عنوان الموضوع : صـآر حلمي هو الكلام مجابة
مقدم من طرف منتديات نساء الجزائر

صـآر حلمي هو الكلام



النآس تحلم بقصور واللي يحلم بمنصب واللي يحلم بسياره فخمه ... واللي واللي الخ ....


اما أنا حلمي الكلام ... ابي اتكلم مو قادره اتكلم

تعرفون الموقف والاحساس اللي يحسسك انك صغير وضعيف وما تفهم شي بس لانك ساكت وتايه

انا يوميا بعدد مرات لا تحصى انحط بهالموقف !

في اشخاص اقابلهم اتمنى اعرفهم لكن مو قادره والسبب اني ماقدر اتكلم

عندي لسان بس عاطل عن العمل ... واذا احد حاول يتكلم معاي كأني ممسوكه بكهربا كل مافيني يرتبك


لي متى هالحياه اللي حرمتني من كل شي كلما احلم بشي معين اتراجع عنه لانه مالي حق احلم بشي طول ما انا رهابيه ماقدر اسوي اي شي بحياتي ولا اقدر اتقدم خطوه لقدام دام اني رهابيه


ادري مراح الاقي حل بس مجرد شي في داخلي ابي اطلعه

>>>>> ردود الأعضـــــــــــــــــــاء على الموضوع <<<<<
==================================


حبيبتي المشكلة مو في لسانك المشكلة فيك انتي،،

خايفة أنهم مايتقبلونك أو تحسي أنهم ماراح يحبونك

ناقصك ثقة نفس

انا عن نفسي أشوف ان ناقصك ثقة وان مشكلتك مالها اي علاقة باللسان،،


__________________________________________________ __________

حبيبتي اول شيء
""" مالي حق احلم بشي طول ما انا رهابيه ماقدر اسوي اي شي بحياتي ولا اقدر اتقدم خطوه لقدام دام اني رهابيه"""
ذي اكبر شيء ممكن تحطيه في بالج !!!!!! لانه زارعه الفكره بداخلج , يعني الفكره مستوطنه بداخلج وذي اهي المشكله !
بوقلج علي شيء
تدرين ان لو كل العضوات الي في المنتدي ردوا عليج
نسبه المساعده بتكون 1% في مشكلتج !
تدرين ليش ؟
لان حل المشكله بين ايدج انتي , تحت سيطرتك , بس للاسف الحين اهي الي مسيطره عليج
!!
طيب ليش ما بتقدري تتحدثي او تستناسي مع الحواليج ؟
لو فكرتي ببساطه , اهو بشر مثلج , يعني بياكلوا , بشربوا , بمرضوا , وبموتوا
مخلوقات عاديه !!! جذي انتي حاولي بسطي الموضوع علي نفسج
وانا متأكده ان جواج شخصيه طيبه وحبوبه بس خوفج ذا مخرب عليج اي شيء
لا تقولي مابقدر ولا تقولي مستحيل ولا تشحني عقلج بكلام سلبي
بسطي الموضوع علي نفسج وان شاءالله عااادي الوضع بمر !!!!
بعدين شوفي لا تقولين انج ضعيفه وصغيره !!!!!!!!!!!!!
لا تحقري نفسج مهما كان الموقف وصدقيني الحل بييدج
حفزي نفسج ودخلي عادي مع الكل , تحجي ودافعي عن نفسج وابدئ رايج وتعرفي علي التبغي
ثـــــــــــــــقي في نفسج اهي مفتاح لمشكلتج
ومارسي الاتي:-
اسلوب الخيال :- يعني انج تتخيلي نفسج انك مثلآ قدام خلق وايد وبتتكلمي وبتدئ في رايج , وبتتعرفي علي البتبغي , وبتدافعي عن نفسج , اهم شيء تختاري مكان هادئ ويفضل كل يوم لمده 20 دقيقه, كما يفضل لو كان قبل النوم , وصدقيني ان شاءالله بتشوفي تحسن سرررريع
احس ان كلامي مخرررربط

الله يعينج علي نــــــــــفسج ان شاءالله وبلتوفيييييييييييييييييق


__________________________________________________ __________

حبيبتي ما بيصير هيك لا تسكتي على حالك انت ما دام جسديا ما فيكي شي لازم تروحي على دكتور نفسي يشوف حالتك
ترا والله ما فيها شي وانا اعرف ناس كتيييير راحت على دكتور نفسي وحالها تغير وأولهم عمي بسبب الاكتئاب واعلمي انه الي فيكي مرض يمكن علاجه حبه حرام تضيعي عمرك
لا تضيعي عمرك بالخجل والله ما حدا راح يفيدك بكرة والعمر يجري منك هدر حرام لا تضيعيه سيبك من كلام الناس لا بيقدم ولا باخر
وبعدين ازا ما بتقدري تروحي دكتور نفسي اشتركي بنادي صيفي فيه بنات كتير زيك علشان تتعرفي عليهم او تطوعي باي مكان علشان تختلطي مع الناس وتنجبري تتكلمي معهم لا تستسلمي أبدا


__________________________________________________ __________

رهابيـــهـ ( ايش يعني )(و&أ=نعرفها علل )

عالعموووم الله يشفيك ويوفقك


__________________________________________________ __________

تكلمي وش فيها مو ما كلينك فكري بهذي الطريقه
لو تكلمت بياكلوني يعني بعدين بشر زيي زيهم
خليك قويه وواثقه من نفسك عيشي حياتك واذا ما تقبوك عادي
الوضع فكري ليش رب خلق اللسان عشان نتكلم ويفيدنا ونذكره وقوي علاقتك ربك اولا و آخيرا