عنوان الموضوع : ابوووي سبب عذااابي يخيرني بين راحتي ومستقبلي !!!
مقدم من طرف منتديات نساء الجزائر

ابوووي سبب عذااابي يخيرني بين راحتي ومستقبلي !!!



مشكلتي ان ابوي كان وما زال انسان بخيل سواء عاطفيا ولا ماديا كنت اشوف الشي بالسوق ولا مع صديقتي واعتبره حلم اني اشتريه اشيااء سخيفة زي قلم ابو ريش والخرابيط حقت الابتدائي, واذا صاار معجزه واشترى لي والله انه يقعد يسب ويلعن ويسد نفسي عن هالشي اللي جاابه هوانسان تفكيره مقفل اقوى شي يعني اذا ما صار الشي زي ما يبغى يكنسل كل شي وفوق هذا يبغى كل شي يمشي ع مزاجه بدون بذل اي جهد !! دايم اجيب الاولى ونسبتي ما قد نزلت عن 98 كله عشانه ووالله اني ما قد لقيت منه هدية ولا قد أوفى بوعوده,عشان كذا انا واخوااني نحس بالنقص والضعف
مشكلتي الحاليةاني انا كنت بأولى ثانوي نظام مقررات وما ارتحت فيه ابدا وجبت نسبة نازلة 92 والمدرسة هذي قريبةمره من بيتنا يعني 3 دقايق وانا هناك وهذا كان مريح اهلي .. المهم انا تعبت لما دخلتها ومرضت وكنت اتمنى المووت ولا اداوم لدرجة اني قطعت جلدي بالمووس عشان يحس فيني ابوي وينقلني قال بالطقاق فيك مارح انقلك !! (مع العلم ان فيني عين عالدراسة)
وبعدها صار يدلعني ويعاملني باسلوب كويس ويضمني كثير واشياء زي كذا كلله ليش ؟؟ لان خايف اذا انتحرت ان الناس يلومونه هو ويقولون انه كان يعذبني يعني عمره ما فكر فيني..المهم مع الوقت لما شاف ان الموضوع جدي قال خلاص خلصي اولى وانقلك .. كان عندي خيارين بالمدارس اما مدرسة بحارتنا او مدرسة خاصه بحي ثاني طبعا انا بنفسي ما كنت مقتنعه ان ابوي بيدخلني مدرسة خاصة يعني واحد صفاته زي اللي فوق متوقعين منه هذا التصرف ؟!! خلصت السنة بشق الانفس ورحنا للمدرسة اللي بحارتنا والمديرة قالت ما استقبل بنات عندي زحمممة وهي كذابه , رحنا للخاصة بشهر 8 وسالنا عن الرسوم وكذا .. السنة ب12 الف طبعا تقسيط .. سافرنا برمضان وما رجعنا هنا بدري هو كان متعمد يأخرنا كله عشان ما ينقلني لان نظام المقررات م فيه نقل!
اناا كنت مصرة على قراري بالنقل ليش ؟ لاني بعمري ما سويت شي ابغاه طول عمري وانا عايشه تحت ظل القهر والحرمان والتمني ماقد طلبته شي وقال ابشري ولا خلاص اللي يريحك وربي نفسي اسمعها بس مستحيل
اخذت القرار بالنقل للخاصة وهو يبغاني اجلس بالمقررات بس لانها قريبة وببلاش وهو اصلا قال لي اقعدي فيها ولو ان شاء الله تجيبين 60% عادي !! يعني لهالدرجة انا ما اهمّه ؟!! بس اصريت عالمدرسة الجديدة وانا قدام عيني تمر ذكرياتي وانا طفله ولما اطلبه يكسحني ويقول "غاليه" " بعدين" ...الخ ، وقسما بالله انه كان يدعي علي الله لا يوووفقك الله لايوفقك الله لا يردك الله ياخذك وانا ساكته كله لاني طلبت شي من حققي !! لدرجة اني قلت خلااص اما ادخل مدرسة وانا مرتاحة ولا اقعد بالبيت قال لي خلاص انطقي بالبيت نبي وحدة تشتغل بالمطبخ مو وحده مانستفيد منها !!! كل هذا ومارح تستفيد مني ! وانا طموحي اني اخلص دراستي واتوظف وافتك منه ولا احتاجه واشتري اللي ابغى .. جلست اول اسبوع بالبيت عاساس اني خلاص باترك المدرسة بس امي اصرت علي اني اروح وانقل ملفي وانا والله مابغى البيت بس من القهر اللي فيني التفكير عندي توقف كل ما شافني يدعي علي ويطردني من الغرفة اللي هو فيها كل هذا لاني طلبته شي اناا استحقه وماقد ذكرته بطفولتي اللي كانت كلها امنيات صغيرة ماتحققت لي لان ابوي مايفكر فينا , .المهم داومت فيها امس وقبله اول يومين وربي اني مارتحت فيها ماتوقعت كذا ابدا ع بالي بأستانس واتعرف على بنات والله ماعرف فيها احد وقابلت بنتين اعرفهم من زمان ويعاملوني ولا كانهم يعرفوني .. وماعندي ولا صديقة ودايما لوحدي واذا حاولت اتعرف يطنشوني لانهم اصلا جايين من مداس ثانية مع بعض يعني شلل من اول ومو ناقصين احد والبنات يخوفون اذا ما كانت الوحده بويه تكون دلوعه وصخه صوتها عالي وحركاتها ماصخة .. والابلاات لا شرح ولا اسلوب , والباص اتعبني اقعد سساعة ونص وانا جالسة انتظر متى يلف عالبنات كلهم ونوصل طبعا الموال هذا الصباح والظهر ومشرفةالباص وصلت لدرجة انها تقول للبنات اكشفوا اهم شي رااحتكم, وفوق كذا العين اللي فيني عالدراسة تحسسني بالخوف ونفسي مسدوودة ولا دريت عن الكتب يعني واضح اني مارح أفلح بهالمدرسة وربي اني اتضايق اذا شفت الكتب ..انا مو ندمانه اهم شي اني طلعت من هذيك المدرسة المعقدة الشي الوحيد اللي ابيه الحين هو اني اروح للمدرسة الثانية اللي بحارتنا واكلم مديرتها بنفسي لان امي كلمتها هذيك المرة,بس بتقولون ليش ؟ لان هناك فيه بنات اعرفهم كثيير ولانها قريبه يعني لو اروح مع سواق ياخذني مع كم بنت احسن من باص فيه 34 بنت! وفوق كذا اني لو ما جبت نسبة كويسة عالاقل ما نكون خسرنا عالفاضي احسن من 12 الف على خيبة !
قلت لامي واقتنعت بكلامي لانها مرت بحالتي , وحاسة فيني ,بس ابوي قال لا لأنها رح ترفضني مره ثانية قلت له انا متوكلة على ربي قال لا! انا عبالي بيوافق لانه ما كان راضي على دخولي للخااصه !والمديرة هذيك تقبل وترفض ع مزاجها يعني لو اقنعتها ان شاء الله بتقتنع!
ابوي كان جوابه شدي حيلك وما معك الا درااستك ! واذا تبغين تقعدين بالبيت اهلا وسهلاا !الحين هو خيرني بين شيئين اما اني اجلس في المدرسة هذي او اجلس بالبيت !!!!!
وانا بين نااارين اما ارتاح السنة هذي لاني بجد تعباانة ويجيني خوف وخفقان واعتقد سنة مارح تأثر+او اني اكمل بهالمدرسة واعيش العذاب هذاا وانا وربي تعبت تخيلوا من اول متوسط وانا اعااني من المدرسة يعني 5 سنين اعيش مراهقتي كذاوانا من امس وانا ادعي ربي ان ابوي بنفسه يجيني ويقول لي خلاص روحي كلمي المديرة وشوفي بس ابوي شايلها نهائي والحجة انه مارح يحطني مع سواق هندي مايدري وش يسوي فيني وسواق الباص ياخذني مع بنات واذا صار شي بيعرفه لان كل شي مسجل بالمدرسة من اسماء السواقين والباصات والخ...انا موالوحيدةاللي تركب مع سواق واكيد انه بيكون معه بنات ولا اروح مع سواق اخواني اللي بالابتدائي والمتوسط ابغى طريقة تخليه يقتنع ان السواق عادي وانه عادي اروح اكلم المديرة مره ثانية مع العلم انه يسمع كلام امه واخوااته كثير يعني لو طلبتهم يساعدوني يمكن ينفع

>>>>> ردود الأعضـــــــــــــــــــاء على الموضوع <<<<<
==================================


الله يصبرك تحملي هذا ابوك مو اي شخص

وبتوفيق ي بعدهم


__________________________________________________ __________

حبيبتي ابوكي واضح انه من النوعيه الي يعند اولها بس مع كتر الزن يوافق
انا من راي تحكي معه اكثر من مره لحد ما يوافق وحتى لو اطريتي لاسلوب انك تكسبي شفقته المهم توصلي للي بدك اياه وتنقلي على المدرسه الي بترتاحي فيها ,, المهم قبل ما تحكي مع ابوكي انا من راي تشوفي مديرة المدرسة واذا وافقت احكي مع ابوكي لان بلاش تغلبي حالك على الفاضي تقنعي ابوكي والمديرة ما توافق .

الله يختارلك الاحسن ادعي ربنا ييسر امرك واكثري من الاستغفار .


__________________________________________________ __________

انتي حاولي مع ابوووك حاولي بالي تقدرين عليه كلمي جدتك عماتك واكيد يبون مصلحتك هم بسس اذا ماوافق كملي كملي بالخاصه الاحسن لك تكملين ماعليك من البنات الي بالمدرسه مصيرك راح تتعرفين ع بنات طيبات ومحترمات ولا تشيلين هم الباص والمعلمات والله سنه بتمر في غمضه عين توكلي ع الله وادرسي وخلصي وتوظفي وخذي كل الي تبينه والي نفسك فيه , لان اذا جلستي سنه بالبيت راح تقل شجاعتك في انك توصلين لمستوى حلو بالدراسه .. اسمعي نصيحتي وكممملي لاتضيعين نفسك ماراح يفيدك في المستقبل الا شهادتك ولا راح تخليك تحتاجين لاحد .. وابوك الله يهديه ويسخره لكم ..


__________________________________________________ __________

ماعليش اصبري حبيبتي هاذ ابوك واعملي مثل ماقالولك البنات وربنا يفرج عليك


__________________________________________________ __________

الله يعين