عنوان الموضوع : الغربة + حماي ونفسيتي تعبانه -لصحتك
مقدم من طرف منتديات نساء الجزائر

الغربة + حماي ونفسيتي تعبانه



وانا اقرأ مشاكلكم تشجعت اني احط مشكلتي وان شاء الله الاقيلها حل
انا متزوجه وعمري 21 وعندي بنت
في فترة خطوبتي قاللي خطيبي انو نسافر لبلد تاني لان شغله هناك وراتبه احسن بعد ما نتزوج طبعا
وانا وافقت من غير تفكير .. بس لما سافرت حسيت بالغربة اديش صعبة وانو خلص بدي ارجع لاهلي بس ما قدرت احكي خوف لا يزعل مني زوجي
اول ولاده وداني لاهلي وولدت وبعدها رجعني .. بس برضو مو قادرة استحمل نفسيتي كتير تعبت خصوصا ان حماتي كانت معي بس ماتت وسلفاتي ما بيسألو عني ولا بعرف اطلع واجي لحالي لازم معي زوجي وهو دايما بالشغل ومو فاضيلي يعني قاعده اربع وعشرين ساعه بالبيت
بدأت اتعب نفسيا بعد ما ماتت حماتي واحس اني رح اموت ويجيني وسواس واحس خلص روحي بتطلع لدرجه بمرة قمت صحيت زوجي وقعدت اقوله لو صار فيني شي دير بالك على بنتي .. ولما اسمع صوت قرآن اخاف واسير بدي اغير عنه .. لحد ما قاللي خلص برجعك ععند اهلك وادور شغل هناك .. وسافرنا لنعيش ببلدي بس ما لقي شغل ولا شركة قبلت تشغله .. واتضرينا نرجع وانا كنت كتير محطمة ورجعت غبصن عني .. ولا والمشكله الاكبر لما رجعني خلاني اعيش مع ابوه .. وانا مو ماخده عليه .. ومو ماخده راحتي بالبيت ابدا .. يعني انا جالسة بغرفتي طول اليوم ما بعرف اطلع ولا البس براحتي .. ولما نطلع انا وزوجي لازم ابوه يطلع معنا لا بنعرف نحكي ولا نمزح مع بعض ولو حكينا كلمة يقعد ابوه يسأل .. وانا بتدايق صار لي عهالحال اربع شهور .. وكل يوم يزيد كرهي لحماي اكتر ومو طايقاه ابدا .. انا عارفه انه مو ذنبه بس انا مخنوئة لاني بعيده عن اهلي كمان مخنوئة لاني مو ماخده راحتي بالبيت .. وقلت لزوجي اني مو مرتاحه قاللي الصبر خير .. بس لايمتى .. نفسي البس واتمكيج زي زمان نفسي نتعشى انا وزوجي عشوة رومنسيه لحالنا او نطلع مشوار هيك من غير تداخلات .. نفسي اعيش حياه طبيعية من غير ما شي ينغص علي
او حدا يضغط علي .. اشوف سلفاتي كيف عايشين واتحسر هو مو المفروض سلفاتي يخدمو حماي متلي متلهم .. ليش هم شايلين ايدهم من الموضوع ليش ما يحسو فيني او زوجي يحس فيني شوي .. هو دايما بالشغل ولما ييجي يجلس بالمسجد لحد الساعه 9 ويرجع تعبان وينام ما بعرف اتناقش معه بشي ولو تناقشت يقلي خير خير ويطنش .. انخنقت والله وكله يأثر على نفسيتي انا الحين حامل بالثامن وبفكر لما اسافر اولد اقوله مو راجعه غير لما تشوفلي بيت وتحسن وضعي ولا اعمل اضراب بس انتو شو رايكم
بليز لا تطنشو الموضوع

>>>>> ردود الأعضـــــــــــــــــــاء على الموضوع <<<<<
==================================


اختي الغالية لا اطن ان مشكلتك صعبة او مستحيلة

ثقي بألله انا اعيش ايضا في بيتي بين اربع جدران ومع زوجي واطفالي وراضية والحمدلله رغم انه لا انكر تمر عليه ايام اكاد اجن فيها من الوحدة

ولكن انا من اخترت حياتي وزواجي وزوجي واطفالي دنيتي فالمراة حينما تتزوج يكون زوجها واطفالها هم اولى اولوياتها وليس بيت الاهل والخروج والمشاوير

وبالنسبة لحماك فكري انه والدك هل كنتي ستتضايقين منه لهذا الحد

اختي حاولي مراعاة حماك وزوجك واصبري على الحياة ولكل مشكلة حل بالصبر


__________________________________________________ __________

بالتقاليد الشب بس يكبر بباتوا عنده امه و ابوه الكبار حتى لو عنده خوات
عشان هو ماللك البيت و بخافوا ان نزلوا عند بنتهم(سلفاتك) يتثاقل زوجها منهم
بس يعني سلفاتك على الاقل ياخدوه عندهم زياراتّّ

زوجك ما شاء الله عليه بار بوالده و ولادكم راح يحطوكم بعيونهم ان شاء الله
طيب ما بنفع بالصيف مثلا بعد ما تولدي على خير و ترتاحي تسافروا اجازة و تتركوا الوالد اكم يوم عند بناته؟
فكرة حلوة
احكي لزوجك عن السفرة
و لا تحكيلوه عن ابوه لانه رح ينضغط

الله يوفقك و يعطيكي اجرر على عنايتك بالمسن والده


__________________________________________________ __________

الله يعينك اصبري وعلى قولت زوجك خير


__________________________________________________ __________

الله يكون بعونك.. انا كمان متزوجه وبعيده عن اهلي... وكتير بحس بالوحده... بس صرت اكون صداقات كتير.. ولسه بدي اكون كمان صداقات علشان انسى الوحده اللي انا فيها

هاي البلد هيك ..كلها شغل..جوزك بيرجع متأخر ومافي مكان تروحي لحالك..

حاولي يكون الك صديقات يوديكي جوزك عندهم او تطلعي معهم بدون .. هيك بتتسلي وبتنسي شوي وجود حماكي عندك

صحيح صعبه يكون في حد غير جوزك معك باليبت وانا جربت هالشي 3 شهور... بس شو بدك تعملي .. اصبري ولعلو خير

حاولي تفهمي جوزك بدون ما يزعل منك.. انك مش ماخده راتحتك هيك ..

اتفقي مع جوزك يكون الكم ايام تطلعلو لحالكو .. وخصوصا السهرات بالليل

سافرو كم يوم وجددو الحب لوحدكم

الله يصبرك


__________________________________________________ __________

اختي هيك كان ابو زوجها عاش عندهم ومطلللع روحها واكتر من مرة تحنق وتجي عندنا

ما كانت ماخذة راحتها وكان شرير يخرب عليههم

لحد ما نقلووااا بيت وكانت غرفه اقل
وبكذا ما قدر ياخذ راحته
الله يفرج عنك ويفك كربتك ويعينك ع الغربة ويقومك ب السلامة