عنوان الموضوع : اهملتني رغم اهتمامي بها -تم الاجابة
مقدم من طرف منتديات نساء الجزائر

اهملتني رغم اهتمامي بها



السلام عليكم
ابدخل بالموضوع على طول انا لي صديقه من يوم كنت باول متوسط واستمرت صداقتنا الى ثالث ثانوي
يعني صداقه 6 سنين المهم كانت صداقتنا حلوه وقريبن بعض الشي من بعض بس احيانا تكون فيه هوشات على اشياء ماتسوى مثل اختلاف بالاراء وكذا نزعل شوي وبعدين نرضى وهي من النوع الغير حريص على الدراسه يعني تدرس يومين او ثلاث بالاسبوع والباقي غياب وكتت متحمله على ان هذا الشي يحز بخاطري لاني مالي غيرها صديقه بالمدرسه وكيف يهون عليها تغاب وتخليني لوحدي وانا لو اغاب لازم اقولها عشان ماتجلس لحالها وانا بمدرسه تحفيظ قران وكنت دايم اتمنى احول تعليم عام واتخصص علمي عشان مستقبلي بس ضحيت بمستقبلي عشانها ولا حولت بعدين تخرجنا من الثانويه لكن قدر الله وقبلوني بقسم اللي كنت اتمناه من زمان وهاقسم بمدينه ثاتيه غير اللي فيها احنابمافه160 كيلو تقريبا وهي قبلونها باقسم بالمدينه اللي هي فيها يعني افترقنا انا بجامعه وهي بجامعه لكن مو هنا المشكله على رغم افتراقنا الا اننا مازلنا صديقات لكن انا اللي اتصل انا اللي ارسل انا اللي اسأل لو ماتصل ماتتصل ولا ترسل ولا شي يعني انا اللي ادورها واذا قلت لها وينك لااتصال لاشي قالت مشغوله >مستحيل دايم شغل
طلبت مني اني ادخل برنامج الواتس اب قالت عشان نتواصل اكثر وفعلا دخلت لكن نفس الحاله انا اللي اسولف وانا اللي اسأل عنها الا ااذا بغت حاجه او رقم كلمتني هي يعني مصالح
احسها دايم تحب تغايرني بكل شي وهم ناس عاااااديين حالتهم عاديه ووظايف ابوها واخوانها عاديه يمكن رواتبهم4000 بس احسها تشوف نفسها علي على ان وظيفه ابوي احلى وبشركه واخوي بعد وظيفه احلى من ابوي الحمد لله بس مدري ليه وكانت قبل يوم بالثانوي دايو تقول لي بخطبك لخوي فلان مدري ليه هذا بالظبط دايم تسولف فيه علي وشكله يعني جماله عادي يعني تحاول تحببني فيه لكن مدري ليه اخوانها الثانين حلوين من ناحيه الجمال ماشاء الله لكن تسبهم دايم تحاول تنفرني منهم مدري هذا تصرفها مافهمته



وفيه سالفه صارت لنا شرهت وانقهرت ليه كذا اللي هي يوم افترقنا بالجامعات نزل مستواها ولا مشت بالدراسه ويوم كانت بالثانوي كنت انا اللي اسوي واجباتها عنها واشرح لها واساعدها بكل شي المهم يوم نزل مستوها بالجامعه قررت تفصل وهي توها ببدايه المشوار سنه اولى وقالت لي ابفصل خلاص مليت وجلست انصحها واحاول فيها اقول حسافه لانك مابعد تعودتي وادعي لها انها توفق واشد معها اقولها لا ماتفصلين وكذا وهي معارضتني وسكت انا وبعد فتره قالت لي ابشرك ابرجع اكمل قلت حلو وش اللي خلاك ترجعين قالت امي واخواني والبنات اللي معي بالجامعه طيييييييب انا وين رحت انا اللي ضيعت وقتي انصحك وادعي لك اجحدتني انقهرت من جد قلت لها الله يوفقك والله فرحت لك ومن هالكلام بس شلت بخاطري

ومن تالي خلاص قررت اتركها لفتره ابشوف تشتاق لي او لا ولا راح اسأل عنها ولاشي والللللله لو تدرون كيف اغليها لدرجه ادخل الواتس ووهي طالعه اجلس اطالع اسمها يخلص البطاريه وانا اطالع في اسمها بس هي وش رايكم انتم

>>>>> ردود الأعضـــــــــــــــــــاء على الموضوع <<<<<
==================================


وحيانا تقول لي سوالف كذب
مثل مره قالت انو لها اخ اسمه فهد وصارت كل يوم تسولف فيه بعد فتره صارت ماتتكلم فيه قلت اخبار فهد
قالتت مالي اخ اسمه فهد بعدها انا سكتت

والمره الثانيه دايم تتكلم لي عن بنت خالتها وش قالت وين راحت ويوم جاء مره اتصلت تبكي علي صارت بينها وبين بنت خالتها مشكله من خلال هذه المشكله عرفت انها مو بنت خالتها بنت اختها طيب ليه كذبت علي وقالت كذا مدري


ومشكله بعد انها دايم توريني صور خوانها المتزوجين اما الغير متزوجين مانوريناهم وتعصب اذا شفتهم ولاتبغاني اشوفهم وهي دايم تقولؤ ابخطبك لاخوي ودايم تمدحه عندي تبي تكبره بعيني وهذا اخوها شكلا عادي والثانين حلوين تحاول انها تسبهم ولاتمدحهم تكرهني فيهم مدري كيف افسر هالتصرف


ودايم تحب تمدح نفسها انا اطبخ انا اغسل وهي اصلا عندهم شغاله هي اللي تنظف وتغسل اما الطبخ نص الطبخه تسويها امها بس مساعده بسيطه منها حتى الملح امها تحطه مدري ليه تمدح نفسها وانها سنعه



اسفه طولت تكفون ساعدوني


__________________________________________________ __________

علييييككك ب التطنييشششش واسألي مججربه طنشي ولمه ترسل لك لا تعطيها وجه الظاهر انك هاذي مشبكه


__________________________________________________ __________

طيب عآآدي اذا حسسيتي انها معاد تبيك وا بالاصح تحاول تسسحب عليك اتركيها مايسسوى عليك تذلين نفسسك واهي مو معبره سويتي الــي عليك ونصحتيها وتواصلتي معاها بسس الي ماتبي خلآص حاولي انك ماتكلمينها واذا تعدك رفيجة بتسسأل عنكـ ,,,

موفقة حبي,,,


__________________________________________________ __________

يسعدكم على النصائح مشكوووووووووووووووريناللله


__________________________________________________ __________

حبيبتي اتركيها لا اتفكر انك اتواصليها علشان اخوها انا شفت كثير مثل هيك نماذج وتركتهم والحين يتمنو كلمه مني وهمه يبدون السؤال
بعدين كيف ماتعرفي عنها كلشي وعلاقتكم 6سنوات لو انا لعرفت جدها السابع من اول شهر هههههههه