عنوان الموضوع : اشيروا علي بارك الله فيكم مجابة
مقدم من طرف منتديات نساء الجزائر

اشيروا علي بارك الله فيكم



السلام عليكم ورحمة الله وبركاته:
باختصار انا بنت عمري 22 وقبل شهرين تقريبا او اكثر زارونا خالتي وبنتها علاقتي بهم عاديه جدا,المشكله انه وصلتني تلميحات من بنت خالتي وهي اكبر مني ب8 سنوات تقريبا انها تبيني لاخوها!!
وانا هالانسان ماعمري فكرت ارتبط فيه بيوم من الايام احسه مثل اخواني او بالاصح ما احبه ولا اكرهه ,كل ماجلسنا مع بعض تلمح وتتكلم عنه وانا احاول اغير السالفه او اشوف لي شغله واقوم ,المشكله مو اني بس ماتوقعت ارتبط فيه,انا ماعندي رغبه فيه اطلاقا ورافضه تماما الزواج منه,
وقبل تسافر فرشنا انا وياها بالليل بغرفه لوحدنا وقمنا نسولف لين وقت متاخر ودار بينا حوار طويل وكان من ضمن كلامها(راح ازفك بنفسي وتشوفين!!)
من يومها وانا قلقانه وعشان كذا ماعرفت افكر حتى اني لمحت لها برغبتي بس احس انه مافاد,وبما اننا قرايب بيكون الوضع صعب وعلاقة امي بخالتي والعايله بشكل عام ممتاز ماشاء الله واحس اني بوررررررطه ,بتقولون ليش ترفضينه,لي اسبابي الي منها اننا بعمر واحد وانا اكبر منه بشهر وابدا ما احب ارتبط بانسان مثلي او اصغر مني لان بنظري كل ماكنت البنت اصغر من الرجل كان افضل,وغير كذا هو شخص مو ملتزم وانا بصراحه احب ارتبط بانسان ملتزم يعينني على امور ديني,والسبب الاخر ويمكن يكون تافه وماله اهميه انه اسمر مني وانا ولله الحمد ماشاء الله فاتحه كثير وجميله,وكمان كانت لنا ذكريات مع بعض وحنا صغار كان احيانا يضايقني كثير وكان شخص هزلي جدا وبس يتريق ومايخلي احد بحاله واخاف انه على هالحال لين الحين!وانا هالشخصيه الي مثل كذا ماحبها,الله يغفر لي وله وللمسلمين
وكمان ما احب المنطقه الي ساكنين فيها ليش والله مادري,وللعلم احنا ساكنين بعيد عن بعض يعني كل عيله بمدينه عشان كذا مالي هاذيك العلاقه الي تخليني اصرح الي بنفسي,حتى ان كانت اسبابي مو قويه مره انا ما ابيه,ولافي بنت منهم بعمري ارتاح لها واقولها الي بخاطري,وغير كذا قلت استخير لكن سمعت ان الانسان مايستخير الا بشي هو محتار فيه وانا رافضه من الاساس,والمشكله انه توظف من سنه ماشاء الله وبعد كلام اخته حسيت ان بيصير شي واتورط والصيفيه هم يجون عندنا يصيفون كم يوم واخاف يصير الي خايفه منه,
هل اضحي بسعادتي ورغبتي على حساب علاقة العايلتين ببعضها لان يمكن رفضي يسبب مشكله؟
ولا ارفض والي يصير يصير,ولا ادري كيف راح تكون ردة الفعل خاصه من ناحية راي امي وهاذي مشكله بحد ذاتها؟؟
انا اكبر خواتي ولا اقدر اقول لامي عن هالشي واحس ان عندها علم بالموضوع لان اتصالات خالتي كثرت واخاف يكون بينهم شي وانا آخر من يعلم,لدرجة اني فكرت اسجل بموقع زواج مضمون عشان انخخطب بسرعه وارتاح!
تكفوووون شوروا علي هل في طريقه اسويها تخلصني من هالارتباط ولا استسلم وافوض امري لله,؟
اعتذر عالاطاله ,وبانتظار آارائكم بارك الله فيكم.:safgh:

>>>>> ردود الأعضـــــــــــــــــــاء على الموضوع <<<<<
==================================


انا برأيي ما تظلمي نفسك علشان سعادة الاخرين يعني ما حدا بيقدر يجبرك عليه لو شو ما صار لو انتي ما بدك اياه خلص
خلي العيلة يفهمو انو الزواج قسمة ونصيب مو بالغصب
عادي ارفضيه ولا تخربي بيتك بالنهاية انتي المتزوجة مو هم يعني بالاخر كل واحد حر بحالو وكل واحد الو نفسو نصيحتي ازا كنتي ما بدك اياه لا توخديه
اعملي المستحيل لتحقيق رغبتك
بتمنالك التوفيق
تحياتي


__________________________________________________ __________

اولا العمر مناسب اذا هذا سبب عذرك شهر ما يعبر شي ابدا
ثانيا حسب كلامك مو ملتزم وبصراحه اهذاا سبب قوي بس اذا انتي متاكدة فلا تظلميه وتظلمي نفسك
ثالثا الصغير مصيره يكبر ويعقل اكيد عقل شي طبييييعي
رابعا استخيري يا اختي والله غير ربك ما يحلها احد ولي رايده بيصير والمكتوب ما منه مهروب
استحيري وان شاء ربك انه خير


__________________________________________________ __________

ي اختي اذا ماتبينه ارفضيه ب اسلووب حلووو
بس انا انصحك اذا انتي مو متأكده من دينه واخلاقه انك ماتتسرعين في الرفض
خاصه انهم شكلهم شارينك يمكن تغير عن اول وصار افضل
تقولين كان هزلي يمكن بعد ماكبر عقل وصار ثقل الرجال
تأكدي من هالناحيه الله يكتب لك اللي فيه الخير
اهم شي يكون عندك قناعه باللي بتتزوجينه ..



...


__________________________________________________ __________

أولا أنا بشوف إنك أبدا مو مضطرة تبرري لأحد ليش مابدك ترتبطي بانسان معين،،
لان هاي حياتك انت وانت حرة فيها، انت اللي رح تعيشي معه انت مو حدا تاني غيرك
والزواج غير انه قسمة ونصيب هو حياة
يعني مو لعبة اجربها اذا ماعجبتني اغيرها
عشان هيك لازم تفكري منيح قبل ما توافقي على شخص
لان الزواج مافي لا مجاملات ولا جبر خواطر حتى لو كان من العيلة
ولا تضحي بسعادتك عشان سعادة الاخرين
اللي بيزعل اليوم بيرضى بكرة
واللي بيزعل لحاله بيرضى لحاله


موفقة


__________________________________________________ __________

فارق العمر مو بصالحك

خصوصا بعد 20 سنه

تخيلي الوضع

والدين مهم

انتي منتيب مجبورة ترمين نفسك

بمكان ماتبينه

عشان خاطر الناس

م اقدر اكلم امي هذي خليها على طرف

انتي تكلمي مع امك عن الكلام الي حصل بينك وبين بنت خالتك

وعن تلميحاته والي فهمتيه والي حسيتيه من كلامها

ومن خلال هالكلام بيني لامك عدم رغبتك فيه

ولوناقشتكي ناقشيها بالكلام الي قلتيه والاسباب الي وضحتيها

واكيد امك تملك الحكمه انها تنهي الموضوع بدون م تتأثر العلاقات العائليه


مواقع الزواج مابها الا عوير وصوير والي مابه خير

الزمي درب ربك والله يرزقك الي تبينه وترغبينه