عنوان الموضوع : لاتبخلون علي بالرد والنصيحه والحل -تم الاجابة
مقدم من طرف منتديات نساء الجزائر

لاتبخلون علي بالرد والنصيحه والحل



السلام عليكم ورحمه الله وبركاته

بدون اي مقدمات بدخل فصلب الموضوع انا حالتي جدا صعبه واحيانا افكر انتحر وارتاح بس خوفي من ربي يمنعني اسوي هالشي امي عطتني بلاك بيري هديه نجاحي فالثانويه صادني ابوي فيوم ففترة انا بديت ادرس فيها فالجامعه المهم صادني وانا سهرانه ع البي بي كنت اكلم انسان عزيز وغالي ع قلبي ابوي يشد فالتلفون وانا اشد خفت يشوف الكلام واروح فيها خذ ابوي التلفون مني وراح لامي التلفون كان فيه رقم سري ابوي قعد ينازعني ويذكرني بمشاكل قبل الي كانت اختي الصغيرة سبب فيها وفرقت بين عمي وابوي قعد يقولي الوي انه انا السبب وانا والله العظيم مالي خص فالي صار المهم انا تضايقت وحسيت اني ماقدر امشي طحت ع الارض وانا امشي لغرفتي ابوي شافني قعد يرفسني ويقول عن هالحركات وانا والله ريلي من الضيقه ماقدرت احركها واحس قلبي ينبض بقو وسرعه المهم قمت بعدين ورحت غرفتي وانسدحت وانا افكر واقول يارب مايشوف المحادثه فاليوم الثاني امي نادتني عقب مارجعت من الجامعه وقالت فتحيلي التلفون فيه باس فتحته وشافت المحادثه قالت لو ابوج شاف بيمرض وبيموت قلت لها لاتقوليله انزين قامت وطردتني برة فاليوم الي بعده انااستغليت الوضع امي ماكانت موجوده فيه مسحت المحادثات ورجعت البي بي مكانه والحمدالله ابوي ماعرف بالموضوع بس تضايق من موضوع اني كنت سهرانه ع التلفون واني قمت اشد وهو يشد يبي التلفون الحين امي وابوي مايكلموني واحس انهم ناسين اني من العايله مايحطون لي اعتبار يشاورون خواتي ولايشاوروني مثل اول ابوي يدور الزله علي عشان يصارخ علي ويعصب بس والله العظيم مع ها كله اني كل يوم الصبح احبهم ع راسهم واسلم عليهم بس انا تعبت من اسلوبهم معاي تعبت من الحرمان اسمي ماقمت اسمعه ع لسانهم يبون مني شي قالو لخواتي يقولون لي والله العظيم تعبت انا لو قالته انسان ماعرف كيف بيعاملوني انزين انا غلطت وايد وكم مرة سامحوني صح بس بعد انا اتعلم يوم اقولهم بغلط مرة مرتين وعشر بس فالنهايه بتعلم يقولون انتي ماتتعلمين الحين انا نفسيتي تعبت وماتحمل معامله امي وابوي لي وكله اقعد بروحي بالغرفه درس وقتي صار دراسه فدراسه منها انسى ومنها ابثبتلهم اني اقدر اتغير للاحسن كم فكرت اني اكلمهم بس هم مايبون مني اعتذار يبون فعل احس وانا اكتب كلامي شبه مب مفهوم بس اتمنى حد يفهمني وينصحني بشي لاني كم فكرت اكلمهم بس اتردد احس بسمع منهم كلام يجرحني ويضايقني وفكرت اكلم الشرطه المجتمعيه وفكرت اشرد من البيت بس مالقيت حل ابي حل بدون مانجرح او اتضايق انا وحده جامعيه فسنتي الاولى ماريد اي شي ياثر فيني ابي حل يريحني ابي امي وابوي يفهمون اني مراهقه واتعلم حتى لو غلط 99 مرة ابيهم يفهمون انه رب العالمين يسامح عباده هم امي وابوي ليش مايسامحوني ويعذروني والله اني تعبانه وااااااايد


الله يخليكم لاتبخلون علي بالرد انصحوني وجهوني اي شي قسم بالله مب متحمله هالحال وهالوضع انقهر اشوف بنات الجامعه بلاك بيري بنات الاهل يسالوني وينج عن البي بي اقولهم خربان يردون علي بمليون سوال وسوال تعبت من الحرمان ومن معامله امي وابوي والله تعبت

>>>>> ردود الأعضـــــــــــــــــــاء على الموضوع <<<<<
==================================


اتمنى لك التوفيق


__________________________________________________ __________

احس محد فاهمني علشان جي محد رد علي ولاحد راضي يعطيني حل او يخفف علي تعبي ونفسيتي التعبانه ولاوين الردود


__________________________________________________ __________

اختي استغلي يوم يكونو لحالهم بالغرفه وروحي عندهم واعتذري منهم وبوسي راسهم وحسسيهم انك ما عملتي شي غلط ولا رح تعملي شي غلط ,, وديري بالك على دراستك وصلاتك ومستقبلك وبس والحب ما بيجي الا بالزواج على سنة الله وهالامور يلي كنتي فيها انسيها ,, وحسسي اهلك انك خلاص صرتي منيحه والموبايل كلو بلا منه هالفتره ,, وجيبي هديه للماما والبابا كمان ,,


__________________________________________________ __________

الله يفرج همك حبيبتي لازمك وقت مشان ينسو


__________________________________________________ __________

المشاركة الأصلية كتبت بواسطة مشكلتي
وفكرت اكلم الشرطه المجتمعيه وفكرت اشرد من البيت بس مالقيت حل ابي حل بدون مانجرح او اتضايق


ماشوفك تغيرتي من معاملة اهلك باقي تفكرين باشياء مالها داعي وش تهربين من البيت ...!

اهلك يحبونك وماسوو هالشي الا انهم عارفين انه بياثر فيك ويغيرك للاحسن ؟! حتى ولو تعبت نفسيتك لازم تتعلمين وتغيري للاحسن وخليك فاهمة وبلا كلام فاضي فكرت اهرب من البيت فكرت انتحر .!!

اولا قوي علاقتك بربك واستغفري كثير وادعي ربك ان امك وابوك يرضون عنك بعدها روحي غرفتهم وهم لحالهم وكلميهم وقولي لهم وعد مايتكرر هالشي وانا احبكم وتعبت من معاملتكم ماحبكم تعاملوني كذا انا غلطانة واعترف بغلطي ووعد مني مايتكرر خلاص عطوني فرصة ثانية وان شاء الله ماتشوفون مني الا اللي يرضيكم انا واثقة ان قلتي هالكلام بيرضون عنك ترا الاهل حنونين ويحبون عيالهم لكن اوقات من كثر حبهم وخوفهم على عيالهم يستخدمون طرق خاطئة بتربيتهم بس هذا من زود خوفهم واذا زاد الشي عن حده ينقلب ضده قولي لهم نفس هالكلام وبيرضون عنك ان شاء الله ولا عاد تسوين تصرفات طائشة ولاتزعلين نفسك حبيبتي عادي كل الاهل اذا زعلوا كذا امي اذا زعلت مني ماكانت تكلمني بالايام بس دايما اكلمها وترضى عني لان الاهل حنونين حطي ببالك هالشي ولو كلمتيهم اكيد بيتغيرون وخصوصا لو شافوك تغيرتي بيفرحون استغلي وجودك على وجه الارض وصلحي اخطائك قبل فوات الاوان

الله يوفقك يارب ويرضي اهلك عنك ويسعدك وينجحك بالجاامعة اللهم امين

موفقهه ياقلبي