عنوان الموضوع : هل انا حساسة -لصحتك
مقدم من طرف منتديات نساء الجزائر

هل انا حساسة



السلام عليكم ورحمة الله وبركاته


اخواتي انا ابغى اعرف طبيعة شخصيتي احس اني ماني واثقة من نفسي الثقة عندي

معدومة من كثر ما اسمع كلام من امي دايما اخدمها والبي طلباتها بس اتفاجئ لما الاقي ردة

فعلها لي وتعاملني كاني وحدة صغيرة ما افهم من ناحية تحمل المسؤلية زي كانها ما تعتمد

علي حتى جيت ابغى اسجل في الجامعة قالت لي ليش تخسرين فلوس انتي نساية وما راح

تجيبين مجموع عالي زي اختي عشان داخلة علمي وجايبة 99% نسبتها ودخلت الجامعة

الوحيدة عندنا يعاملوها احسن معاملة وما يطلبوا منها خدمة في البيت ومايكرفوها كرف زيي

انا انا خدومة احب الشي لغيري زي ما احبة لنفسي ما احب ازعل احد وما احب ارفض طلب

لاحد اذا طلب مني شي على طول البيه حتى ابويا يقول لها ها ايش تبين جوال جالكسي ولا

ايباد ولا ايفون ولا ....ليش لأنها جايبه مجموع عالي وبتحلل الفلوس اللي دافعينها الحين

بعد سنتين جاي يقولي ها ايش تبين جوال انا اخذتها في نفسي وقعدت ابكي وقلت ليش سال

فيني الحين وينه من اول الحين افتكر انه ما يبغى يفرق بيننا يعني وهي دايما تنتهز

الفرصة وابويا لما يقولها نفسك في ايش على طول تقول اما انا اقول حرام اكلف عليه

يادوب متحمل مسؤلية كبيرة لوحده وعددنا كثير ما شاء الله اقول ليش يعاملوني كذا مع اني

البي طلباتهم وينكرون ذا الشي فيني لكن ما يعترفون البيت كله بي باني اخدمهم ويردون

الجميل لي الصراحة انصدمت منهم لما سويت العملية ما لقيت الراحة التامة انا اتالم

وعيونهم تقول لي قومي اشتغلي بصراحة انا يمكن حاطيني في بالهم اني ضعيفة شخصية

لأني انا ماعندي لباقة في الكلام ولا فصاحة وانسى صرت كثير مو زي اول وصرت كمان ما

اسمع زي الناس اختي تقول لي روحي المستشفى ابغى اصير وحدة واثقة من نفسي دايما

يشوفون مني مصالحهم ويحقروني واذا عاملتهم نفس معاملتهم لي ينتبهون ويقولون ايش النجاسة

اللي فيك انا الصراحة احترت صار راسي كله شيب من التفكير وانا عمري 26 سنة اسفة عالاطالة

>>>>> ردود الأعضـــــــــــــــــــاء على الموضوع <<<<<
==================================


رفع
سبحان الله وبحمده


__________________________________________________ __________

استغفر الله العلي العظيم واتوب اليه ..
سبحان الله وبحمده ..
اللهم صل وسلم على سيدنا محمد ..


__________________________________________________ __________

شوفي ياقلبي ادا كانت أختك أكبر منك أكيد هي راح يسألوها قبلك ادا محتاجة شي
ماينفع يسألو الصغيرة قبل الكبيرة
تاني شي هدا الأمر في اعتقادهم تشجيع لك علشان تجيبي زيها نسبة عالية ويعطوكي هديتك
مشكلتك ماهي كبيرة
بس انتي اخدة الأمر من ناحية شخصية
ممكن اختك تحس زيك بس ماتكلمت
ممكن هي تتقبل الأمر بروح رياضية
حتى مع أهلك لازم ماتكوني ضعيفة < مش كل مازعلوكي رحتي جريتي وبكيتي
كدا تسوء علاقتك بيهم
بيفكرو انك تلمحيلهم انهم ضالمينك < ودا شي يزعلهم ويزيدهم
المؤمن القوي خير من المؤمن الضعيف
ادا تعبانة لاتشتغلي ارتاحي
بس ادا ابوك والا أمك طلبو منك خدمة شخصية لهم زي جيبي موية سويلي شاي سويها لوجه الله طاعة وبر
غير كدا شدي حيلك في دراستك حطي همتك كلها في الدراسة
لاتخلي كلامهم يحطمك بكرة ان شاءالله تتزوجي وتطلعي من عندهم
وتصير لك حياتك الخاصة
لاتخلي علاقتك فيهم سبب لفشلك
وخدي الأمور بإيجابية
ابوكي دامه اهتم وسالك ايش حابة أجيبلك معناتها مهتم فيكي كتير ليش زعلتي وبكيتي وهو سألك؟
انتي ماتشوفي اهتمامه لأنك تقارني بينك وبين أختك
لاتقارني نفسك بحد انتي لكي مكانتك وشخصيتك
دايما وفي كل عيلة فيه مفضلة < مش معناتها الباقي مهمشين
لأ
بالعكس انتي لكي مكانة والله أعلم يمكن يحبوكي أكتر وحدة ويزعلو عليكي أكتر وحدة
مو لازم يقولولك بالصريح مع الوقت والمواقف
بس مش واجب عليهم تكوني المفضلة يمكن أختك تعرف تتصرف معاهم وماتزعل منهم كتير
مش حلو كل شوي تزعلي من أهلك
حسني كلامك حسني علاقتك بيهم
ابدا لاتردي لأمك وابوكي بنفس الأسلوب
احنا مايحق لنا نتعامل معاهم ند بند
علشان الله يوفقك ابعدي عن المناقرة بينك وبينهم لاتجادليهم كتير
الأم والأب أكتر شي يزعلهم مجادلتهم
ربي يحنن قلوبهم عليكي ويوفقك في دراستك وتجيبي اعلى نسبة في العيلة .


__________________________________________________ __________




اهلنن =)

اول شي انا الي عجبني فيكك انك صبورة !
الصبر شيء جميييييل وحلو وخاصةً اذا كانت لوجه الله تعالي -> لانك راح تكسبي اجر أكثثثثر
وثانيًا ياحبيبتي وياغلاتي ترا المقارنه ((أبغغغغغغغض)) الاشياء عند الناس ! .. تدرين ليهه ؟
الحين انتي جربي، خلي اي احد يقارن بينك وبين مثثثلاً صديقتك ؟ وانها احسن منك وزي كذا ..
بالله مراح تحسين بالضيقه والقهر وانه حتى انا فيني ايجابيات مو بس هيا .. ويبدأ الحقد والقهر والصياح
(( المقارنه )) -> عدو كلللللل الناس ، مافي احد يتمناه ابدا -> خصوصن اذا كانوا بيتكلموا عن الطرف الثاني أكثر منكك ، غير اذا كانوا يبون يرفعون راسك ^_^ -> بس انا اقصد ف السلبياتتتت تت
وانا احسك رافعه نفسك شويه عليهم ؟؟ مدري بس حيت كأنك تقول: أنا أحسن من أختي أرتب وأنظف ولايعطوني أي شيء وولايهتمون فيني مع إني أحسن منها ....إلخ
حبيبتي مهما كان الاخت الكبرى ولا الصغرى ، هو بصرآحه لازم العدل لكن يمكن صار شي لاختك فخافوا عليها وزي كذا وبدؤوا يتجاوبوا معها أو يمكن (مدري الي فهمته من كلامك) لانه فاتها الزواج فخافوا عليها أكثر ف حطوا عينهم عليها يعني إنتي ماتدرين إش القصد ساعات بس كله يعتببر من خوفهم عليكم ويحبونكم !!!
ولاتصيرين مرة حساسه لانه يكـرّه الي حولها انا مدري بس احس نفسها قصييييييير . .

آخيرًا أحب أقولك نصيحه . .
إنتي لاتشتغلين عشان تلفتي الإنتباه أو عشان شي في بالك ، لوجه الله وبسسس . .
ترا انا مثلك اشتغل واتعب وساعات اصيييييير بارده ومافيني اشتغل وكذا يعني طبيعتنا ونتعب وعادي ،
بس اذا اشتغلت اخلي النيه لله كل هالتنظيف والتلميع والتفحيط (خخ شطحه) لله لا لغيره مع إن خواتي يتريقون وكذا (إيه لمعيها لي.. هذي كاستي ولا ابي فيها وصخ) وكلام عاد انا ارد عليهم واستهبل يعني عادي خلي روحك رياضيييييييه وفليها ووسعي صدرك وعيشي حياتكك ولاتنتظري من احد شي تراه مرة متعببب
وآن سالك أبوك وش تبين عادي قوليله واذا مرة مرة خايفه انك تتعبيه وكذا قوليله شي وسط لا رخيص مرة ولاغالي يعني خلي لك رأي وشخصيه بسسسس بتواضع ونفس وسييييييييع .. لاترفضي مهما كان !
والله يوفقكك ي عسسل ويسعدك =))


__________________________________________________ __________

كيف نتعرف على شخصياتنا وكيف نقرر اننا معقدين او اسوياء وكيف نختار اصدقائنا وهل من الخطأ ان نصاحب مئات الناس ام انه شيء محبب اجيبوني لان الاصدقاء كثيرون ودائما ما افكر في الابتعاد عنهم لانهم قد يهملوني احيانا