عنوان الموضوع : استحي من زوجي مجابة
مقدم من طرف منتديات نساء الجزائر

استحي من زوجي



عندي مشكله غريبه وهي اني اكون عاديه مع الكل وعلى طبيعتي واخذ راحتي الا مع زوجي اكون مره خجوله و هاديه

ومادري وش السبب يعني ما اقدر اتكلم او اتحرك او اسوي اي شي قدامه براحه مع انه ما ينتقد او يعلق بس كذا و ما احب اسوي اي رد فعل وكثير افكر قبل ما اتكلم معه او اسوي شي قدامه او البس لبس مغري او هالاشياء مو السالفه سالفه عدم ثقه لاني مع الكل عادي يعني حماي ابوه متعوده عليه اكثر من زوجي اتكلم واسولف واتناقش واضحك واتمشى معه بكل راحه لكن قدام زوجي مادري كيف متربطه
هو يحسب اني هاديه او شي لاني لما اكون اتكلم او اناقش احد بشي ويجي اهو اسكت

واحسه مرات زي الي يمل ان ليه ساكته كذا و ليه ماتسوين شي ويستغرب لين قالو له اهله على اشياء انا قايلتها او سويتها سواء معلومات او اي شي ثاني ويجي يقولي دام عندك كل هالثقافه ليه ساكته
حتى لما يقرب مني او ذيك الاشياء بودي انسجم معه بس يصيبني خوف وعدم اريحيه

لا حد يقولي هذا زوجك وعادي وحلال لك اعرف كل هالكلام بس ما ادري ليه استحي كثير منه

>>>>> ردود الأعضـــــــــــــــــــاء على الموضوع <<<<<
==================================


اذا عروسه جديده طبيعي الله يسعدك وحاولي تغيري من نفسك الخجل مو بكل الاوقات بصالحك


__________________________________________________ __________

الله يعينك فكري بأن يمكن زوجك يمل من هالوضع وراح تتغيرين بإذن الله


__________________________________________________ __________

الله يعينك ويسعدكم
مـوفـقـه


__________________________________________________ __________

اختي بسرعه نصيحه لووجه الله تغيري بسرعة زوجك لايقلب عليك
والله اعرف وحده نفس اسلوبك زوجها مل منها ورمته بيدها للحريم صار حق بناات وطلقت والسبب هي جابت له حالة من معاملتها هو اكيد جواته بيفكر انك ماتبغينه
والرجل مستحيل يقول تستحي مني دام انه شايفك طبيعية مع البقيه
بيتركك


__________________________________________________ __________

ماقلتي كم لك متزوجه؟؟ يااختي انتي قليتها زوجك البسي وتدلعي لزوجك موشرط سوالف عاديه اي شيء قبل فعلا يمل ويتركك او يشوف غيرك الخجل حلو بس لازم تتغلبي عليه..