عنوان الموضوع : تعبت مع امي تكفون ساعدوني
مقدم من طرف منتديات نساء الجزائر

تعبت مع امي تكفون ساعدوني



السلام عليكم ورحمة الله وبركاته
بدخل في الموضوع ع طول
انا مشكلتي مع امي في كل شي لازم تخاصمني عليه م عمري سويت شي وعجبها احيانا اسوي شي يعجبها واتوقع انها حتنبسط بس الا تطلع غلط دااايم تدعي علي دايم ودعوات قوييه تدعي علي بالموت تدعي علي بالمرض تدعي علي بكل شي امي لو دعواتها علي تستجاب كان انا ذحين في القبر بس الحمدلله والله ي بنات تعبت كل مرره اسمع تهزيئ وكلام محد يقدر يستحمله لدرجة والله اصحى الصباح قبل لا اروح الجامعه اسمع تهزيء اول شي الين متى وانا اجلس اصحي فيك و تخاصمني ع اشياء من الليل شافتها وانا نايمه زي مثلا لو شافت ملابس لي طايحه ع الارض او شي اول م اصحى تخاصمني عليها وتخاصمني ع الفطور واذا م اكلت تدعي علي بالله كيف يجيني نفس اكل وانا اسمع الكلام دا كل صباح والله ي بنات لدرجة ابكي في السيارة وانا رايحه الجامعه تخيلو بس كيف تكون النفسيه لما تبداو يومكم بكلام زي كدا والجوال م تبغاني امسكه ودايم تدعي علي اذا شافتني عليه واحيانا والله اكون محتاجته عشان قروب الجامعه اخود اشياء منه بس عشان امي كبيره و متعرف للجوال ولا تعرف تقرا تحسبني اكدب عليها تقولي عمر الدروس م كانت في الجوال كيف الناس درسو زمان اقولها يا امي والله احتاجه تقولي يلا دقيقتين و رجعيه لي وتجلس واقفه بجنبي الين اخلص وتسحبه مني احيانا والله تفوتني اشياء بس عشان امي م رضيت اخود الجوال اروح الجامعه الاقي البنات مسووين اشياء ولما اسالهم يقولون امس كتبنا في الواتس سرت من جد اكره اجلس معاها في نفس الغرفه لاني م اجلس الا واسمع كلام منها سرت م احب انا وهيا نكون في نفس المكان تعبت وربي تعبت احاول ارضيها باي شي بس ماني قادره لازم تطلع شي سارت تقولها كدا في وجهي ماني راضيه عنك وانا والله م ابا ازعلها بشيء تكفووون قولولي ايش اسوي معاها تعبت والله تعبت كررهت البيت سرت ادوام في الجامعه حتى لو م عندي شي والله اروح المكتبه اجلس اذاكر لوحدي كله عشان لا اجلس مع امي شوفولي حللل الله يخليكم
واسفه ع الاطاله بس والله تعبت ومالي غيركم بعد الله

>>>>> ردود الأعضـــــــــــــــــــاء على الموضوع <<<<<
==================================


الله يلوم اللي يلومك !
ليش ماتقعدين تتفاهمين معاها قولي لها ياامي أي شي
يضايقك مني قوليلي بـ اسلوب حلو , ليش تعامليني كأني ضرتك!
حاوريهآ باسلوب حلو , والله يعينك حبيبتي ويوفقك يارب

ويرزقك بولد الحلال اللي يسعدك


__________________________________________________ __________

وعليكم السلام ورحمة الله وبركاتهه

إنتِ قلتيها كبيرهه , صدقيني يَ الغلآا انها تسوي كذا من حبهآ ليكِ
وخايفهه عليكِ ولّا هي ماقصدها شي , بس هي كبيرهه بسنها ويبي لككِ تعاملينها
بمحبهه وحسسيها دايم انكِ رآضيهه ع اللي تسويهه لككِ قوليلها من عيوني مآطلبتي شي
لاتزعلي ولاتبكي هي تستخدم القسوهه عشآن تنضبطي معآها لآني اعرف بعض البنات
الله يهداهم امهم مدلعتهم واذا طلبت منهم شي مايلبوا لها طلب , عشان هي كذا تستخدم الشدهه معآككِ
ولّآ ترآ قلبها مررررررا حنون , تحملي يَ قلبي وفهميها باللتي هي أحسن
ويمكن بعد تكون مشغولهه من نآحيةة البيت وتنضغط وإذا شآفتكِ ع جوآلكِ يرتفع ضغطها زيادهه
حاولي تساعدينها بالبيت وتكلميها باللتي هيَ أحسن وقوليلها صرنا بعصر متقدم والجامعهه
لها مواقع بالنت ادخل عليها من جوآلي عشان اشوف جدولي ومن هالكلآم

الله يوفقكِ حبيبتي ويخليها لكم ويخليكِ لها يارب


__________________________________________________ __________

الله يهون عليكي اتفاهمي معاها بااسلوب حلووو


__________________________________________________ __________

ان كتب الله يابنتي راح ارجع ~

~~~ مهما قلتي لن اجد لك مخرج الا ان تعامليها بالطيبه واعلمي يابنتي
يعظم اجرك عند الله اذا الوالدين قسو عليك فإذا تحملتيهم واحسنتتي لهم احسن الله لك

اذا الله امر المسلم لو ابوه كافر زنديق يامره بسجود لصنم تخيلي لصنم
الله ماقال اقطعه اضربه رد عليه بالقسوه
لا قال لاتطعهم بالمعصيه وصاحبهم بالدنيا معروفا
~ شفتي كيف ~

لحديث (( لن يدخل الجنة عاق ))
ا((الوالد من اوسط ابواب الجنه ))

يابنتي امك كبيره بالسن وتقولي تدعي عليك الله ينظر يابنتي
ويعلم الصحيح من الخطاأ فأطمني

~~ لن نستطيع ان نفعل لك الا ان ندعي لها بالتسخير لك
وانتي ادعي مره تقومين الليل وبعد كل صلوات تدعين بالتسخير ~

~~ شوفي اقسم بالله العظيم ان امي جعلها الفردوس الاعلى من الجنه كانت شديده علي اقسم بالله تضربني ضرب حمير اكرمكم الله اسلااك تضربها فيني
لدرجه والله شاهد من فوق سابع سماء ان عظام يدي خرجت من شده الضرب وانتفخت بالكوع عندي
وضربتني ع رقبتي
اقسم بالله انها تمسك بشعري وتضرب راسي بالجدار

~~ وكانت مريضه ~~
وكنت ضعيفه وحيلتي الدعاء له بعد سنين والان
اقسم بالله لو احد بس نزل دمعه لي ان تدفنه بالارض

~~ سبحانه ينظر يشاهد فيعدل صبرتي فابشري
عاملتي والديك بالحسنى راح تشوفينه عاجلا غير اجل

اذا امك ماتعمل فيك مثل ماتعمل فيني مجرد كلام فالحل بسيط
اعملي الي بدها تجنبي المشاكل الي تجعلها تصارخ ملابسك شيليها عن الارض
قلب الام زبده ان كل ماصارخت عليك رحتي وقبلتي راسها بحنيه وقلتي امرك ع راسي يالغاليه
وناديها حبيبتي غاليتي قلبي سعادتي
الام قلبها رحيم ولو لم تبين لك
انتي اذا مرضتي ماتجيب لك كاسه مويه او تهتم فيك او تشاهدي الحزن بعيونها

انتي بنفسك تقدرين تتجنبين الي يزعجك وهو ان تتجنبي اي شي يزعج امك
ملابس شيليها .. اي شي تكره امك ابعديه عن عيونها فترتاحين وترتاح امك ويكفي هذا بر في امك

ليش ماتهدين لها هدي ورده (( قلب المراه لايشيب ابد تظل طفله ))
اعملي شاهي واجلسي معها
مو تروحي تجلسي بالجامعه هنا تحلين المشكله بمشكله
وتزيدن الفجوه بينكم احسست بان امك وحيده انتبهي يعظم البر اذا كانت مذا
اذهبي معها بيومك الوف بالجامعه لنزهه امسكي يدها اضحكي معاها
حاولي لو قوبلي بالصد مره مرتين وتجدين قلبها يذوب لك مهما كان انتي ابنتها
الي اسهرتيها الليل تتالم وتبكي من وجعك لها

نصيحه مني يابنتي // الحقي بامك قبل لايجي يوم راح تفقدين صوتها وريحتها ومكان جلوسها في البيت بيختفي //
وش بيكون شعورك
وش بيكون شعورك لما تحملين وتريدين النفاس اين امك!
اين تذهبين تذهبين لبيت خالي منها
وربي راح تبكين تشتاقين لها ولصوتها
تردينها تصرخ عليك يوميا بس تشوفينها قدامك
امك هذه امك امك امك

انا لما بس حملت بالشهر الاول // اقسم بالله بالوحم منسدحه بالصاله ابكي
واردد يمه يمه
زوجك ماراح يحس فيك ولا احد ابدا الا امك

ماستضعينه بيد امك من تعامل ابناءك بيضعونه بيدك

لاتقولين تعبت ابدا لم تتعبك بل انتي اتعبتي نفسك
فلم تعرفي المفتاح لقلبها وكيف رضاها والي يرضيك ويريحها ويريحك
لاتقولين تعبت منها مافي بنت تتعب من امها رجاء انا انقهرت من هذه الكلمه


عليك الدعا لها وسمعيها الدعاء لها بحب
والدعا يغير القلوب فلما لايغير قلوبكم
ربي يحفظك يابنتي


__________________________________________________ __________

مثل ما قالت سر ابوها

موفقة اختي