عنوان الموضوع : إشتقت لأبوي -لصحتك
مقدم من طرف منتديات نساء الجزائر

إشتقت لأبوي



السلام عليكم ورحمة الله وبركاته

خواتي حبيباتي مالي بعد الله غيركم افضفض له اللي بقلبي

انا ابوي رحمه الله واسكنه فسيح جناته توفى
تعبت حالتي تعبانه نفسيا تعبت من الشوق وتخيلاتي له بزوايا البيت

اشوفه في احلامي واشوفه واتذكره قايمه قاعده

إشتقت له واللي خلق هالكون إشتقت لقعدته وسواليفه ونصايحه

دايما اتذكر آخر كلامه لي واتعب
اتذكر شكله وهو ميت وكيف كان وجهه جسد بلاروح اتعبني هالذكرى
وكيف للحظه هادي احسه حي مامات

يارحم إرحم ضعفي وقلة حيلتي وهواني على الناس

احيانا ماقدر اكمل القعده بوسط المجلس تدمع عيوني بذكراه

لاصار البيت فاظي والكل نايم اروح لمكان قعدته واتخيله حي واقعد اتكلم على الهوى

يارب إجمعنا معه في جنة عاليه قطوفها دانيه والمسلمين جميعا

خواتي وانا قاعده اكتب لكم الحين امسح دموعي وربي مادعاني للكتابه إلا كثرة الكتمان بقلبي مادري لمين اشكي


مابي ازيد هموم اهلي

تعبت إنصحوني باللي تقدرون عليه

من كان عنده فكرة مشاريع خيريه ولو بسيطه داخل البيت تكفون خبروني

دعواتكم لأبوي اله يجزاكم الجنه
الله يرحم موتانا وموتاكم والمسلمين اجمعين

من كان ابويها على قيد الحياة فلاتتوانى لحظه في برهما نصييييييحه من قلب فاقده

>>>>> ردود الأعضـــــــــــــــــــاء على الموضوع <<<<<
==================================


الله يرحمه رحمه واسعه .. و يجعل قبره روضه من رياض الجنه

والله العظيم إن عيوني دمعت معآگ .. الله على جبر الخواطر گريم

الله گريم ..


__________________________________________________ __________

اسأل الله ان يرحم ابي وابيك وان يرزهم الفردوس الاعلي
اللهم ااااامييييييييين
اصبر نفسي واياك بقضاء الله وقدره
ادعي له في صلاتك
انا مثلك بعد وفاته كنت اخطأ واقول يارب اشفيه وكنت ابكي
اللهم اسكنهم فسيح جناتك


__________________________________________________ __________

الله يرحمه ياقلبي والله ياقلبي كلنا بنفس المصير بس ايش نسوي هذه حال الدنيا واذا كان علي البكاء ياقلبي لازم نبكي واالرسول صلى الله عليه وسلم ف وفاة ولدو بكي ان العين لتدمع وان القلب ليحزن بس ابوكي يبغى منك الدعاء وتكوني رافعه راسو بعد وفاتو وتعملي له الخير وتتصدقي عنو وتحفظي عفويتك والله علي جبر الخواطر كريم ربي يرحم ضعفك


__________________________________________________ __________

الله يرحمه ويسكنه الجنة والله انج صيحتيني وقلبتي مواجعي انا ابوي الله يرحمه توفى من يوم وفاته ما جفت الهنى كان مرفد بالمستشفى واليوم الي كان بيموت فيه قال انه يبغا يشوفني بس ما اخذوني له مات وهو مشتاق لعياله وحياتي بدونه كريها مالي اخوان شباب وانا اكبر وحدة احس بعد ابوي مالي سند بهالدنيا


الله يصبرج حبيبي و يعينج اسفة طولت عليج


__________________________________________________ __________

اااااااااه اااااااااه والله نفس الحال بضبط حياتي صارت مالها معنى حبيبي دفن روحي معاه..
والله مايمر يوم الا وانا ابكي هو له 3سنوات والله كانها اليوم الله يصبرك ويصبرني يااااارب
والله كل ماسمع صوت المفتاح ع الباب اقوم وبعدها اذكر واجلس لانوكل مايفتح الباب اسبقه وافتحه قبل مايفكه..
الحين جدتي ماتت امه بعد سته شهور من فرقاااااه والله ماانصدمت وجدتي ماتت ولا حاسه بشي احس خلااااص اتبلد الاحساس
الحين مو مستوعبه الموت كل ماحد يموت بقول ايش يعني مات كاانس مجنونه

يارب يرحم ابوي وابوكي وجمعنى فيهم في الفردوس