عنوان الموضوع : احببته غصب عنى..واريده زوجا لى -لصحتك
مقدم من طرف منتديات نساء الجزائر

احببته غصب عنى..واريده زوجا لى



السلام عليكم

انا عايزاكم تساعدونى لانى والله محتاره اوى وانا بقالى كتير بدخل هنا وبشوفكم وانتو بتنصحو الناس.. وانا ان شاء الله هاخد رأيكم وهتقبله حتى لو مش عاجبنى



انا بنت عندى 20 سنه لما كنت فى 2 ثانوى كنت بروح دروس وكده .. وانا كنت دايما بعدى على محل لان ده طريقى
وفى شاب فى المحل ده هو صاحب المحل يعنى كل شويه يبصلى بصات غريبه ومش بينزل عينه من عليا لدرجة ان اصحابى لاحظو
ومره واحد بيشتغل عنده عاكسنى راح زعقله وبهدله وهو باين عليه محترم جدا وتقيل مش من الشباب الطايشه



ومرات كان بيقولى كلام بس انا مكنتش بعبره ولا ببينلو اى حاجه ولانى كمان كنت صغيره بس محطتش فى دماغى
وفضل على الحال ده سنتين برضو يبص وساعات يتكلم وانا ولا بتهز ولا بيبنلو ولا ببصلو خالص..



لحد ما دخلت اولى كليه قعدت فتره طويله اوى مبعديش من عنده لكن عمره ما غاب عن بالى ابداا لدرجة انى اوقات افكر اعدى من عنده برغم ان ماليش حاجه هناك علشان اروحها

وهو على فكره شاب كبير يعنى مش مراهق شكله فى اواخر العشرينات

المهم من شهر عديت من عنده لقيته بيقولى وحشتينى اوى.. انا برضو مشيت كأن محصلش حاجه



المشكله دلوقت انى بفكر فيه جامد اوى اوى يعنى بشوفه بقالى 3 سنين ومعرفش عنه اى حاجه وبرضو اوقات بقول هو لو عاوزنى هيجيلى فى الحلال كان زمانه اتقدملى لو هو عايزنى بجد ولانى رافضه فكرة الارتباط الغير رسمى ولازم كل حاجه تكون بالحلال وقدام اهلى

واوقات برضو بقول يمكن مش عاوز ياخد خطوه لقدام بسبب انى مش مبيناله اعجابى واوقات بقول ابص عليه بصه صغيره بس ابينله انى مهتمه بيه لانى بمشى زى الالف وكمان المحل بتاعه محل موبيليا واثاث وكده يعنى حتى ماينفعش ادخل اسأله عن حاجه



والله انا نفسى يكون خطيبى فى الحلال ومش عايزه اعمل حاجه غلط بالله عليكى ساعدونى قولولى اعمل ايه.. ولا تنصحونى ابطل اعدى من الشارع ده خالص مع انى لازم اعدى عليه لانه باخد درس دين فى المسجد اللى فى وش مجله بالظبط بس ممكن اعدى من شارع تانى عادى

واسفه على الاطاله بس ادعولى ربنا يخليكم يمكن ربنا يستجاب

>>>>> ردود الأعضـــــــــــــــــــاء على الموضوع <<<<<
==================================


الله يهديك ي رب
سبحان الله وبحمدة سبحان الله العظيم ..


__________________________________________________ __________

وعليكم السلام
إذا حكى لك اي كلمة اعجاب أو لمح انه عايزك
قولي له كللمه وحده وامشي
قولي وادخلوا البيوت من ابوابها وبس
إذا كان ناوي الحلال حيخطبك وإذا كان مجرد معجب فالبعد عنه هو الحل

وبالتوفيق


__________________________________________________ __________

نفس كلام الأخت اللي قبلي
الله يرزقك باللي تتمنين ويارب اذا فيه خير يجعله من نصيبك


__________________________________________________ __________

حبيبتي ابتعدي عنه تماما لو ارادك لأتى الى اهلك وطلبك للزواج ,فالشاب هو من يبدأ وليست الفتاه,
حبيبتي ابتعدي عن خطوات الشيطان فهو يزين لك الحرام بدعوى الحب ,
حفظك الله اختي الغاليه,
ونصيحه من اخت تحب لك الخير أوصيك بالمحافظه على حجابك الشرعي,,


__________________________________________________ __________

اذا عايزك يجي يتقدم لك ويخطبك من اهلك
واذا مجرد اعجاب فيك خليه ابتعدي عنه اتركيه
وربك يكتب لك الخير