عنوان الموضوع : اختي قالت ما نسيتيه انسيه
مقدم من طرف منتديات نساء الجزائر

اختي قالت ما نسيتيه انسيه



بسم الله الرحمن الرحيم

السلام عليكم ,,
جالسة مو عارفة احكي لمن واتذكرتكم اخواتي فديييتكم ربي ما يحرمني منكم تكفوون ساعدوني وادري انكم مو مقصرين يا رب

انا ليا الان تقريبا 5 شهور مخطوبة بدون عقد وخطيبي بس كل شويه يعتذر ويقول مشغول دائم واحيانا ما يسال نحن نسأل حتى اخوي يقول لا خلاص والله ما اكلمه كدا نحن صرنا ندور عليه مو هو والمفروض العكس وانا يا بنات وماما برضو نحس عنده عذر وهذا عمله وصح ما عنده وقت
بس اخواني تفاجات منهم يقولوا هذا شكله مو جاي يمكن ثلاث شهور وراح حتى هو صار له ظرف قاسي واخوي ما زاره ولا حتى كلمه يقول خليه بالرغم اخوي حنون بس صار قاسي معه واهلي ما كلموا اهله يقولوا وهو وينه مايقف معنا في افراحنا واحزاننا ويسأل

واختي تقول اوووف انسيييييه فاجاتني وجلست يوم مصدومة وابكي وما نمت تقول هذا مو جاي حتى لو مشغول ما يحتاج العقد كله بالكثير ساعة
بس خطيبي يقول انا مو قادر اجي اسوي الكتاب مشغول مرة
هذا راي اهلي

وانا اقول لا هو جاي لانو اول ما شافوني ام الولد قالت خلاص سوي التحليل انكسفت بس انا ما رضيت وخليت لهم زيارة تانية حتى ما يتسرعوا واندم وبرضو ماشاء الله علي شفت رؤيا انو ان شاء الله يكمل الموضوع وبرضو عندي احساس انو جاي ويارب يجي

بس ردوا اهلي علي قالوا هم صح في البداية كانوا يبغوك بس انحسدت لانو انتشر الخبر اني تزوجت بالرغم انو ما ملكت وبعدين الرؤيا قلتيها لصاحباتك وانحسدت عليها والرؤيا اذا فيها حسد لازم يروح عنها الحسد وهذا الولد لو يبغاك جاك الان يماطل ويبغى الفكة وانتي فيك شيء اصلا لانو دائم خطبة وتجلسي سنة ثم تتفركش امكن عين ولا شيء

بنات انا مو عارفة ايش اسووي كلام اهلي صحيح وانا لاني صغيرة ما افهم وهم فاهميين

بالمناسبة بنات هو ما قال انو ما يبغى يجي بس هو عصب وقال استنوا انا ابجي واعطانا موعد ويقول كنت ابجي انا والله بس في العمل ماقدرت وهو عمله زفت ونعرف ناس زي عمله برضو كدا اهلهم بيحكوا انهم ما شافوا اولادهم ولمن امس رحنا للجيران وبرضو بيحكوا كدا علشان كدا انا عاذرة وحاسه انو بيجيني يا رب مرة حبيته من كلام اخواني بنات دعواتكم يرجع لي ووالله سوت اللي يبغاه وانبسط وكان بيسوي الزواج بس ما قدر

س1/ اصدق نفسي والا اصدق خطيبي والا اصدق اهلي
س2/ اهلي يقولوا هو خلاص بطل بس مو عارف كيف يقول لانو مستحي من ابوك وجالس يماطل اليين يروح وانتي افهمي . صح والا لا؟
س3/ هو ما يقرب لنا حتى يكون مغصوب وليه مغصوب ونحن اصلا ما نعرفه وهو شافني من البدايه ليه ما رفض وكمل وسوينا التحاليل . هو مغصوب ولا لا؟
س4/ انو شكلي حلوة مو مرة بس في لمسة جمال حسب كلام من شافني معقول هو من شكلي رفض ماعجبته وتسرع في البداية يعني وبطل ؟
س5/ تقدم لي ناس من اهل امي واهلي قالوا اذا بتقبليه ايش رايك تفاجات قلت كيف وخطيبي قالو مو جاي كلامهم مو كلام خطيبي بس انا رفضت ابغى هذا خطيبي لو جاء احد بعده اوافق يعني

آسفة امكن ما عرفت اعبر من الهم اللي انا فيه وطولت عليكم سامحوني وساعدوني

آخر طلب / دعواتكم انو يرجع لي خطيبي عاجلا غير آجل

>>>>> ردود الأعضـــــــــــــــــــاء على الموضوع <<<<<
==================================


ممممممممممممممم
الله يفرجها عليك حبيبتي
والله صعبة
لا ان شاء الله بيجي و بتتزوجو
و بتصيري تضحكي على هاد الايام


__________________________________________________ __________

حبيبه شفيك جالسه ومازمه من نفسيتك تطمني ودامك لسه مره تبين الجد ثلاث شهور وهو يماطل ما صار شغل الواحد شوي يفكر بالعقل ليش تاخذه عاطفته المفروض يكون متحمس للملكه عشان يكلمك بعدها وتنبسطون مو كذا يا حبيبه قلبي ساحب عليك وعلى اهلك ويماطل انا ابد ماعجبني اسلوبه اصلا بهالظرف الي هو فيه المفروض يبرز نفسه قدامك وقدام اهلك عشان يطلع بالصوره الحسنه اذا من اولها ساحب عليكم ومو مقدر اهلك مع احترامي وش تتوقعين بعدين انتبهي حبيبه قلبي واذا هو مشغول كذا ترى بعد الزواج حتى شوفه ماراح تشوفينه كويس وبتنحرمين من كثير اشياء والسبب عمله ومدام انتي صغيره وجالس يتقدم لك ناس فكري عدل وانتبهي لنفسك وحاولي ما تعلقين نفسك فيه بيجيك الاحسن منه والي يبي
الوصل يامكثر الطرق ولو وقفت كل العرب في طريقه الله يسهل امرك


__________________________________________________ __________

حبيبتي اصبري شوي عطيه فرصه شهر اوشهرين
اذا ماجاء تصرفي
بس لاتنسين تدعين ربي الله يفرج همك


__________________________________________________ __________

لازم تواجهي خطيبك وتاخذي الصحيح هذا زواج مو لعبة


__________________________________________________ __________

حبيبتي اصبري الوقت كفيل بكشف الموضوع خلي اهلك يحكو معه ويحطو حد للموضوع

والله يختارلك الافضل