عنوان الموضوع : لو سمحتن بنآت ..!! مجابة
مقدم من طرف منتديات نساء الجزائر

لو سمحتن بنآت ..!!



سلآم عليكم ..

شخبآركن بنآت ..!!

اممم ببدي ع طوول في موضوعي !!
طبعا ان اغلب ما يصير اليووم هي علاقات صح !
وانا وحده من ضمنهم !! لاني عن جد محتاره شو اسوي !
طبعا عمري 17 سنة !! وتعرف ع شااب انزين لكن هو ما شاء الله عليه ادب واخلاق
يعني سالفه اني يخوني هاي مو متوقعتنها والله وربي ان احسسه صآدق معاي في كل وفي كل كلمة وجمله ! اقوول شي يلبي لي ع طوول !! وحتى هو قال لي يريد يخطبني لكن مستحيل يصير سنوات عديده لان تو هو عمرة 18 سنة ! فيقول لي بجي اخطبك مستحيييل راح اروح لغيه كذا كان كلامة ونفس شي انا براسله ع فوون ويتصل فيني كذا مرة وفي مرة رسلت صوري له !! وللعلم هو حلف ان ماسحهم يعني ذك سنة رسلت وهاي سنة يريدني ارسل بس انا مو راضية !! يعني هو يحبني حيييل مو كذب والله حسيت بكل افعاله
وحتى حاولت اني ما راسله في يوم واحد ما قدر شو اسوي والله اريد اتركه بس خايفه والله من نفستي شو راح تكوون ما دام اني تعرفت عليه وحبيته وما دام هو يريدني !!
يعني تو اريد افهم في احد هوون متزوج نتيجه العلاقات ؟! وتعرفن حد !
اوك اذا تعرفن كيف حالهن ! في شكوك ومشآكل ولا !!
اريد حلول لاني وحدي مو عارفه شو اسوي
ونفس شي بدايه فصل 2 قرب وانا لحين في 12 !! يعني سنة مصيره
شو اسوي؟!
ملاحظة : انا مو عندي عضوية فهذا منتدى فأي وحده تريد تقول شي ترسل هوون مبآشرة وشكرا ع قرأه

>>>>> ردود الأعضـــــــــــــــــــاء على الموضوع <<<<<
==================================


الله يهديك..مستحيل يجي زواج عن طريق العلاقات ..وعلى فكره الشباب اللي يسوون كذا مستحيل يتزوجون وبيقعد يشك طول عمره فيك..انصحك لوجه الله ..انك تتركي العلاقات والمكالمات وغيري شريحتك .. بعدين بتعضي اصابع الندم..
وهذا اللي تسوينه..حررررررااااااااام..ولاتضيعي شبابك في هاذي الامور والشغلات.


__________________________________________________ __________

هو في يزوجزن عن طريق العلاقات بس قليل جدا جدا والله ما اعرف شنو اكولك بس الله يختار الصالح


__________________________________________________ __________

بقولك شئ وحطيه بذنك الي تبدي علاقتك بنت وربي راح تنتهي منه والي بتلفون كمان راح تنتهي من التلفون والي راح تبدي من دق البيت وخطبك هاذي الي ماراح تنتهي وثاني اختي اخلاق هع هم كلهم كذا اخلاق وحنونين بس خليهم يطفشون ولالقى وحده كلامها ولا صوتها حلو والله ليسحب ..
ومثل ممالقاك بيلقى غيرك وصدقيني احنا مانرد ونكتب وننصح الا نبيك تعرفين ان هاذا خطأ ومافي وحده بدت بعلاقه الا وانتهت يكفي انها حرام وانك تكلمين واحد ماتعرفين من وين جاء اصلا .. وحتى لو قالك يكذب وربي يكذب واذا انفصلتوا تعالي تذكري كلامي ورربي شهاد
اللهم اني بلغت اللهم فشهد


__________________________________________________ __________

والله مافي ولد يتزوج بنت كلمها وعرف عنها اشيااء كثيرة
حتى لوو كان الحيااة بتصير دمار لانه اذا كان طريق بالغلط كيف النهائيه
صدقيني يااختي الي يبيك يخااف عليك حتى من نفسه ويتقدم لك بالحلال مو يكلمك وترسلي له صوورك
ويمكن مااحد يعرف
لكن في الله يطلع على كل الامور
لاتخلين الله اهون الناظرين لك
والله لو انه صاادق ويخااف عليك كان طلبك بالحلال
هااذا اهم شئ
انا اكبر منك بسنه وصرت شبه بمشكلتك
لكني اعرف مافي ولد يتزووووووووووووووووووووووووووج بنت يكلمهههههههها تعرفيني يعني عرفتي غيري
اذا كان صاادق خليه يجي ويااخذك يالحلال
الله يبعدك ياارب عن الحرام فعلا اذا دخل القلب حب غير نقي والله تتعذبي انا اقوول لك ذا الكلام لانه نفسي وحاسه بكلامك
افضل حل قوليله يتقدم لك شووفي ردة فعله
يااااأأمهات ليه ماتحسوون بعيالكم عطووهم حنان فهموا عليهم مو عيب
لانه هااذا اسمه نقص عاطفه واذا نقصت الله العالم ايش بيصير
لاتقوولين بنتي كبرت او ولدي كبر خلاص
ماادري عنه هااذا اكبر خطااء
كوني صديقه بنتكككككك والمقربه لهاااااااااااا


__________________________________________________ __________

وانتي صدقتيه؟ يا أختي لو ترسلين له صوره راح يفضحك يمكن فالحسن لاترسلين له ياختي نصيحه لوجهه الله وقولي له اذا كنت صادق بس اخطبني والزواج مؤ مشكله ناجله الى السنه الــي تبي بس اخطبني واذا قالك لا وقعد يصرف ويقولك لا مقدر انا توي صغير نصيحه اغسلي يدك منه ترا هاذي كلها أعذار الذئاب البشريه مستحيل يتزوجك هذولا بس يبون يلعبون بالبنات
انا بقولك تخيلي لو انتي ولد اوكي وتبغين تخدعين بنت وتكلمينها عشان تلعبين فيها كم يوم ثم تروحي لبنت غيرها كيف راح تتعاملين معها هل راح تتصرفين على انك مره طيب ومره حنون واخلاق عشان تكسبينها
ولا راح تتصرفين بخلاق بشعه
اذا كنتي إنسانه ذات عقل فالاكيد راح تختارين الاول صح ولا لا
طيب انا بسالك ليه اخترتي الاول
لان شئ طبيعي اذا كنت او كنتي تبغين تكسبين اي احد
راح تتعاملينه معامله طيــــبهـ صح ولا لا
هذولا هم الذئاب البشريه
عشان يكسب البنت يتعامل معها معامله طيــــبهـ
وانا الحنون وانا الطيب وانا الدين وانا الــي أخلاقي عالي العال ليه سوا كذا
عشان يكسبك وتتعلقين فيه وشوي شوي
يخليك تكرهين الساعه الــي عرفتيه فيها ويدور على ضحيه غيرك
نصيحه لوجهه الله اتركيه والله بيرزق الــي أحسن منه بإذن الله
واصلا حتى لو نفترض انه يحبك وتزوجك
لا تزوجك بيشك فيك ويقول هاذي كلمتني من ورأ اهلها أكيد بتكلم غيري
هذي عقول الذئاب البشريه من الشبااب السعوديين صدقيني
وآخر شئ ودي اذكر لـكـ قصه سمعتها
والله مره سمعة وحده تقول تعرفة ع شاب وكان يقولي انا مقدر اصلي ساعديني ومدري ايش انا أبغى اصلي بس مقدر وهي المسكينه صدقته وآخر شئ فضحها !!! شفتي كيف هم يبغون يكسبون البنت باي طريقه بالطف والين عشان البنت أصدقه وتكلمه بس نصيحه لاتصدقيييين
وآسفه ع الاطاله اتمنى اقتنعتي بكلامي