عنوان الموضوع : كلامه يجرحني
مقدم من طرف منتديات نساء الجزائر

كلامه يجرحني



عمري 18
عمره 27 وكم شهر يعني 28
متزوجة من شهر ونص
قبل زواجي انخطبت ع 6 اشخاص وهو ال7
ووافقوا اهلي عليه
يشتغل ف العسكرية
متضايقة من كلماته اللي مايلقي لها بال
انا طولي 158 ووزني 49
وبيضاء وشعري ناعم وعيوني عسليه وكبيره وناعسه
يشبهوني اقاربي دايما بلميس التركية
جسمي متناسق يعني مافيه شي فيه زوائد
بس زوجي احس مو حاس بقيمتي للعلم هو اهبل واطرم وفمه اكبر منه .. استغفر الله بس من غيضي منه
طوله 166 ووزنه 60
وابيض وعيونه صغيره وفمه كبير بالمرة
امس يقولي ياجمال الاجنبيات وياحلاتهم قولي الحمددلله اني عسكري وماسمحولي اتزوج اجنبية كان وسكت
قلت له قول كمل كان ايش
كان تزوجتت منهم هاه ؟
سكت وانا سكت الحقرة واقفة بحلقي مو قادرة اتكلم والدموع تجمعت بعيني
وصرت ابكي ابكي ويتأسف


وسامحته

الموقف الثاني


قالي من كثر ماتحبين الدجاج صار شكلك زي الدجاجات يادجاجه

اناا هنا موب عارفه اتكلم قلتله انا دجاجه قال لاامزح هههه اسف اسف والله وميت ضحك وخرجت من الغرفة وعديت الموقف

بتقولوا شخصيته مرحه لاوالله شخصيته زفت زفت زفت ولسانه اطول منه وعند اهله معدومه شخصيته ضعيف شخصيه بس علي يقوي شخصيته
وانا بحكم تربيتي اللي ربوني عليها هلي صعب ارد ع احد واطول لساني
تعودنا ف البيت ع الاحترام المتبادل


طفشت منه اكثر من موقف اكتمه بقلبي واحنا عرسان لسا

ومو حاس بقيمتي ابد ف مشكلة حصلت بيننا يقولي ابوي يقول بزوجك
يعني بالله هذي حالة لعروس..؟؟


للعلم كل من يشوفني يقول ليه تزوجتيه منهم المرشدة السياحية حق شهر العسل
جلسست تقولي قدامه ليه تزوجتيه انتي شكل اهلك ارقى منه وشكلك حلوو
وهو فشششل وسكتت ومن بعدها بدا يكسرر فيه وف ثقتي بنفسي ويحسسني ان انا ولاشيي
لدرجة صرت احس منجد ان انا ولاشي

للعلم ان انا مااقد حسسته اني افضل منه دايم اشجعه


ودايما يقووولي ف لحظات الصفاء ليه تزوجتيني
استغرب سؤاله واضحك اقوله ليش ايش ناقصك عشان مااتزوجك


ودايما يقولي اصحابي يقولون كيف رضيت زوجتك واهلها انها تتزوج واحد مثلك


ماافهمت والله جنني هو يستنقصني ولايستنقص نفسه


جننننننننننننننننننننننني هو واهله

ليش خطبني اجل
لييييييييييييش
ليتني مااتزوجته
نكدني ونكد عيشتي

كذاااب دايما يهز شخصيتي ويخاصم واهلي واهلي


وانا مااجيب لهم سيرة واعاملهم مثل اهلي


لكن مدري ليه احس داخل بشره معه


امه دايم تمدحه قدامي تقووول ياحلاته ياجماله فديت قلبه


ودايم تجيب سيرة بنات فلان حلوت وجميلات ومدري ايش

وانا اسككت
واقول بنفسي
طيب كان خطبتيهم بدل مااتنكدوني ؟؟




ويوم انقهرت منه وقلت يافلان ترى انا موبقاصرني شي جمال والكل يشهد به وانت ماخطبتني الا لجمالي
والتزام وتربيه وخطبوني قبلك 6 ومن معارفك واصحابك وانت عارف فليه دايما تحسسني اني ولاشي
جلس يخاصم ويقوولي انت فرحانه ب6 يعني لو احسن مني كان وافقتي
وكان مفروض ماتجيبي سيرة انك انخطبتي وانتي زوجتي يعني ايش ؟
سكتت وقفلت الموضوع ولكن مازالت الشخصية المهزوزه بداخلي وكل يوم يزيد هالشعور فيني بكلامه لدرجه صرت اشك بنفسي اني ولاشي

ايش اسوي انصحوني كرهني ف حياتي وف نفسي
ندمت اني تزوججت

للعلم اهلي احسن من اهله
واقاربي مااارضوووا انع يتزوجني بس وافقنا لانه مصلي وكويس ع كلام الناس ومااحضروا قرايبي زواجي

>>>>> ردود الأعضـــــــــــــــــــاء على الموضوع <<<<<
==================================


مااقدر الا اني ادعيلك ربي يفرج همك ويهديك .
الدنيا كذا مافيه احد مرتاح ربي معطيك الجمال صح بس رزقك بزوج مايعرف قيمتك
احمدي ربك ع كل حآل ..
وخليك متواضعه حتى لو كنت جميلةة ..
وبالتوفيقق


__________________________________________________ __________

بدون زعل

انتي راسمه لنفسك خط معين وتبغين زوجك يمشي عليه

و يفكر بنفس تفكيرك

رغم انه ما يعرف انتي بايش تفكرين وقتها ولا هو على كيفك

هو كمان له شخصيته الخاصه

ان شكله مو عاجبك هذا اختيارك كان فيك ترفضين

ان امه تمدحه كل ام تشوف عيالها مااحد بالزين مثلهم

ان مزحه مو جاي على هواك مشكلتك

انتي محتاجه طبيب نفسي يقوم شخصيتك

بجد وبدون زعل روحوا لطبيب نفسي


__________________________________________________ __________

اولا ماشاء الله تبارك الله
ثانيا الرجال مايملئ عيونهم إلا التراب
ثالثا عامليه بالطيبه واسكتي تغاضي عن كلامه وسفهيه اسمعي من هنا وخرجي من إذنك الثانيه إذا قعدتي تدققين في كل شئ بتموتين قهر وحسره وندم
رابعا هذا زوجك مهما كان لاتسبين خلقة الله ولاتتكبرين خليك متواضعه قدام اهله ويمديك تكلمين امه قولي لها لاتذكرين بنات الناس قدام زوجي كلميها بأدب وذرابه وحتى نظراتك خليها محترمه وقومي بكل حاجاته وخليك سنعه عشان مايكون عليك حجه وعيب عند اهله
خامسا على ماأظن هي جايه تطرح مشكلتها عشان نحلها مو نجرحها بالكلام حتى لوغلطت
معليش طولت عليك سامحيني & سبحان الله وبحمده سبحان الله العظيم


__________________________________________________ __________

المشاركة الأصلية كتبت بواسطة aishahsalem
بدون زعل

انتي راسمه لنفسك خط معين وتبغين زوجك يمشي عليه

و يفكر بنفس تفكيرك

رغم انه ما يعرف انتي بايش تفكرين وقتها ولا هو على كيفك

هو كمان له شخصيته الخاصه

ان شكله مو عاجبك هذا اختيارك كان فيك ترفضين

ان امه تمدحه كل ام تشوف عيالها مااحد بالزين مثلهم

ان مزحه مو جاي على هواك مشكلتك

انتي محتاجه طبيب نفسي يقوم شخصيتك

بجد وبدون زعل روحوا لطبيب نفسي




تؤمنين بالله اني مااسجلت الا عشانك

يااختي اتقي الله البنت صغيرة وداخلة تشتكي واي وحدة مكانها بتتعب نفسيا


لكن الظاهر انتي اللي يبيلك طبيب نفسي يقوم شخصيتك لانك داخلة منتدى للمشكلات والناس يبون حلول وانتي جاية بكلام يسم البدن
شكلك عندك مشاكل نفسية كثير وشكلها لاتعد ولاتحصى من يوم انك تهاجمين ف البنت
وشكلك مو متزوجه وانا اجزم لانك تفكرين الحياة زوجية كل واحد بشخصيته الخاصه ومفروض ماايتنازل عنها وهذا ا اكبر غلط ممكن يدمرك ف حياتك لو كنت متزوجه ويخليك فاشلله لو منتي متزوجه وتزوجتي

وتقوليلها مشكلتك ليه ماترفضينه
طيب اذا مشكلتها ايش دخلك تدخلين هالقسم
وان مزحه مو ع هواك مشكلتك بالله هذا رد؟؟؟؟؟
انتي ايش مفكرة الزواج واحد يهينك بالمزح ويجرحك وانتي عروس ؟؟
منجد ناس مريضة

وهي يوم توصف زوجها مافيها شي ياجماعه البنت محترة وصغيره وغير كذا عشان تكونوا ف الصورة ماتفتكرون انه اجمل ويسوي كذا فيها وماقصرت قالتكم انها تمدحه وانها ماقد بينت له شي
والبنت تبي تعزز صورتها قدامه حسسها بالنقص وهي ولاقد بينتله شي بس هو متأثر من كلام اصحابه واقاربها
ارجوكم لاتخربون هالمنتدى باسلوبكم
اخت ليلى 2013 ماقصرتي وانتي بالفعل نبي نكثر منك ف المنتدى
المهم
خلينا ف المشكلة
حبيبتي صاحبة المشكلة
موتيني ضحك
ياصغيرتي عندي بنت نفس مشكلتك بس اكبر منك بسنتين
والحمدلله تعايشت مع المشكلة وحلتها والان اميرة ف بيتها وسعيدة مع زوجها
الله يعينك
اول شي ترى هو حاس بالنقص وخصوصا عدم حضور قرايبك الزواج

اثبت له بزيادة
ثاني شي امه حاسه ان ولدها مقهور من قرايبك فتحاول تكبر من صورته امامك

واللي اثبت لي كذا مدحها لبعض البنات وتفرجك انه ممكن بنات حلوات يوافقوا عليه
فالطريقة المثلى لمعاملتهم هو انك تطنشين


واسلوبك جدا جميل ياليت تكمليه اذا قدرتي اللي هو تمدحيه
عشان ترجعين الثقة بنفسه ويرجع يرجعلك الثقة بنفسك
وصدقيني انه يحبك وميت فيك ويبي يثير غيرتك بس اسلوبه شوي بايخ

بحكم انه رجل لاتستغربي اسلوبه دايما الرجال كذا
انتي اجلسي معه وقولي له يافلان انا ازعل من اسلوبك وياليت تعدله وانا احبك وماابي اسلوبك يأثر ع حياتنا الزوجيه

وبتواجهون اختلافات كثثييرة ف كل شي ومشاكل اكبر بس التفاهم والصبر يحل كل المشاكل
والله يوفق كل بناتنا ويرزق اللي ماتزوجوا بالصالحين


__________________________________________________ __________

عمرك 18 جميلة امورة نحيفة ؟؟؟ ليش تضيعين حياتك اذا انتي ما تحبينه انتي حرة هذا قرارك انتي بتضيعين عمرك كله