عنوان الموضوع : ادخلو ابغا افضفضلكم مجابة
مقدم من طرف منتديات نساء الجزائر

ادخلو ابغا افضفضلكم



السلام عليكم
كيفكم
اليوم حابة اطرح مشكلتي الي بجد تعبتني بس الحمدلله انحلت بس حابة افضفض
انا متزوجة من اربعةسنين بس
وزوووجي بخييييييييييييييل لدرجة مو طبيعية
انا حلفت اول ماتزوجتو وعرفتو بهذا البخل اني ما احمل بس ارادة ربي خلتني احمل بعد خمسة شهور من زواجي صدقوني لمن عرفت فرحانة وزعلانة فرحانة اني حسير ام وزعلانة لانو ماحيصرف عليا ولا على الي بطني
لمن عرف قال خلاص كملي ستة شهور واسفرك وكملت ستة ونص مو بس ستة وقال لا مني مسفرك وانا زعلت وقلتلو لاتوعدني بشي بعدين تخلف وعدك تسير منافق قلي انا منافق عندك شي ؟؟بصراحة رحت غرفتي سرت ابكي من قلبي الحمدلله انا مو ناقصني شي ومعايا شهادة طب وسافرت مع بابا وماما بلدان كتيير بس ليا نفس اروح مع زوجي
كملت عشرة شهور وولدت وجبت ولد الله يحفظو مرررررة حلو ابو شافو قلي خلاص وعد مني دي المرة اجبلك الي تبغي
قلتلو لاشكرن ما ابغا منك شي قلي خلاص انا وعدتك قلتلي اجل خلاص خليني اكمل نفاس وسفرني بريطانيا قلي بلا بريطانيا بلا لندن ماليكي غير دولة عربية قولتلو خلاص لاتسفرني شكرن وما ابغا منك شي المشكلة زوجي ربي فاتحها علي يشتغل كابتن طيار ومايبغا يصرف ع البيت
تخيلو ننزل نقضي مقاضي البيت 450 ريال بس اقولو مايكفي يقولي لو سارت 451 ارد من العربية كنت قابلة دا الشي وصابرة قبل لا اولد بعد ماولدت سار لازم حليب وحفايض وكريمات وحال الاطفال اقولو بس خلينا نقضي ب1000 قال لا انال قلت 450 وسار يزعق قولتلو طيب انا معايا شهادة طب ينفع اشتغل خليني اروح اقدم قلي والله عاااال هوا الي بقي حرمة تشتغل قولتلو ايش فيها قلي روحي كلي هوا شغل مااافي انا رحت عند اهلي زعلانة واخدت الولد وكان عمرو 3 شهور سوا شر وخاصم وقال ليش تروح وماتجلس في بيت زوجها قولتلو لمن تبطل بخل ولا خليك بخيل بس خليني اروح اشتغل قال لا
يعني الحمدلله ربي فاتحها على زوجي كتييييييير البيت ملك مو ايجار والحمدلله ماعندو ديون وسيارتو كاش مو تقسيط يعني الحمدلله بس هوا مهو راضي يفهم انو سار عندي ولد والله احيان ابكي على ولدي ماعندو ملابس كتير زي كل الاطفال وسخو على طول اغيرلو اااااااه بس اهلي سارو يجيبولو ملابس وشراريب هدية يعجبكم كدا وزوجي كابتن طيار
المهم رجعني غصب عني من بيت اهلي وانا مارضيت واهلي مارضيو قال ياتسير كريم ولاخليها تشتغل وتصرف على نفسها مهو راضي قال شغل ماااافي جلست تلاتة شهور عند اهلي سار عمر ولدي 6 شهور ونص وكان مايسال علينا لا انا ولاولدو وانا كنت كل يوم دمعتي على مخدتي وقلت والله لو ماعندي ولد كان اتطلقت من زماااان المهم بعد تلاتة شهور اتصل وقال هيا خلاص ارجعي بيتك قلتلو مني راجعة خلاص قال خلاص والله وعد مني اسفرك قولتلو ههااااااااي اكتر من مرة وعدتني واخلفت وعدك ودحين بسافر مع اهلي نيوزيلاندا قالي اا اوديكي قولتلو لاء قال طيب ارجعي بيتك بشروط انا موافق
وقلت لبابا واخويا على دا الكلام قالو لالا مافي دا ماحيتغير قولت الله يخليكم بس نشوفو قالو قولنا لاء وانا سرت ابكي ضغط من اهلي وضغط من زوجي بعد اربعة ايام اتصل قال ها ايش قلتي مارديت علي قاعد يقول الوو قولت والله مدري لدحين ماكلمت اهلي قال كلميهم بسرعة كلمت ماما تقنع بابا واخويا اقنعتهم وقال طيب خلي يجي بكرة كلمتو وجا معا تذاكر سفر بابا قلو بنتي مهي محتاجة وقطع التذكرة وقال خلاص غصبن عنك تطلقها انا سرت ابكي وقولت لبابا خلاص انا موافقة على بخلو خلاص قال لا وانا خايفة من الطلاق على ولدي قولتي بابا الله يخليك خلااص ابغا اروح معا قال قلت لاء وزوجي راح وسحب ولدي مني وركب سيارتو وراح وانا يغمى عليا جاني انهيار عصبي واقول لبابا الله يوفقك خلاص ارحمني انا ابغا بخييل ما ابغا يصرف عليا قال انا قلت لاء قلتلو هادي حياتي مو حياتك قال ازا بتروحيلو انسي انو عندك اهل وربي سمعت دي الكلمة خلاااص احس اني بنتحر بعد ماخرجت من المستشفى اتصلت علي قلتلو تعال خدني ولاردلي ولدي قال قسم بالله ولدك ماحيرجعلك رحت قلت لبابا سار يخاصمني وقام يبغا يضربني قال ليش كلمتني وكنت كل يوم ارسلو انو يرد الولد لانو مافي احد يرعا بعد اسبوعين اتصل وقال بقولك شي بس لاتزعلي قلت ايش قال انتي طالق سرت ابكي ع الجوال قلتلو ايش سويت قال ماسويتي شي بس عشان لاتنضغطي مني ومن اهلك وانا حخلي الولد تلاتة اسابيع عندك واسبوع عندي انا سرت ابكي قام فصل في وجهي بكيييت بكيييت احس معد في دموع دخلت ماما قالت ايش في قلتلها طلقني قالت خلاص الحمدلله وانا قلت انتو تشوفو الحمدلله لانكم منتو حاسين انا عندي ولد قالت خلاص ربي طلقكم احمدي ربك وسرت اخاصم وازعق دخل بابا قال ايش في قالت مااما طلقهاا بابا قال يووم الهنا انا سرت ابكي واخبط سرت زي المجنونة وبابا وماما قالو خلاص نامي لاني كنت مني نايمة اسبوع كامل حطيت راسي ع المخدة وعلى طول نمت صحيت لقيت نفسي في المستشفى قلت ايش في قال مافي شي واشوف ماما تبكي واخويا وبابا يطالعو فيا بنظرة حزن قلت ايش في واحس اني مني قادرة اتحرك محد راضي يرد غمضت عيوني وسرت ابكي بعدين ماما وبابا خرجو وكان في خالد اخويا قلتلو تعال قلي ايش في الله يوفقك هوا ماكان راضي يقول زنيييت علي قلي جاكي ضغط وسكر طالعت في وحسيت الدنيا تدووور وسرت ابكي وقلت الحمدلله على كل حال سمع زوجي بدا الكلام جا انا من يوم ماشفتو راسي احسو بينفجر جاني وسلم عليا قالولو اطلع انت طلقتها قال للنيرس اعطيني الولد جابلتو الولد واعطاني هوا وقلت لمااما قوميني قالت خليكي مرتاحة قولتلها انا اكون مرتاحة لو تسمعو كلامي قومتني وحضنت ولدي ورضعتو قولتلو حراام عليك من كان يرضعو قال انا كنت اسويلو حليب قلتلو حررام عليك لساعو صغير بابا وماما وكل الي فالغرفة خرجو مابقي غير انا وزوجي قلي انا ابغا ارجعك ماقدرت اعيش من دونك قلتلي انا مو لعبة بين يديك قلي صدقيني ندمان قولتلو افكر واردلك جواب خرجوني تاني يوم من المستشفى قولت لبابا خلاص الله يخليك ابغا ارجع لزوجي حضني وقال روحي الله يرضى عليكي وودعت ماما واخواني ورحت المحكمة رجعني وسرت زوجتو رجعت لقيت البيت متغير كان ولدي نايم قالي دخلي غرفتو حطي في سريرو قلت طيب وانا خارجة جا من ورايا وحضني وقلي ماقدرت اعيش بدونك يانور دنيتي ابتسمت وقلتلو انا كماان شغلي اغنية يلا ننسى الي حصل ونجعل الدنيا امل ونفرح ببكرة سوا طبعا البيت غير كل فرشو وكان الفرش الجديد جناااان وقلي يلا ندخل غرفة النوم قلت طيب دخلت لقيت هدايا وتذكرتين سفر لبريطانيا حضنتو وقولتلو الله لايحرمني منك قليي وانتي كمان وباسني وقالي يلا جهزي بقي اسبوع ونسافر قولتلو طيب فين نحط حمودي قلي اعطي لامك قولتلو طيب وانا في نفسي ما ابغا بس تجنب للمشاكل عبيت ملابسي وملابسو وسافرنا قعدنا شهر وانا قلبي بيموت بشوف ولدي لمن رجعت بانت عليا اعراض الحمل رحت حللت طلعت حامل في اسبوعين قلت الحمدلله زوجي ماسار بخيل وسرنا نقضي ب3000 ولا4000الحمدلله الله لايحرمني منووو ولامن بزورتي
ادعولي ربي تمملي على خير انا دحين في الشهر الخامس
معليش ع الاطاااالة

>>>>> ردود الأعضـــــــــــــــــــاء على الموضوع <<<<<
==================================


الحمدلله والشكر يا حبيبتي على كل حال انتبهي على نفسك وصحتك وربي يهدي سركم
ولايغير عليكم الا للاحسن ويألف بين قلوبكم ويتمم حملك على خير ويخليلك كل اللي
يعزوا على قلبك ترى الدنيا ماتسوى حافظي على صحتك ودايما استغفري وصلي على النبي
ترى الاستغفار مره طيب وان شاء الله تملي البيت اولاد وبنات وربي يباركلك في حياتك
شدتني جدا حكايتك بس الأهم انتى تكوني طيبه وبخير
تقبلي ودي وورودي أختك
ونة خفوق


__________________________________________________ __________

مشاء الله الحمد لله
الله يتمم حملك


__________________________________________________ __________

الله لايغير عليكـ ياقلبي ويخلي لك ولدكـ والي في بطنكـ


__________________________________________________ __________

الله يتمم عليك يارب ودوووم ان شاء الله مبسوطه

بس يا قلبي هذا قسم مشكلتي

؟؟؟ صح ولالا


__________________________________________________ __________

الله يوفقكم ولا يغير عليكم
وانتبهي على صحتك