هو فيه الله يهديه


__________________________________________________ __________

لاحول ولاقوة إلا بالله حسبي الله ونعم الوكيل
اولا اختي التمسي للبنت الف عذر دام اول شئ امها وقفت بوجهها وبعدين اقتنعت بعدين ابوها ورفعو عليه قضيه ماتدرين يمكن الحين أخوها قطعها عنه لسبب انتو ماتدرون عنه ماتدرين مثل مأخوك تعبان فراقها يمكنها هي اكثر لان حالتها صعبه ثانيا اكثري من تشغيل القران حتى لو هو يبكي وبحميع حالاته لان القرآن مريح بعدين اختي اجلسي مع اخوك دام امك وابوك متوفين الله يرحمهم يآرب وشوفي مطالبه وقولي له ماتدري ان البنت تعبانه اكثر منك وكمل شغلك ودينك ماندري يمكن ربي يرزقك وترجعون نفس أول لاكن اذا رجعتوا على الاقل خل ظروفك متحسنه اعطيه امل وصبريها والله يأختي محد مرتااح الله يعين ومهما كان اختي احنا مانقدر الا نواسيك بس اذا يعرف اسمها كامل يقدر يدق على الاستعلامات او اذا يقدر يروح للمستشفى الي هي فيه اذا لها موعد جاي يوم كم يعني متى ومدري الحين يمكن صعب تعرفين لاكن الدنيا صغيره حتى لو هي البنت سحبت على اخوك ربي بيرد لها بدل الصاع صاعين
اتمنى افدتك


__________________________________________________ __________

ككككييف ما تعررففوووا بيتهم او عنوانهم ططوووول هالسنييين؟؟؟
اين كانت تتم المقابلات والخطووبة؟؟
مستحححييل
عجيييب!


__________________________________________________ __________

وعليكم السلام ورحمـة الله وبركـاته

أسأل الله لها الشفـاء وأن يمدها بالصحة والعافيـة
ويوفق أخيكِ لما يحبـه الله ويرضاه