عنوان الموضوع : ام صديقتي تشك فيني وفي زوجها -لصحتك
مقدم من طرف منتديات نساء الجزائر

ام صديقتي تشك فيني وفي زوجها



السلام عليكم ورحمة الله وبركاته

بويه كانت تلاحقني وين ما اروح وتبي تتعرف علي باي طريقه وترسلي هدايا وباقات ورد وكنت ارفضها وميته تبي تتعرف علي واصير حبيبتها وتعاكسني على الجوال ومن هالسوالف فارسلت لها مره ابي اقابلها بمطعم معين ووافقت ماصدقت يوم قابلتها وتحاورنا وعرفت شو تبي بالضبط وش نيتها قلت لها شوفي بنصير صديقات لكن شي اسمه حبيبات لا و بتمشين على شروطي وماتخالفينها وافقت فورا صرت يابنات احفز فيها الجانب الانثوي و اخذها على حلقات ودروس الدين واعزز ثقتها بنفسها وابرز انوثتها بكل شي بتصرفاتها كلامها تفكيرها شكلها حتى تغيرت كليا و رجعت لطبيعتها كانت تتكلم لي عن مشاكل ابوها معها وانه يكرها لانها بويه وهي حبت تكون بويه لان هذا خلاها تنشهر و قوى شخصيتها لكن بعد معرفتها فيني تغيرت وعلاقتها مع ابوها تحسنت كثير وتركت كل السوالف والخرابيط حقت البويات وحتى حبها لي صار حب صداقه فعلي مو مثل اول كانت تسايرني عشان ما اتركها وهذا كان مقصدي الاول والاخير من اني اوافق على صداقتها اني اغيرها والحمدلله تم التغير ابوها حبني مثل بنته ويدعيلي دايما و بالاعياد والمناسبات يرسلي هدايا بعلمهم طبعا صارت بينا زيارات وعرفتني على اهلها امها وخواتها والوضع كان مره حلو وتمام
والحمدلله صارت صداقتنا قويه وهي بنفسها قالت لي اهلي ان ذكرت اسمك في اي شي يوافقون عليه عمر اهلي ماوثقو بواحده من صديقاتي مثلك امها كان الموضوع عادي عندها وهي الي كانت انت غبت يومين عنهم تدق علي وتسال عني و تحبني وتبي اكون معهم طول الوقت ودايما تقولي ياليت عندي ولد مو متزوج كان خطبتك له ومن هالكلام لكن امها تغيرت فجاه علي صرت احسها تتضايق من وجودي وماعاد ترحب فيني مثل قبل او تتكلم معي وحتى كلامها معي فيه برود خففت زياراتي فيهم قلت يمكن صارت تمل او تتضايق وما قمت اتصل في صديقتي مثل قبل جتني مره زعلانه وقالت وش فيك تغيرتي علينا لا تجين لا تتصلين وش صاير لك حتى ابوي واخواني مستغربين فيك شي احد قالك شي من خواتي او زعلك قلت لها ما ادري عن ظروفكم بس بالفتره الاخيره صرت احس ان امك ما ترغب بوجودي قالت لا والله امي سالت عنك وحتى اليوم وانا جايه لك قالت لي توك تروحين ليش مارحتي من قبل وشفتي البنت وينها قلت لها والله هذا الي صار قالت ماعليك ويمكن امي كانت متضايقه من شي اكيد مو منك
انتهت السالفه
مرضت امها ودخلت المستشفى والحمدلله تعافت صديقتي دقت علي من جوال ابوها وقالت ابي اروح السوق باشتري لامي هديه رحت معها هي وابوها وانا اخترت شي وهي اختارت شي ابوها اعجبه اختياري وعطينا الهديه الامها وفرحت

بعدين بعد هالزياره ما سمعت عنهم شي وانقطعت اخبارهم واتصل على صديقتي جوالها مغلق واتصل على بيتهم ماحد يرد بعدين اتصلت على ابو صديقتي وقلت له اعتذر اني اتصلت عليك بس فلانه ما ترد والا البيت صاير فيها شي قال يابنتي مشكوره ماتقصرين بس عندنا ظروف خاصه هاليومين وان تعدلت بتتصل فيك

ما اتصلت والا شي شفتها بالمول بعد شهر ونصف وسالتها وش الي خلاها تقطعني وش الي صاير عندكم

قالت انت فعلا كنت صادقه امي كانت متضايقه من وجودك لانها صارت تحس ان بينك وبين ابوي شي ويوم شافت اتصالاتي عليك من جوال ابوي وقت ماكانت مريضه سوت مشكله وقالت انكم على علاقه ببعض مو مصدقتني اني انا الي كنت ادق عليك لين ماكان معي رصيد ودرت ان الهديه اختيارك عصبت وسوت مشاكل معي ومع ابوي وهي في بيت خوالي وقالت يا انا ياهي مارح ترجع لنا الا ان انقطع كل شي بينا لانها تشك الى الان بينكم شي واتمنى تعذريني هالفتره ما اقدر اكلمك بعد كذا الين تتحسن الامور وهالحين بمشي لانها امنتني ما اكلمك بس ماقدرت لان مافي مثلك والا اقدر اتجاهلك والا عرفت احسن منك

صدمتني بكلامها والله ما توقعت تفكيرها كذا بعدين وش الي انا بحب واحد كبر ابوي واعتبره مثل ابوي وين عقلها ذي واني خربت حياتها و كلام قالته لي صديقتي كان فظيع جدا عن تفكير امها

ودي اروح لامها واكلمها واشرح لها كل شي ودي افولها على السالفه من اولها لاخرها
اروح او ما اروح حسيت اني خربت حياتهم مع ان مالي ذنب

>>>>> ردود الأعضـــــــــــــــــــاء على الموضوع <<<<<
==================================


بارك الله فيك انك هديتي البنت المسترجله واعدتي لها تفكيرها السليم..
بس بخصوص امها...
ممكن اعرف اساسا ليش عندك رقم ابوها؟؟؟
يعني عندك رقم الام مافيها شي
رقم البنت مافيها شي
لكن رقم الاب ليش اخذتيه؟؟؟
هنا انتي غلطتي
ولو حتى لو انك تريدي تتكلمي معاه لانهم مايردون عليك(الام وبنتها)
كان المفروض تخليين ابوك يكلم ابوها
مايصير تكلمين الرجال..!!

اي لازم تروحي للأم وتعتذري وتقولي لها انك موقصدك تفرقي بينهم وبادري لاتخليها تاخذ نظره مو حلوه لك...


__________________________________________________ __________

انتي غلطانه المفروض ماتتصلين على زوجها
وتسالين عن صديقتك
من حقها تزعل حتى لو كان كبر ابوك
اذا فيه ترحيب بزيارتك اعتذري للام
وان لم يكن هنالك ترحيب انتظري
ولو زورتيهم لاتكلمين ابوهم
ابدااااااا


__________________________________________________ __________

هي خافت يتزوجك
يابنتي خلي علاقتك ببنتهم فقط وامها
ولو انتي حزينه ع الوضع قولي لصديقتك
انا حابه اكلم امك
كلميها واعتذري منها
وقولي كلام مختصر وحسسيها قد ايه
انتي متندمه انو انفهمتي غلط
ان قبلت اعتذارك كان بها
ماتقبلته برضو سويتي اللي عليك


__________________________________________________ __________

الله يفرج عليك


__________________________________________________ __________

وش فيكم اكلتوني عندي رقم الام وصديقتي والاب
بس صدقتي ما كانت تتصل من جوال امها ابدا كانت دايما تدق علي من جوال ابوها
حطتو الحق علي يعني ماشفتو اني كاتبه دقيت عليها وعلى بيتهم وما بغيت ازعج امها لانها كانت مريضه