عنوان الموضوع : ندمت بس خلاص اتورطت
مقدم من طرف منتديات نساء الجزائر

ندمت بس خلاص اتورطت



ايوه انا زواجي كان ورطة حياتي
اتزوجت عشان اخلص من لسان ماما بس لسانها اهون من اللي شفته
اهلي ناس مرة على قدهم ساكنين في بيت مرة صغير وشعبي مرة مو حلو
بس لمني وسترني عمري كله
تقدم لي واحد مستواه طيب وعمره مناسب ماصدقت على طول وافقت
مع انه مو من طبقة مرة راقية بس يعتبر مستواه كويس راتبه 9000والبيت ملك

المشكلة انه يحتقرني مو من بعد زواجي لا من يوم زواجي اول ماشافني
شمق وقالي اش هدا تفجعي مع انهم كلهم مدحو شكلي
انا مو مرة حلوى بس مقبوله والله كسر بنفسي حتى صور بالعافية
اتصور معايا وكلها وهو معصب
اغلب الناس قالو بعد الزفة ليه هو مغصوب
المشكله انا ماانفرضت عليه ولا احد غصبو عليه بس مدري ليه
كدا يسوي
المهم رحنا البيت العروسه يوم زواجها تكون اميرة انا لا
في السيارة كان بيرفع صوته عليا
حتى في العلاقة الحميمة والله مافي دلع
ومن تاني يوم صحيت قلي انزلي لاهلي ونزلت وسابني من المغرب
لحد الساعة 1 وهو مع اصحابه انا مهما كان كنت لسه منحرجة وهما
ماساعدوني اخد عليهم بس ساكتين تخيلو كم ساعة واحنا ساكتين
طفشت هدا تاني يوم وباقي الايام نفس الشي باختلاف المعاملة للأسوا
غير دخولي للمطبخ من تالت يوم وهات ياطبخ وغسيل صحون وقدور
وانا اقول كيف انفصل اش حيقولو الناس
انا صح فقيرة بس من حقي اسمع كلمة حلوى
من حقي ادلع من حقي حاجات كثيرة انحرمت منها
انا كنت عند اهلي بلبس احسن لبس كنت اجمع عشان اجيب شي محترم
دحين مالبس الا شي يمشي الحال بحكم انو مايوديني السوق
الا بالمضاربه وارجع وانا شاريه اي كلام تخيلو يديني مصروف 300
ومنها اقضي لنفسي اللي ابغاه عمره ماحاسب عني يقولي انتي بخيله اشتري ماركة
اقله الماركات ادا جابتلي بلوزة ماحتجيب الجنز
ادا كان نفسي في شي ما يجيبه ليا حاسه اني محرومة وانا متزوجة
واحد مقتدر
يعايرني يعايرني يعايرني باهلي وبمستواي
انا مابغى اطلق بالدات اني خلفت منه
بس اش اسوي كيف اكلمه واتعامل معاه
انا لسه ماكملت سنتين وكدا حالتي كيف بعد كم سنه

انا مانكر بسبب اسلوبه ماصار عندي اسلوب
فقدت الثقة في نفسي والله صرت مااعرف اتكلم وبس اخلاقي تجاريه
اهلي ما حيتحملووووني ماصدقو افتكو
اش اسوي؟!!!
ساعدوني بحل

>>>>> ردود الأعضـــــــــــــــــــاء على الموضوع <<<<<
==================================


السلام عليكم

الله يوفقك ويعينك ويصبرك

حاولي تدوري على شنو الششي اللي يحبه وسويه

مثلا اكل لبس خليه يختار لك اي شي على ذوقه

حتى اقلها لو انتي تحاسبين

ولا تبيني له انتي مزعوجه منهالتصرفات

في العلاقه الحميمه تدلعي واكشخي وسوي وتفنني ودوخيه

في الطبخ اطبخي شي غريب لذيذ حاولي توكليه بيدك

غيريه صدقيني الرجال محتاج تدلعيه زي الاطفال ويتغير

ولاتكثري طلباتك عليه ولاتتشكي له

اتمنى لو قلت كله من كلميتين صح

لاني ماني متزوجه اصلا ادعي ليي بالزوج الصالح والستر


__________________________________________________ __________

الله يرزقك بالولد الصالح يارب
كل اللي قلتيه سويته
ساعات اقول عشان ما حبني مايشوف اي تضحية اسويها


__________________________________________________ __________

افضل شيئ لهذا الرجل شليه من راسك حطي همك فشيئ موفيد داومي علي الصلاه والصوم وطول مانتي صاحيه استغفري باستمرار وادعي باستمرار دعوة المظلم ليس بينها وبين الله حجاب وفكري فانك تشتغلي ويكون لكي دخل لحالك وثقي فنفسك جدا طول مانتي شايفه نفسك جميله الدنيا كلها هتشوفك اجمل واوعي تخليه يفقدك ثقتك بنفسك واهتمي بنفسك كثيرا فحدود امكانياتك اهتمي ببشرتك بشعرك بجسمك ثقفي نفسك دينيا وعلميا اعملي تمارين رياضيه في المنزل باستمرار داخل المنزل ضعي مكياج وبرفان والبسي ملابس ناعمه رقيقه وخلي البيت باستمرار نظيف ومرتب رائحته زاكيه واذا طلب منكي النزول عند اهله تحججي انك لبسه ملابس لا يصح احد غيره يراكي بها او انك عند شغل بالبيت او انك مريضه او تعبانه وعايزه تنامي افرضي عليه باي طريقه زكيه وجودك فحياتو وفبيتك
ولو احتجتيني فاي مشكله اخري هتلاقيني فمجموعة حل المشاكل بانوعها


__________________________________________________ __________

لاتحسسيه انك فقيره الغنى غنى النفس الفقير الله يغنيه ماتدرين الدنيا دواره المفرووض مايعايرك بس انتي ماعليك واصبري مأجوره بآذن الله


__________________________________________________ __________

ايش اللي تطبخ له وتهتم فيه وتدلعه؟؟؟
هو ناقص دلع أكتر من كدا
حبيبتي انا اقولك سبب مشكلتك الأساسية واللي أغلب البنات يطيحو فيها ادا ماكان الكل
عيوني اهلك زي ماعشتي عندهم وشالوكي وحطوكي في عيونهم وزوجوكي ولامنعوكي من شي
اقل جميل ترديه لهم سمعتهم الحلوة قدام زوجك
لاتستغربي
انتي بينتي له انك ماتقدري تستغني عنه لأن أهلك مستواهم قليل
ليش تقللي من قيمة أهلك قدامو
هو اصلا أخدك من فين؟ مش من عند أهلك؟
أجل حسني صورتهم كتير قدامو
لاتبالغي ولاكن حسنيها على قد ماتقدري
وبيني له إنك تقدري تستغني عنه وبإمكانك ترجعي بيت أهلك معززة مكرمة
ايش التفكير السطحي دا الله يهديكي
وبعدين تقولي مستواه طيب؟
ماشاءالله زوجك مبسوط بالنسبة للأيام دي
9000 تفتح بيتين حبيبتي
وايجار
مابالك انو مايدفع ايجار
احمدي ربك لعلك نسيتي تقولي الحمدلله على كل مابتلاني فيه
وبعدين ماضربك على يدك
انتي انصعتي له بكل ارادتك
طبخ ونضافة؟
قوليلو انا تعبانة وعندي طفل أربيه جيب لي شغالة
لاتنضفي البيت كل يوم
خليه يعفن مارح يصير شي واطبخي أي شي بلا تفنن بلا كلام فاضي
بيني انك مش فاضية للنضافة والطبيخ لأنو عندك اشياء أهم
مانتي سويتي كل شي ومانفع
جربي شي جديد
عليكي بنفسك وطفلك عيوني
كرمي نفسك يكرمك
اما انك منتقصة نفسك وتبغيه يحطك في عيونو
اسمحيلي مافي رجال بالطيبة دي والشهامة
انفضي عن نفسك الخوف والخجل
وقومي قومة وحدة واتغيري لساتك اول حياتك لاتضيعيها
ماكتبتي مشكلتك هنا الا وانتي بحاجة لمساعدة
وماحد بيساعدك غير دهائك
بالنسبة للمصروف ادا اعطاكي اي مبلغ احمدي ربك واسكتي
بس لايرجع ويلاقي باقي معاكي منه شي
سوي انك صرفتي كل قرش لأنك محتاجة اشياء كتير والفلوس ماتكفي
خليه يفهم انك محتاجة اكتر
واجهيه بكل الكلام اللي كتبتيه هنا ولاتخافي لاسمح الله مد يدو فيه شرطة حبيبتي وفيه أهلك أول ناس حيوقفو معاكي
مافي حرمة ماتخاف من الطلاق لأنو يكسرها بس عالأقل لاتبيني علشان لايذلك أكتر
ادعي ربك يقويكي وينزل عليكي الأمان
وبعدين مش لازم تكوني حلوة علشان يقبل فيكي
أهم شي تكوني مهتمة بشكلك وريحتك ودلعك
أبدا لاتخليه يخرب عليكي شبابك بكرة تكبري وتندمي عالسنين اللي ضيعتيها وانتي تترجيه
وادا جا من برا لاتسوي انك في انتضارو طول الوقت اللي غايب فيه
وادا اتصل لاتردي من أول اتصال خليه لين ينفجر بعدين ردي وقولي كنت مشغولة
اشغلي نفسك بجد
الله يهدي زوجك ويصلحه ويسعدك معاه.