عنوان الموضوع : سجنت حبيبي الطبيب يجيب
مقدم من طرف منتديات نساء الجزائر

سجنت حبيبي



السلام عليكم ورحمه الله وبركاته

قرأت الكثير من المشاكل والقصص البنات في هذا المنتدى وتأثرت كثيرا في اغلب القصص واليوم اريد ان اسرد عليكم قصتي

انا فتاة جامعية عمري 21 سنه وانا عمري 15 سنه حبيت ابن الجيران وحبني " حب مراهقه" كنا انشوف بعض من بعيد لبعيد والصدف لما انروح من المدرسه وهيك وبعدين اهله نقله مكان بيتهم وبطلت اشوفه ولا يشوفني هيك حتى صار عمري 17 كنت في المدرسه يلي كانت مرت اخوة فيها في يوم اجت كلمتني وظلت وراي تقنعي في احكي معوو وانا كنت ارفض وبشدة حتى اقنعتني احكي معه ع الايميل فوافقت وبعدين بدأت بالمحادثات الهاتفيه هو كان اكبر مني بسنتين بس معروف بالبلد انو شخص سئ ومو منيح بس انا كنت احكي انو هو مو منيح مع كل الناس الا معي كان حنوون جدا وكان دايما يحسسني بأنوثتي المهم امي مرة اكتشفت اني بحكي معوو وبهدلتي واجى طلبني اكثر من مرة وهم ما يوفقو لانو شخص خريج سجون سئ جدا وتوقفت بطل بينا تواصل المهم دخلت الجامعه انا وبنت خالي كنا صديقات يوم من الايام صار يتصل ع جوالها وانا متت بدي اعرف كيف عرف رقمها كان يحكي معها ويسالها عني وكان يزن عليها بدو يحكي معي من جوالها بس ما كنت ارضا وارفض المهم مرة عرض عليها انو يدفعلها 4000 ريال مقابل رقمي وطبعا هي حكتلي ورفضت وهي رفضت مرت اشهر ع الحال وانا كنت استحي من بنت خالي انو بيتصل عليها وبذايقها وانا السبب وكنت احكيلها غيري رقمك واترجها وهي تقلي بكرة وبعده وما ردت وبتحكيلي انا ما بقدر اغيرة كل صديقاتي بعرفن رقمي المهم حكتلي انا بطلت استحمل الوضع اشتريلك شريحه غير شريحتك واحكي معو واتفاهمي انا ما خصني المهم شريت شريحه وصرت احكي معو بجفاء واترجاه انو ما يتصل فيني ولا ع بنت خالي وهو ما يرد يتصل باليوم 100 مرة وكنت اسكر الجوال الاقيه متصل ع بنت خالي صرت اصرخ عليه حكالي اوعدك اني ما اتصل عليها بشرط تصيري تحكي معي بس 10 دقايق قبل ما تنامي ضغط علي كثير وباخير وافقت وياريتني ما وافقت لان 10 دقايق صاروا ساعه وساعتين وبطلت استغني عنو ولا يستغني عني كان ابعتله مسجات حب وغرام وابعتله صوري ويبعتلي صورة وكان يجي يشوفني من شباك غرفتي كل فترة وكان يضل يعرض علي اني اهرب معو لانو اهلي ما راح يوافقو عليه وطبعا انا ما اوافق صح اني خنت ابوي بس والله اني مستعده اموت لاجلهم والله هم مو مقصرين علي بشي وسالته كيف اعرفت رقم بنت خالي صار يحكيلي مرة هي سرقت الرقم من جوالك واتصلت في انا انصدمت المهم ومشت الايام وع الحال ويجي يوم يقنعني اطلع معو واطلعت للاسف كان يوم حلو كتير "ولكن بعدها ما شفت يوم حلو" وفي يوم من الايام اجى عند شباك غرفتي ويشوفه اخوي ويجي اخوي ع غرفتي بسرعه واعمل حالي نايمه مع اني كنت ارتجف من الخوف ويناديني وانا ما ارد اخذ تلفوني والا حبيبي يتصل واخوي يرد علي اخوي بدا بضرب في وانا احكيله انا ما بعرف انو عند الشباك حكا ابوي البسي هلآ بدنا انروح ع اشرطة ومنشتكي عليه انو بتلصص عليكي وانا اعيط ما بدي واترجى امي ولا يتصل ابو الشب ع ابوي وابوي يحكيله مش عيب ابنك يجي ع دور الناس ويتلصص ع بناتهم ابو الحقير حكا لابوي روح شوف بنت قبل يومين وين كاينه مع ابني وحكاله بنتك بتظلها تيجي ع امو تترجاها انها تزوجهم حط كل الحق علي" والله عمري ما شفت امو ولا حكيت معها بدا يكذب ع الساني "انا ما صدقت انو قال لابوي ابوي انجن المهم انا اعترفت لاهلي كل شي وحكتلهم انو عنده صوري ومسجاتي انا قعدت شهر ما اكل ولا اشرب انحشرت بغرفتي وحتى ما اطلع بنت خالي استغنت عني وصارت تحكي عني بين الناس وهي كانت السبب المهم مرت شهر وحتى التقى اخوي فيه يوم باب دارنا كاين هو بدو يزور ناس جيرانا واخوي ما قدر ايشوفه وبدا طوشه بينهم واتجمعت الناس انا شفته من الشباك وهو شافني ولما شافني صار يضرب باخوي اكتر رحت بسرعه حكيت لابوي وابوي فزع عليهم المهم هو الشب صار يصرخ ويحكي والله لاحرقك وجه اختك بميه النار والله ما اخليها تتهنى والله لانشر صورها قدام الناس" كل هذا عشان ما ارضيت اني اهرب مهو واتزوجو من وراى اهلي" وانا طبعا الله يعلم بحالي والله ما كانت تنشف دمعتي لاني حبيت واحد حقير ما يستاهل وهيك ومر شهرين والا نسمع انو انسرقن محلات ابوي وقعدو اهلي يفكروو مين العمل هيك وانا اعيط واحكيلهم اكيد هو اكيد هو وبعد يومين الشرطة تمسك الحرامي وترجع كل بضاعه ابو الحمد لله والله انو مال حلال بس بعد يومين والحرامي هو حبيبي واخوانه وهلا هو مسجون صار الو 8 اشهر يارب يارب يضلو في السجن وما يطلع منو قد ما ظلمني وضحك علي يارب والله اندمت ندم شديد وبظل استغفر ربي والله ما اقدر انام ومر ع الموضوع سنه خايفه يطلع من السجن وترجع القصص من اول وجديد انا لحد هلا عزباء مع انو بيجيني عرسان كثير بس امي بدها تزوجني واحد واقلع عيون الناس يلي حكت عني
ويارب ارزقني بزوج هينا لينا مرفوع ذكرة بسموات والارض يارب
يا بنات معكم حق تحكو عني شو ما بدكم بس ما بدي منكم الا تدعولي

>>>>> ردود الأعضـــــــــــــــــــاء على الموضوع <<<<<
==================================


الله يستر عليك ويبعد عنك الشر ويرزقك ابن الحلال للي يسعدك


__________________________________________________ __________

الله يستر حبيبتي اذا تبتي الى الله توبه صادقه الله ما بيخيبك .ارجعي الى الله وما بعد العسر الا اليسر والله
يرزقك بالزوج الصالح


__________________________________________________ __________

الله يستر عليك هذي نهاية التعارف بدايتها عشر دقايق ونهايتها سجن وكلام كثير حبيبتي البنت مافي عندها اعز من الشرف ازا بتحافظ ع شرفها صدقيني بتعيش مرتاحه ومابتفكر بوجع الراس متلك وبعدين لا تقولي حبيبي يعني لساااااتك بتحبيه بهدلك وبهدل اهلك وبتقولي حبيبي لالالا انسيه واسحبي عليه وما تدري يمكن اذا طلع من السجن بيعمل مشاكل لكم من جديد انتوا في غنى عنها ....... بنصحك تقربي من الله واسمعي كلام اهلك شو مايقولوا قولي لهم حاااااااااااضر من عيوني ويارب يبعت لك ابن الحلال من الباب مو من الشباك قصدي بدون تعاااااااااارف.اسفه ع الاطاله بس اعتبرتك مثل اختي


__________________________________________________ __________

اللهم استرنا فوق الارض وتحت الارض ويوم العرض كرري ,, هذا الدعاء ,,

الله يستر علينا وعليك ويسعدك بابن الحلال عاجلا غير اجلا ,,


__________________________________________________ __________

المشاركة الأصلية كتبت بواسطة مشكلتي
الله يستر عليك هذي نهاية التعارف بدايتها عشر دقايق ونهايتها سجن وكلام كثير حبيبتي البنت مافي عندها اعز من الشرف ازا بتحافظ ع شرفها صدقيني بتعيش مرتاحه ومابتفكر بوجع الراس متلك وبعدين لا تقولي حبيبي يعني لساااااتك بتحبيه بهدلك وبهدل اهلك وبتقولي حبيبي لالالا انسيه واسحبي عليه وما تدري يمكن اذا طلع من السجن بيعمل مشاكل لكم من جديد انتوا في غنى عنها ....... بنصحك تقربي من الله واسمعي كلام اهلك شو مايقولوا قولي لهم حاااااااااااضر من عيوني ويارب يبعت لك ابن الحلال من الباب مو من الشباك قصدي بدون تعاااااااااارف.اسفه ع الاطاله بس اعتبرتك مثل اختي

والله ردودكم يا بنات ابكتني لانكم اتعاطفتو معي وافهمتوني
لالا هو مش حبيبي والله حقدت عليه وصرت اكرهه من كل قلبي والله لو بعرف هيك راح يصير مع اهلي ما عمري فكرت فيه والله اني اندمت ندم شديد وتبت لربي ويارب يتقبل مني