عنوان الموضوع : خايفه يتحطم حلم طفولتي بسبب تافه
مقدم من طرف منتديات نساء الجزائر

خايفه يتحطم حلم طفولتي بسبب تافه



السلام عليكم
رجيتكم خواتي ابي منكم تشورون علي
عارفه مشكلتي ماتستاهل كل هالضيقه
بس انا من النوع اللي اكره ان اي احد يتكلم عني بشر..!!
انا احب ابدع بالاشياء الخربانه
مثل ورده مقطوعه اخيطها واصلحها والصقها في بنسه والبسها لكن يطلع شكلها حلو
المشكله مو هنا
المشكله في الموقف اللي صار والله العالم طيب نيتي..
عندنا ستاره مقطوعه في البيت مو محتاجينها من زمان
قصيتها وسويت فيها اشكال
وطلع معاي 8 اطواق
وانا ماعندي خوات
و8 كثيره علي
عطيتها عمتي
قلت هذي لبنتك اللي برابع ابتدائي
وقالت خلاص انا ابشتري منك السبعه الباقين وانا رفضت لكن هي اقنعتني
واخذتها مني
انا ماهمني الموضوع
راحت عمتي تبي تبيعها لان هي لها محل بالملاهي النسائيه
من بكرا الصباح دقت علي وقامت تهاوشني وتسبني
انا مدري وش السالفه
تقول انتي كذبتي علي وغشيتيني وعطيتيني حق ستاير كل الناس اللي جو عندي قامو يتشمتون علي لان وحده في بيتها نفس الستاره هذي..
""ملااااحظه الستاره لونها عنابي ومصنوعه من الجوخ وشكلها وربي وربي وربي جنااان""
وهي اللي عرضت علي انها تشريهم مني
وصرخت علي وهددتني انها بتفضحني اني غشاشه عند عماتي
وربي انا ماقصدي شئ
وحاولت اني ابرر لها موقفي لكن هي تقول ان محلي بغى يتسكر بسببك

المشكله ومافيها ان عمتي الكبيره ناويه تخطبني لولدها هذا كان حلم طفولتي وربي
اخاف لما تفضحني على قولتها عمتي وبناتها تتغير نظرتهم لي واخاف يحسبون اني قاصده
واخاف يوصل الكلام لولد عمتي ويهون عني ويتركني وانا احبه وبموت لو تركني
اقسمبالله يطلع الصبح وانا بس افكر خااااايفه امي وابوي عارفين المشكله وماهمهم
لكن هم مو عارفين اني احب ولد عمتي وانه ناوي يخطبني بس كل الكلام يوصل من خواته وانا بجد بجد خايفه ياخذون عني فكره
انا ماهمتني عمتي يوم تسبني وتجرحني
لان واثق الخطوه يمشي ملكا
بس خايفه هو يعرف وتتغير نظرته لي وعمتي الصغيره اللي سبتني عارفه ان ولد عمتي الكبيره يحبني وناوي يتزوجني
وهي صديقته واخاف تاثر عليه


تكفووووون لاتهملون موضوعي
وادري انه تافه بس انا خايفه من جد
واسفه ع الاطاله....

>>>>> ردود الأعضـــــــــــــــــــاء على الموضوع <<<<<
==================================


ياقلبي ترى مايستاهل الموضوع عشاان يغيير نظرته فيك ماسويتي شي!!! ولا تبرري لها ولا شي تبغى تقوول تقوول


__________________________________________________ __________

حبيبتي عادي .. كلمي بنات عمتك عن اللي صار كأنك تحكين لهم صديقاتك عادي .. و اذا يا قلبي ربي قاسم لك في ولد عمتك هذا نصيب لو اتفقن كل عماتك و كل العالم عشان ياخذونه منك ما راح يقدرون ..
ادعي ربك يجعله من نصيبك


__________________________________________________ __________

عمتك مالها حق تصارخ عليك وقولي لها احسن مانرمي الستاره نستفيد منها صح ولا لا؟
وانا تعبت عمري وانا اضبط واخيط وبالنهايه تقولين عني غشاشه ايش الكلام هذا
كذا تجازيك؟
والشي الاهم اذا هي خايفه على محلها انو يتسكر قولي لها ترجع الاطواق ولا عاد تعطينها شي من شغل يدك لانها ماتستاهل
واما بالنسبه لولد عمتك لا تخافين اذا هو عاقل وفاهم ماراح يسمع لكلام تافه وماله اي معنى بس هي اكيد حابه تسوي بينكم مشكله وخاصه اذا كنت تدري بقصة الحب اللي بينكم وانه قريب ناوي يخطبك لكن انتي مايهمك واصلا ماراح تقدر تفضحك ولا بكلمه وحده


__________________________________________________ __________

هونها تهون
الله يستر علينا وعليك يارب


__________________________________________________ __________

ماعليك منها انتي تغدي فيها قبل ماتتعشى فيك

يعني كيف ؟؟

انا اقولك اشرحي الموضوع لعماتك الباقيات او بنات عماتك المهم الناس اللي انتي تشكين انهم راح يوصل لهم الكلام وبالتالي عماتك وبناتهم لما يسمعون بدايه القصه منك ماراح يصدقونها بعدين وبيعذرونك وبيعرفون انك مو قاصده انتي هالشئ وانها هي اللي تشك بنيتك وكذا

ثاني شئ

اعتذري من عمتك عشان تهدي على السالفه

وبنفس الوقت تصلحون علاقتكم في بعض لوجه لله التسامح زين ومن ديننا الاسلامي

اما ولد عمتك صدقيني الرجال مايهتمون في هالمواقف وهالسخافااااات
وثاني شئ وربي لو هو يحبــكـ صدق راح يتزوجك مهما كان

وثالث شئ وهو الاهم لو كان ربي كاتب لك نصيب مع هذا الشخص راح تتزوجينه غصبن عن الكل يعني كل شئ مقدر ومكتوووووب من زمان

ولاتحطينه في بالك كثير خلي امور الزواج والنصيب على الله ومحد يدري وين بتكون سعادتك مع مين


الله يحقق لك امنيتك بالقريب العاجل بأذن لله