عنوان الموضوع : شلون اتصرف مع هذا الزوج .. مجابة
مقدم من طرف منتديات نساء الجزائر

شلون اتصرف مع هذا الزوج ..



السلام عليكم
الله يعافيكم نزلوا موضوعي ترى مهمومه وضايقه الدنيا فيني الله يخليكم نزلوا الموضوع..
اخواتي قبل فتره نزلت موضوع ام زوجي واتهاماتها لامي بالسحر وهذا رابط الموضوعين أم زوجي واتهاماتها لامي بالسحر
أم زوجي واتهامها لامي بالسحر2
الحين يابنات بدأت الدوامات وبدأت المعاناه مع ام زوجي
تنام في الصاله ومن نمر
تحقيق وين طالعين من الصبح ومن وين جايين
وانا دوامي بالجامعه بس يومين بالاسبوع خليت محاضراتي كلها من 7الصبح لين 5 العصر ضغط نفسي عشان باقي الاسبوع اكون بالشقه اطبخ وانظف واكون مع عيالي
ومع هذا مو فايد
هاليومين اللي اداومهم كأنهم وبااال نازل علي من تشوفني تسألني عن الغداء ماتغديتوا
ماطبختي
يعني بالله عليكم ارجع خمسه العصر باقي ساعه ويأذن المغرب وين يمديني اطبخ غداء
ولو ولدها كاسر قلبها في هاليومين تغديه
اهي يوميا بناتها المتزوجات يجون عندها ويتغدون تغديه معاهم
ليش تنتظرني عشان تسمعني هالكلمتين آآآه بس تعبت من هالموضوووع
والشي الثاني زوجي واخلاقه الزفت معاي وش ما اسوي مايبان.بعينه شي جاته انفلونزا
والله انا اللي قايمه فيه بكل شي اعطيه دواه
ولما كانت حرارته ترتفع طول الليل وانا احط له كمادات ومع هذا مو راحمني حتى واهو مريض اخلاقه زفت كل شويه يزعلني
انتقادات وكلام جارح
تخيلو امس عنده اجازه وطول الوقت نايم اصحيه وقت دواه اعطيه حليب صاحن وبعدها اعطيه دواه ويرجع ينام ويوم جات تقريبا الساعه 12بالليل دخلت الغرفه انا وبنتي عشان ننام واهو كان نايم بس نامت بنتي وحطيتها فوق سريرها اشوفه صحى وطلع نزل لاهله تحت وضل تقريبا ساعه ونص
وصعد واهو مضايق ويقول وين راح يعني صحيت انا على صوته وسالته وش صاير قاالي اخوي للحين مارجع البيت وندق عليه وعلى زوجته مايردون
قلت له يمكن طالعين بر او رايحين البحرين او عند اهل زوجته
قالي واهو معصب اكيد بتتكلمين بكل برود لانه لا اخوك ولا ولدك
اخوي كان نايم في شقته وزوجته طالعه من العصر مع اهلها والحين سيارته واقفه بره
شلون طلع
وراح.وصار يطق الباب عليهم وماحد يرد عليه ورجع واهو حده مضايق يقول بمكن مات في شقته وماحديدري عنه
قلت له لا تفاول بالشر ان شاءالله مافيه شي يمكن مروه اهل زوجته وطلعوا او رجال مره اوشي لا تحاتي ان شاء الله بيرجع الحين
الله غير هالكلام ماقلت يابنات
فجاه صرخ في وجهي وقالي بلعي السانك و سدي حلجك لاتتكلمين وطلع ورجع بعد نص ساعه يمكن واهو ساكت وقمت انا مثل الهبله اسأل ها وش صار رد عليكم واهو حاقرني
قلت له ان شاء الله مافي شي اكيد طالع لان اجازه وانت عارف اخوك دايما كذا
قالي انقلعي لا العن شكلك
والله جاتني خنقه يوم قالي هالكلام ورحت على السرير وتغطيت وقمت ابكي
واهو مادرى عني وبس شوي رن جواله
اخوه اللي عايش برا داق يطمن قاله ايه رد علينا أهو في بيت عمه ابو زوجته سهران هناك تخيلوا والله ماعرفت وش اسوي
يعني اهو راجع واهو متطمن على اخوه ورد علي باسلوب زفت
اسال نفسي ليه كذا يعاملني ليه
مايحس فيني مايحس غير في اهله
مايحن الا عليهم
وانا في هالوضع حامل وتعبانه على الاقل يراعيني عشان ولده اللي في بطني والله محتاره كيف اتصرف معاه
طبعا هذا الشي صار البارحه بالليل واخر موقف
ولو بجلس اذكر اول امس واللي قبله ماراح اخلص
تعبت يابنات من اسلوبه ومعاملته
مو عارفه شلون اتصرف لايراعيني لا في حمل ولا ولاده ولا دراسه ولاشي
صارت كثير مشاكل ووصلنا للطلاق وماغير شي في نفسه بالعكس
مايبغى كلام مايبغى عتاب مايبغى رساله بالجوال اعاتبه فيها
ولو طنشت يطنشني بالاسابيع ويعاملني باسلوب ازفت ويقولي يالنكديه زهقت منك و....وو ويطلع
ولا يهمه
وبس هذي حياتنا
ولو اتكلم وادافع عن نفسي يصرخ ويرفع صوته واللي مايشتري يتفرج اهله كلهم يسمعون
واخر مشكله اللي انطردت فيها كانت كذا قالي كلام يسم البدن ويوم رديت ودافعت عن نفسي قان يصرخ وجات امه وطردتني
ومابي اعرض نفسي للمواقف هذي مره ثانيه شوروا علي
شلون اتصرف
هذا انا حاقرته من البارح لليوم وماكلمته نص كلمه
والله ما اقدر اعيش كذا نفسيتي تعبانه واتمنى اني مو حامل لان الوضع بيكون اصعب علي اكيد وانا ع
ندي طفلين وهذي حياتي معاه
والله بموت منه

>>>>> ردود الأعضـــــــــــــــــــاء على الموضوع <<<<<
==================================


زوجج يحييير الصراحه !!!
بس من رائي تجلسي وياه وتسأليه وش السااااالفه ؟؟!!!
يعني مافي حل غير النـــــــــــقــــــاش !!!!
او
طنشي طنشي طنشششي ليييين يجي ويسألج وساعتها تناقشي وياه
وبعدين بلنسبه لامه لا تعطينها ويه ابببببد , سلمي سلام الله وطلعي دراج وش تبغي فيها ذي تردي عليها ؟؟؟!!!
الله يهدي بااااالج حبيبتي ودعواتي لج بهدوء البال وصلاح الحال ان شاءالله


__________________________________________________ __________

حبيبتي ازعلي منه زعل قوي واذا وصلت احردي عند دار اهلك حطي لحالك قيمه ليش بهينك ما بدو اياكي يطلقكك شو هاي زهقت منك
وانت احكيلو ازهقت منك ومن قرفك وانت وراكي دار وجامعه وكل الضغط عليكي لازم كمان يشل كتف عنك
مااااااا تحطيله واطي


__________________________________________________ __________

عليك بالصبر ولازن تتسسون موعد ووتتناقششون ع كل شي

لازم تجلسسون جلسسه صريحة لازم تتكششخين وتلبسسين احلا ملابس لانه مابيقدر يقاوم


وتجلسسون وتسسولفون ع كل شي لازم تعرفين شسالفه تيغير زوجك

وعليك بالدعااء والصلاة والاسستغفار وتدعي الله يهدي امه ويهديه

ان ابغض الحلال عند الله الطلاق لا تتسسرعين وتطلقين وتدمرين حياتك وحياة اولدك

الله يخليهم لك الله يبعد عنكم المشاكل


الله يصبرك واتمني تتبعين نصيحتي لك


__________________________________________________ __________

اكيد زوجك اتربى في وسط احترام المراة عندهم مذلة
بس امه صنف ثاني
نصيحتي لازم تخلي قلبك حجر خاصة ادا انتي مو رادة تطلقي يعني اعملي في بالك انه خلاص هدا نصيبك
طنشي الكل
روجي لجامعتك خليها تتكلم عن الغا واغلقي ودانه لا تردين عليها المهم دراستك لا تهمليها
زوجك مع الوقت راح تفهميه
معصب لا تكلميه قوليله وش فيك ادا صرخ خليه لا تساليه ثاني
بس لو قالك وجه نكد ووو دافعي عن نفسك يعني شو وجه نكد عايشن برا من يوم ماجيتي بيتهم ولا شو
بس لما تدافعي عن نفسك كلمتين اوزنيهم صح وحطيهم ولا تتكلمي بعدها خليه يصرخ
يعني لا تطولي في الدفاع خلاص الكلمتين سمعهم وفهمهم فلا تطولي لدرجة يزيد صراخه ويسمعون اهله انه رجال البيت ووووووتجي امه
الله ينصرك عليهم بالهداوة لا تحزنين نفسك ولا شيء
اما لما يمرض اعطيه الدوا ونامي ايش لي سهرك مع الكمادات والانفلوانزا تروح لوحدها مع الدوا الكمادات ديكور ولي اعرفه تكمدي البايبي الرضيع ههه
خاصة انه مو محترمك حتى وهو مريض


__________________________________________________ __________

انتي الحق عليكي كيف تسمحيله
يعني انو لو محلك وقلي كل هذا الكلام وصرخ فيكي
كان حكتيله انت ليش تعاملني باسلوبك الزفت ما بدك اياني طلقني
يعني ما تسمحي له حطي حد والافضل احردي عند اهلك فتره خلي يحس بفضلك عليه