عنوان الموضوع : مابعد الابتلاء الا فرج الطبيب يجيب
مقدم من طرف منتديات نساء الجزائر

مابعد الابتلاء الا فرج



انا بنت عمري 28 سنه وساكنه بالسعوديه من اصل البحرين

في صغري بدأت معاي مرحله التعاسه والهم و تحديدا ان ابوي قام يضرب امي باي شي عنده
كانت دموعها تقطع قلبي و تخليني اكره ابوي رغم انه ماقصر معنا بشي أبدا ولا يضربنا بس كان يمد ايده عليها و لو يطقنا احنا ماعليه نتحمل بس ما اتحمل اشوف امي تنطق و تقعد على الارض متحطمه بدموعها
حاولت اني اجتهد في الدراسه وانتبه بس ماقدرت تفكيري في البيت واتخيل ان ابوي قتل امي وتفكيري في صديقاتي اللي ما يحبوني يبوني بس مصلحه و دوم يتكلمون من وراي ووقت الفسحه ياخذون مني فلوس لاني صديقتهم ويشترون
لان ابوي موفر لنا على هالحاله اللي نبيه ولو شنو مايمد ايده علينا

انتقلت للثانويه وعلى نفس هالحال ماعندي صديقات ولا اهل يحبوني ولا شي كنت دايم كتومة ولحالي بالغرفه
تقدم لي شباب كثير بس كلهم يرفضوني لشكلي يمكن و يمكن لشي ثاني و هذا النصيب
و مثل ما شايفين تقدم لي سعودي اهله بحرينيين و تزوجته وسافرت معاه للسعوديه وتوقعت حياتي وسعادتي تبدأ من جديد
الا ماخذني اكون خدامه له ولأهله و انا اللي اطبخ واغسل وانظف الحوش و حتى السيارة يدخلها في البيت واغسلها له و بالفراش لو تصدقون من اخذني ما قرب مني يقول لي الخدم محتاجين فلوس وماندري عن بلاويهم حنا فتزوجتك هنا انا انصدمت وحسيت بالف طعنه في قلبي وتحملت العيشه هذي و المهانه وحاولت اقرب من امه وفعلا صدت الهدف وصارت تحبني وتقلل الشغل علي وتوديني وياها السوق و تخليني اشتري اللي ابي و كنت انتهز الفرصه عشان اعدل نفسي و لما تروح للصالون مع بناتها تاخذني وياهم واغير بشكلي بس هو يجرحني ويقول راح تضلين مثل ما انتي مو حلوة جيكره مو حلوة مو حلوة

شعور مؤلم رغم المهانه انك تحب شخص و هو مو حاس فيك
تقربت لربي و استغفرة بكل وقت واخافه في كل الاوقات حتى في نومي و اصلي صلاه الليل و استخيرة بكل الاوقات فجأه تغير الوضع 180 درجه صارت امه تاخذني لكل مكان وتقولهم اني زوجه ولدها وخواته كذلك ومايتفشلون مني والقطعه اللي يشترونها ياخذونها لي وزوجي صاده حادث واضطريت اقعد معاه بالمستشفى و ارجع البيت اطبخ له واودي له لانه مايحب اكلهم و اداريه حتى اني صرت اقرب له في المستشفى و طولت مدته هناك لاسبوعين و لما يمسك ايدي ابعدها عنه وهو فكر اني كرهتهه و من لما طلعنا خفت معاملته السيئة لي وماقام يضربني و يبتسم لي من وقت لآخر وطولنا لاربعه شهور وطاح الولد في حبي و صار اللي صار ..... و الكل حس بتغيرة وياي و برومانسيته اللي ماتوقعته منه ههههه نايف رومانسي للحين مو مصدقه ابد اكيد اللي بالحادث مات وانولد شخص غيرة حتى بالهدايا الى يومكم هذا ماشاءالله كل يومين هديه شكل ونوع وانا بطبعي بنت افرح و استانس واعطيه اللي يبي وماقصر وياه بحقوقه و الحين عندي بنوته وولد تؤأم وحامل بالثالث ادعو لي الله يسهل علي و لا يغير علينا انا وزوجي

وهذي عضه وعبرة للي تنتحر بسبب هموم و كربات و عضه وعبرة للي تحبس نفسها عن الخلق وتعتقد ان مالها احد و الله سبحانه تعالى موجد الوجود هو اللي لنا و لازم نلتجئ له
وهذا حل لكل بنت ماوجدت لها حل لمشكلتها التجئ لله سبحانه وتعالى

>>>>> ردود الأعضـــــــــــــــــــاء على الموضوع <<<<<
==================================


ماشاءالله الله ييبارك لج ويسخر زوجج لج ومايشوف غيرج والله يسهل عليج ولادتج يارب العالمين


__________________________________________________ __________

ما شاء الله وتبارك الله ، الله يسعدكم ع طول ويقومك بالسلامة انشالله ، بجد قصتك زابطة لمسلسل او فلم كثير حلوه والله يديم السعادة ع طول ...


__________________________________________________ __________

الله يديم عليك الهنا والسعادة يا رب


__________________________________________________ __________

ما شاء الله الله يسعدك ويبارك لك في حياتك وان شاء الله ربي ما يغير عليك أبد احس أني فرحت لك من كل قلبي الله يهنيك ياااااارب


__________________________________________________ __________

يا الله يا الله حبيتك من كلامك

الله لا يغير عليج زوجج