عنوان الموضوع : (فشلة اخوي مع زوجي )..!! -لصحتك
مقدم من طرف منتديات نساء الجزائر

(فشلة اخوي مع زوجي )..!!



السلام عليكم بنات سيدتي

بنات انا صارت معي سالفه قبل ثلاثة ايام وابي منكم الحل


انا متزوجه واخوي الكبير يعني معتمدين عليه يالبنات في كل شئ هوه متزوج وعنده عيال الله يخليهم له

السالفه زوجي قال لاخوي هذا ابيك بكره تروح وياي شاهد على ارض قال اخوي طيب

المهم على الساعه 12 في الليل اخوي اتصل علي وقال فلان يقصد زوجي قالي ابيك تروح معي تشهد على ارض وانا ذكرت بكره عندي موعد في المحكمه

فقلت طيب فقال انا مستحي من زوجك بس اذا اتصل علي صباح ماني راد واتصل عليه عصر واقول راحت علي نومه

وانتي اذا سالك قولي محد صحاه ونام فقلت طيب فقال ايوه فضيحه اقول عندي موعد في المحكمه اقوله امس خلاص اروح واليوم اقول موعد

فقلت طيب اذا سالني اقول نام

المهم قام زوجي الصباح وانا نايمه اصلا واتصل علي اخوي مارد عليه وراح

المهم قمت الظهر جاء زوجي وخلص الارض حقته ومدري شو المهم فقال ياشيخه فلان يقصد اخوي اتصلت عليه مايرد شكله نايم (لان اخوي معروف بنومه الثقيل)
فقال زوجي انتي ماتدرين عنه فقلت لالا هوه اصلا اليوم عنده موعد في المحكمه
وربي يابنات طلعت بدون قصد عفويه فقال كيف وانتبهت فحاولة اتحرب حاولت اصرفها مو راضيه فقلت له فقال طيب ليش مايرد علي يوم عنده موعد امس مواعدني واليوم مايرد علي

فقلت يمكن ماانتبه للجوال المهم حاولة امشيها اتصل اخوي على زوجي العصر وانا عند زوجي فقال زوجي ياشيخ وربي ماتستحي اتصل عليك ماترد علي فقال اخوي انا كنت نايم فقال اختك عندي تقول عنده موعد في المحكمه المهم اخوي صرفها انا تضايقة وقمت

بعد المغرب اتصل على اخوي وربي مايرد البارح رحت لامي لان اخوي ساكن فوق في العماره

فقلت وين فلان اخوي فالت توه طلع الحين فقالت امي له اختك تتصل عليك عاد انا قلت لامي من قبلها انه مايرد علي فقال هيه وش فيها اقول لها وتروح تفضحني مع الرجال لعاد تتصل علي ماني فاضي لها هيه مسويه واقفه مع زوجها خلاص خليه ينفعها انا مالي شغل فيها


وربي يا بنات مصدومه من رده وانا بصراحه استاهل

وش اسوي ابيه يرضى عليه وربي تعرفون معزة الاخ الاكبر واعتماد الاخوات عليه بكل شئ

ابي نصيحتكم

>>>>> ردود الأعضـــــــــــــــــــاء على الموضوع <<<<<
==================================


الله يهديكي انتي غلطي انك قلتي لزوجك بس زي ماقلتي زله لسان روحي لأخوكي بيته وبوسي راسه وفهميه السالفه وان شاء الله تنحل الامور


__________________________________________________ __________

الله يعينك من جد بس حاولي ترسلين مسج لاخوك ووضحي فيه السالفة وأنها بدون قصد والله يصفي القلوب .بس بصراحه وبدون زعل انتي غلطانه وحستي الدنيا ههههههه لازم تركزين لأنك عارفه بعض الرجال بيفهم غلط وان أخوك مهب عند كلمته بس بنظري ان المشكله مو كبيره لهالدرجه والله يسخر بين القلوب


__________________________________________________ __________

ردة فعله طبيعية..
حس انك وقفتي مع زوجك ضده
ولأنك ماكلمتيه ف ماعرف شنو صار معك بالضبط
وضحي له لو شفتيه
والله يهديكم




سبحان الله وبحمده سبحان الله العظيم
استغفر الله ربي واتوب اليه


__________________________________________________ __________

لاتخافين انتي قولي ﻷمك إنها زلة لسان
وهو راح ينسى
بس هو الحين زعلان ومتفشل
والله خبطني بطني يوم قلتي الحقيقه لزوجك
كلنا يصير معنا كذا وهو أخوك نفسه خلي أمك تقوله انت ياولدي
ماعمرك زليت باللسانك
الله يهدي سركم ويرجعكم لبعض زي أول وأحسن
وانتي إذا جا وشفتيه حاولي اتذكرينه بموقف مضحك خاص بينكم لمن كنتو صغار
وخليه يضحك ههههههه
بالتوفيق


__________________________________________________ __________

الموضوع ما هو مستاهل كل هالكذب الذي ادى للحرج

يعني اخوكي عنده موعد في المحكمة المفروض بس تذكر اتصل على زوجك وحكاله

وانتي المفروض ما تساعديه على الكذب

يعني ايش كان رايح يصير لو حكاله انه عنده موعد