عنوان الموضوع : مو فاهمه زوجي .. ساعدوني -تم الاجابة
مقدم من طرف منتديات نساء الجزائر

مو فاهمه زوجي .. ساعدوني



صباح | مساء الخير
بدخل في الموضوع على طول
أنا معقود قراني من شهرين تقريبا على واحد من قرايبي
مشكلتي ان دايم بتجيني افكار ان مجبور علي واني مو عاجبته
تخيلوا ولا مره فكر يزوني ولا حتى لمح للموضوع
كان عادي بالنسبه لي الموضوع في البدايه لانه حيوي شوي
قلت يمكن انه مرتبك ومو عارف كيف يقالبني
بس مو معقول شهرين وانا زوجته ولا مره قال ابي اشوفك !!
يعني انا اكثر منه حياء بس ولو اشوف انه ضروري نقابل بعض عشان نفهم بعض اكثر
حتى اهلي تعبت من كثر اسألتهم لي والله صرت انحرج منهم لما يسألوني هو ماقال يبي يشوفك طيب ماقال خلينا نطلع مع بعض طيب ماقال ماقال ماقال ... الخ
كل شوي يسألوني والله تعبت نفسيتي من هالموضوع انا من البدايه تعبانه نفسيتي لاني حاسه اني ماعجبته
حتى وجهه يوم الملكه كان غريب ! حسيته متضايق
تعبت والله تعبت من الموضوع
بنات حتى وهو يكلمني اسلوبه غريب احس كأنه يكلم واحد من اصحابه يكلمني بصيغة المذكر كثير !!
واذا جاء يتكلم عن الزواج كأنه يتكلم عن زوجه ثانيه مو انا !!
مثلا يقولي بروح انا وزوجتي لكذا ووو الخ كأنه يقصد وحده ثانيه !
واذا شاورته بشيء عن ترتيبات زواجنا وكذا يقولي مثلا عادي انتي خليك ف المكان الفلاني وزوجك بيجي عندك وصوروا مع بعض وو الخ
وبعدين بآخر كلامه يقول اووه وش قاعد اقول انا اقصد انا بجيك وبنصور وو الخ

والله ماااااافهمته ودي اعرف اذا هو مغصوب علي ولا وش قصته بس مابي ادخل اهلي بالموضوع

تكفون شوروا علي وش اسوي
انا مستحيل اسأله سؤال مباشر واعتبر هذا التصرف اكبر غلط
وبعد مستحيل اقوله تعال ابي اشوفك لانه واضح انه من النوع اللي مايحب المرأه تبادر بهاذي الاشياء

انتظركم

>>>>> ردود الأعضـــــــــــــــــــاء على الموضوع <<<<<
==================================


وين ردودكم بنات


__________________________________________________ __________

الله يعينك اختي العزيزة بس انتي لازم تفهمي كل شي قبل الزواج مومعقوله مايحب يشوفك يعني مااعرف يمكن خجلان يمكن مامتعود على مكالمتك يعني هناك رجال خجولين وخصوصا انك قلتي يقول انتي وزوجك انا وزوجتي ...يمكن يستحرم ويفكر الابعدالزواج ياخذ راحته معك انتي لاتستعجلي ولاتقلقي اسالي احدمن اهله اخته امه ...وااذا بقى الحال هكذا اساليه بطريقة غيرمباشرة او احدمن اهلك يساله والله يوفقك


__________________________________________________ __________

مساء الخير
والله فعلا الموضوع محير بس يمكن مرتبك ولا اي شي
المهم نصيحتي استخيري مرة ثانيه والاسخارة تري فيها تيسير للامور
ربنا يوفقك وسخرلك زوجك ويجمع بينكما علي خير ويبارك فيكما ولكما


__________________________________________________ __________

حاسه فيك وربي مدري ليه !!
ماعلينا كل اللي ابيه منك تختفين شوي عنه ..
يعني شوفي هو يحس بفقدانك ولا لا
مااابي اخوفك بس عندي احساس انو يبي وحده ثانية
مااقول غير الله يعينك


__________________________________________________ __________

المشاركة الأصلية كتبت بواسطة مياريوسف
الله يعينك اختي العزيزة بس انتي لازم تفهمي كل شي قبل الزواج مومعقوله مايحب يشوفك يعني مااعرف يمكن خجلان يمكن مامتعود على مكالمتك يعني هناك رجال خجولين وخصوصا انك قلتي يقول انتي وزوجك انا وزوجتي ...يمكن يستحرم ويفكر الابعدالزواج ياخذ راحته معك انتي لاتستعجلي ولاتقلقي اسالي احدمن اهله اخته امه ...وااذا بقى الحال هكذا اساليه بطريقة غيرمباشرة او احدمن اهلك يساله والله يوفقك


هو صحيح خجول كثير بس انا اعتبر نفسي جدا جدا خجوله بس هذا الشي ماخلاني
أقول مابي اقابله بالعكس ابي اقابله واجلس معاه لان الموضوع ارتباط وحياة
مو شي سهل لازم نفهم بعض ونتقبل بعض قبل الزواج